វៀតណាមអនុម័តប្រើប្រាស់បន្ទាន់វ៉ាក់សាំង Johnson & Johnson ខណៈករណីឆ្លងកូវីដកើនខ្ពស់បំផុត
វៀតណាម ៖ ក្រសួងសុខាភិបាលវៀតណាមកាលពីថ្ងៃទី១៥ ខែកក្កដា បានអនុម័តវ៉ាក់សាំងចាក់តែមួយដូសរបស់ក្រុមហ៊ុន
វៀតណាម ៖ ក្រសួងសុខាភិបាលវៀតណាមកាលពីថ្ងៃទី១៥ ខែកក្កដា បានអនុម័តវ៉ាក់សាំងចាក់តែមួយដូសរបស់ក្រុមហ៊ុន
វៀតណាម ៖ ក្រសួងសុខាភិបាលវៀតណាមកាលពីថ្ងៃទី១៥ ខែកក្កដា បានអនុម័តវ៉ាក់សាំងចាក់តែមួយដូសរបស់ក្រុមហ៊ុន Johnson & Johnson (J&J) សម្រាប់ការប្រើប្រាស់បន្ទាន់។ ខណៈប្រទេសនេះ កំពុងប្រយុទ្ធទប់ស្កាត់នឹងការកើនឡើងករណីកូវីដ១៩ ដ៏គួរឱ្យព្រួយបារម្ភ។
រហូតមកដល់ពេលនេះ Johnson & Johnson គឺជាវ៉ាក់សាំងទី៦ហើយ ដែលត្រូវបានអនុម័តឱ្យប្រើប្រាស់បន្ទាន់ក្នុងប្រទេសវៀតណាម។ បន្ទាប់ពីវ៉ាក់សាំងរបស់ក្រុមហ៊ុន Astra Zeneca, Sputnik V, Pfizer, Sinopharm និង Moderna ។
ការអនុម័តនេះ គឺជាផ្នែកមួយដ៏សំខាន់ ដើម្បីពន្លឿនកម្មវិធីចាក់វ៉ាក់សាំងបង្ការ អំឡុងពេលមានការផ្ទុះឡើងដ៏អាក្រក់បំផុត។ ខណៈដែលកាលពីថ្ងៃទី១៥ ខែកក្កដា វៀតណាមបានរាយការណ៍ករណីឆ្លងថ្មីចំនួន៣,៤១៦ករណី ដែលជាកំណត់ត្រាឆ្លងប្រចាំថ្ងៃខ្ពស់បំផុតមិនធ្លាប់មានពីមុនមក។ ដែលភាគច្រើនត្រូវបានរកឃើញនៅក្នុងទីក្រុងហូជីមិញ។
ក្រសួងសុខាភិបាលវៀតណាមបានអះអាងថា ការអនុម័តវ៉ាក់សាំងរបស់ក្រុមហ៊ុន Johnson & Johnson គឺផ្អែកលើឯកសារទាក់ទងនឹងសុវត្ថិភាព, គុណភាព រួមនិងប្រសិទ្ធភាពនៃវ៉ាក់សាំង ដែលផ្តល់ដោយក្រុមហ៊ុនផ្ទាល់កាលពីថ្ងៃទី៣ ខែកក្កដា ក៏ដូចជាការប្តេជ្ញាចិត្តរបស់ក្រុមហ៊ុន ទាក់ទងនឹងភាពត្រឹមត្រូវនៃឯកសារផងដែរ។
សូមជម្រាបជូនថា គិតមកដល់ពេលនេះ វៀតណាមបានផ្តល់វ៉ាក់សាំងបង្ការកូវីដ១៩ ដល់ប្រជាជនខ្លួនជិត៩លានដូសហើយ។ ដោយប្រជាជនតិចជាង៣០ម៉ឺននាក់ បានទទួលវ៉ាក់សាំងបង្ការពេញលេញ ដែលភាគច្រើនជារបស់ក្រុមហ៊ុន AstraZeneca៕ (ដកស្រង់ចេញពី Reuters)
ចែករំលែកព័តមាននេះ