រឿងកាកសំណល់ដែលគេដឹកទាំងកប៉ាល់ៗយកមកចាក់ចោលនៅក្នុងប្រទេសកម្ពុជាយើង… ពេលរកឃើញភ្លាមៗ ហាក់ដូចជាភ្ញាក់ ផ្អើល គគ្រឹកគគ្រេង… ។ មានសមត្ថកិច្ច ដែលគេហៅថាក្រុមចម្រុះពិនិត្យ… កត់ត្រាយ៉ាងពពាក់ពពូន… ដូចយកចិត្តទុកដាក់ណាស់… ប្រៀបដូចជាទំនិញត្រូវប៉ាន់ ។
លុះដល់ទុកយូរបន្តិច… ទុកឱ្យវាងំបានបន្តិច… ចាប់ផ្តើមស្ងាត់បណ្តើរៗ… ។ ដំបូងលាន់ឮដូចគេទូងស្គរ… ដែលសមត្ថកិច្ចខ្លះថា តាមផ្លូវច្បាប់ត្រូវចាប់បង្ខំឱ្យក្រុមហ៊ុនដែលដឹកវាចូលមកនោះ ត្រូវតែដឹកវាចេញទៅវិញ… ដឹកមកពីប្រទេសអាហ្វ្រិកខាងត្បូង ត្រូវដឹកយកទៅឱ្យម្ចាស់វានៅអាហ្វ្រិកខាងត្បូងវិញ… ប៉ុន្តែស្ងាត់ឈឹងទៅហោង…
មានដំណឹងលេចឮថា ក្រុមហ៊ុនម្ចាស់កាកសំណល់នេះកំពុង«រត់ការ»ខ្វែងជើងគ្នា ដើម្បី«បញ្ចប់» ។ រត់ការកុំឱ្យ «អន្ទង់វែង ឆ្នាំងវែង» ហេ ! ហេ !
ប្រសិនបើដូច្នោះមែន… ម្ចាស់ថ្លើមថ្លៃអើយ… កម្ពុជាយើងនឹងក្លាយជា«ធុងសំរាម» យ៉ាងឥតអៀនខ្មាសបំផុត ។ នេះជារឿងរសើបមួយសម្រាប់អនុស្សាវរីយ៍២០១៥ សង្ស័យធុងសំរាមមែនទេដឹង ?
ចែករំលែកព័តមាននេះ