តំណាងអយ្យការចោទប្រកាន់អ្នកបើកឡានបុ.កកម្មករប្រមូលសំរាមស្លា.ប់២នាក់ជាផ្លូវការហើយ
- ភ្នំពេញ
រាជធានីភ្នំពេញ ៖ អ្នកនាំពាក្យអយ្យការសាលាដំបូងរាជធានីភ្នំពេញ លោក ប្លង់ សុផល ព្រះរាជអាជ្ញារង បានឲ្យដឹងថា សំណុំរឿង
រាជធានីភ្នំពេញ ៖ អ្នកនាំពាក្យអយ្យការសាលាដំបូងរាជធានីភ្នំពេញ លោក ប្លង់ សុផល ព្រះរាជអាជ្ញារង បានឲ្យដឹងថា សំណុំរឿង
រាជធានីភ្នំពេញ ៖ អ្នកនាំពាក្យអយ្យការសាលាដំបូងរាជធានីភ្នំពេញ លោក ប្លង់ សុផល ព្រះរាជអាជ្ញារង បានឲ្យដឹងថា សំណុំរឿងអ្នកបើកបររថយន្តបើកបុ.កស្លា.ប់កម្មករប្រមូលសំរាមស្លា.ប់២នាក់ កាលពីរសៀលថ្ងៃទី១៤ ខែកក្កដា ឆ្នាំ២០២១ លោក ឆាយ ហុង ព្រះរាជអាជ្ញារង បានបើកការស៊ើបសួរ លើជនសង្ស័យរួចរាល់ហើយ ហើយបានសម្រេចធ្វើការចោទប្រកាន់អ្នកបើកបររថយន្តរូបនោះជាផ្លូវការដែរ ពីបទ បើកបរដោយធ្វេសប្រហែសខ្ជីខ្ជារមិនប្រុងប្រយ័ត្ន បណ្តាលឲ្យស្លា.ប់អ្នកដទៃ តាមបញ្ញាតិមាត្រា ៨៥ កថាខណ្ឌទី២ ចំណុច ក ខ និង គ នៃច្បាប់ស្តីពីចរាចរណ៍ផ្លូវគោក ។
បើតាមបញ្ញាតិមាត្រា នៃច្បាប់ស្តីពីចរាចរណ៍ផ្លូវគោកដែលបានចែងដូចខាងលើនេះ តម្រូវផ្តន្ទាទោសលើជនសង្ស័យឲ្យអនុវត្តក្នុងពន្ធនាគារកំណត់ពី១ឆ្នាំ ទៅ៣ឆ្នាំ និងពិន័យជាប្រាក់ចូលថវិការរដ្ឋពី៤លានទៅ១៥លានរៀល នោះមិនទាន់គិតដល់សំណងរដ្ឋ ប្បវេណីទេ ។ ក្រោយពីតំណាងអយ្យការបានសម្រេចធ្វើការចោទប្រកាន់ជាផ្លូវការហើយ សំណុំរឿងនេះត្រូវបានចាត់បញ្ជូនទៅចៅ ក្រមស៊ើបសួរ ដើម្បីឃុំខ្លួនជនសង្ស័យដាក់ពន្ធនាគារជាបណ្តោះអាសន្ន ។
ជនសង្ស័យមានឈ្មោះ នេ ត នី សា មុខរបរនៅផ្ទះ ស្នាក់នៅភូមិគោកឃ្លាង២ សង្កាត់ក្រាំងធ្នង់ ខណ្ឌ សែន សុខ រាជធានីភ្នំពេញ ។
សូមរំលឹកថា កាលពីយប់ថ្ងៃទី១១ ខែកក្កដា ឆ្នាំ២០២ ១ ជនសង្ស័យបានលួចយករថយន្តឪពុកទៅដឹកមិត្តភក្តិដើរលេងសប្បាយ ចាយវាយផឹកស៊ីស្រវឹង ជោកជាំ រហូតម៉ោង២រំលងអាធ្រាតឈានចូលយប់ថ្ងៃទី១២ ខែកក្កដា បានវិលមកផ្ទះវិញ ។ លុះពេលមកដល់មុខធនាគារហត្ថា តាមបណ្តោយមហាវិថីសហព័ន្ធរុស្សី មុខផ្សារពោធិចិនតុង ស្ថិតក្នុងភូមិប៉ប្រកខាងជើង សង្កាត់កាកាបទី១ ខណ្ឌពោធិសែនជ័យ ស្រាប់តែរេចង្កូតទៅបុ.កកម្មករប្រមូលសំរាម ដែលកំពុងដើរប្រមូលសំរាមតាមដងផ្លូវ បណ្តាលឲ្យស្លាប់២ នាក់ និងរងរបួសធ្ងន់ម្នាក់ ហើយពេលនោះជនបង្កបានព្យាយាមបើករថយន្តគេចខ្លួនដែរ ប៉ុន្តែត្រូវប្រជាពលរដ្ឋដេញតាមឃាត់ បានភ្លាមៗតែម្តង ។
ជនរងគ្រោះរហូតបាត់បង់អាយុជីវិតទាំង២នាក់ ក្នុងនោះម្នាក់ឈ្មោះ ប៉ែន ចន្ទ័ ភេទប្រុស អាយុ៤២ឆ្នាំ និងម្នាក់ឈ្មោះ សាន់ ឆៃ ភេទប្រុស អាយុ៣១ឆ្នាំ ។ ចំណែកម្នាក់ទៀតឈ្មោះ ដួង គង់ ភេទប្រុស អាយុ៤២ឆ្នាំ រងរបួសធ្ងន់ ។
ហេតុការណ៍ខាងលើនេះ ត្រូវបានអ្នកបើករថយន្តដឹកសំរាមរៀបរាប់ឲ្យដឹងថា មុនពេលកើតហេតុ ក្រុមកម្មករប្រមូលសំរាមរបស់ ក្រុមហ៊ុន MIZUDA មានគ្នា៤នាក់ ដែលរូបគាត់ជាអ្នកបើកបររថយន្ត និងកម្មករកើបសំរាម៣នាក់ ។ ខណៈពេលរថយន្តដឹកសម្រាមបាននិងកំពុងឈប់កើបសំរាមតាមចិញ្ចើមផ្លូវ ក៏ស្រាប់តែឃើញរថយន្តបង្កបើកបរយ៉ាងលឿនក្នុងទិសដៅពីកើតទៅលិច លុះមកដល់ចំណុចកើតហេតុខាងលើ ក៏រ៉េចង្កូតបុ.កកម្មករចំនួន៣នាក់ ប៉ើងជាង១០ម៉ែត្រ បណ្តាលឲ្យបាក់ដៃ បាក់ជើង និងស្លាប់២នាក់ភ្លាមៗ នៅនឹងកន្លែងកើតហេតុ និងម្នាក់ទៀតរបួសធ្ងន់ ។
ពេលនោះរថយន្តបង្កនៅមិនទាន់អស់ល្បឿនទេ ក៏បានទៅបុកដើមក្ងោកនៅចិញ្ចើមផ្លូវ បណ្តាលឲ្យរងការខូចខាតយ៉ាងដំណំ និងបែកកង់មួយចំហៀងខាងស្ដាំមុខក្រោយ ។ ប៉ុណ្ណឹងហើយជនបង្កនៅតែព្យាយាមបើករថយន្តប៉ុនប៉ងរត់ចេញពីកន្លែងកើតហេតុ ប៉ុន្តែបានប្រហែលជាង១០០ម៉ែត្រ ក៏ត្រូវបានប្រជាពលរដ្ឋដេញតាមចាប់ខ្លួនអ្នកបើកបររថយន្តរូបនោះ ប្រគល់ឲ្យសមត្តកិច្ចចាត់ការតាមច្បាប់ ។
ចំណែកមិត្តភក្តិ៦នាក់ទៀត ដែលរួមដំណើរជាមួយ និងស្រវឹងជោកជាំដូចគ្នា លុះពេលមានអាសន្នក៏ស្វាងចែស ហើយបាននាំគ្នា រត់ចោលអ្នកបើកបរទៅបាត់អស់ ។
ក្រោយកើតហេតុ សមត្ថកិច្ចនគរបាលប៉ុស្តិ៍ក៏បានមកដល់ និងរាយការណ៍ទៅផ្នែកជំនាញចរាចរខណ្ឌពោធិ៍សែនជ័យដែរ ប៉ុន្តែដោយសារករណីគ្រោះថ្នាក់ចរាចរនោះ មានបាត់បង់អាយុជីវិតដល់ជនរងគ្រោះ ទើបប្រគល់ឲ្យទៅការិយាល័យចរាចរណ៍ផ្លូវគោករាជធានីភ្នំពេញ ដើម្បីធ្វើការវាស់វែង និងស្ទូចរថយន្តជនបង្ក ព្រមទាំងនាំខ្លួនអ្នកបើកបរទៅកាន់ការិយាល័យជំនាញ ដើម្បីកសាងសំណុំរឿងទៅកាន់សាលាដំបូងរាជធានីភ្នំពេញតាមនីតិវិធី ៕
ចែករំលែកព័តមាននេះ