ជើងឯក Euro និង Copa America អាចនឹងប៉ះគ្នាដណ្តើមពាន Maradona Cup
អន្តរជាតិ ៖ អ៊ីតាលីដែលទើបឈ្នះជើងឯក Euro 2020 និងអាហ្សង់ទីនដែលទើបឈ្នះជើងឯក Copa America 2021 អាចនឹង
អន្តរជាតិ ៖ អ៊ីតាលីដែលទើបឈ្នះជើងឯក Euro 2020 និងអាហ្សង់ទីនដែលទើបឈ្នះជើងឯក Copa America 2021 អាចនឹង
អន្តរជាតិ ៖ អ៊ីតាលីដែលទើបឈ្នះជើងឯក Euro 2020 និងអាហ្សង់ទីនដែលទើបឈ្នះជើងឯក Copa America 2021 អាចនឹងបង្កើតប្រវត្តិសាស្ត្រ សម្រាប់ការប្រកួតដណ្តើមពានរង្វាន់ដែលត្រូវបង្កើតថ្មី មានឈ្មោះថា Maradona Cup។
សហព័ន្ធបាល់ទាត់ទ្វីបអឺរ៉ុប (UEFA) និងសហព័ន្ធបាល់ទាត់អាមេរិកខាងត្បូង (CONMEBOL) បច្ចុប្បន្នកំពុងពិភាក្សាលើដំណើរការពាក់ព័ន្ធជាមួយការបង្កើតពានរង្វាន់ថ្មីមួយនេះ។ ដើម្បីឈានទៅរកការកំណត់កាលបរិច្ឆេទដ៏ជាក់លាក់មួយ។ ហើយព័ត៌មានលម្អិតនឹងត្រូវប្រកាសជាផ្លូវការ ក្រោយលទ្ធផលនៃកិច្ចពិភាក្សារវាងសហព័ន្ធបាល់ទាត់ទាំងពីរ។
យោងតាមកាសែត The New York Times បានរាយការណ៍ថា ការប្រកួតនឹងត្រូវធ្វើឡើងនៅឯកីឡដ្ឋាន Diego Armando Maradona ដែលជាទឹកដីរបស់ក្រុម Napoli។ ហើយការបង្កើតពានរង្វាន់នេះឡើង ក្នុងគោលបំណងដើម្បីឧទ្ទិស ក៏ដូចជាការផ្តល់កិត្តិយសយ៉ាងធំធេងដល់ស្តេចបាល់ទាត់អាហ្សង់ទីន Diego Maradona ដែលបានទទួលអនិច្ចកម្ម កាលពីខែវិច្ឆិកា ឆ្នាំ២០២០ កន្លងទៅ។ នៅឯគេហដ្ឋានរបស់លោកក្នុងខេត្ត Buenos Aires ប្រទេសអាហ្សង់ទីន ក្នុងវ័យ៦០ឆ្នាំ ដោយសារជំងឺគាំងបេះដូង៕
ចែករំលែកព័តមាននេះ