ចិនជីកឃើញផូស៊ីលដាយណូស៊័រអាយុជាង180លានឆ្នាំ
ក្រុមអ្នកបុរាណវិទ្យាចិនបានបង្ហាញផូស៊ីលដាយណូស៊័រ ដែលកម្មករស្ថាបនាផ្លូវក្នុងខេត្តយូណានជីកឃើញជាដាយណូស៊័រ «លូហ៊្វើងហ្គោសូរ៉ាស់ » អាយុជាង១៨០លានឆ្នាំ។
ក្រុមអ្នកបុរាណវិទ្យាចិនបានបង្ហាញផូស៊ីលដាយណូស៊័រ ដែលកម្មករស្ថាបនាផ្លូវក្នុងខេត្តយូណានជីកឃើញជាដាយណូស៊័រ «លូហ៊្វើងហ្គោសូរ៉ាស់ » អាយុជាង១៨០លានឆ្នាំ។
ស៊ីនហួ ផ្សាយថា ការរកឃើញគ្រោងដាយណូស៊័រចំនួន២ក្បាលនោះនាពេល ថ្មីៗកន្លងមកនៅលូហ្គេ៊ីង ខេត្តយូណាន ភាគខាងលិចឆៀងខាងត្បូង ខណៈពេលអ្នកជំនាញបញ្ជាក់ថា គ្រោងផូស៊ីលដំបូងជាពូជ « L. magnus» ឬ «លូហ្វេ៊ីងហ្គោសូរ៉ាស់ » រួមមានឆ្អឹងផ្នែកត្រង់ក ចំនួន៣ចំណិត ឆ្អឹងត្រង់ផ្នែកទ្រូង១៣ចំណិត ឆ្អឹងនៅត្រង់គូទចំនួន២២ចំណិត និងឆ្អឹងជើងខាងក្រោយ១គូ ។
លោកវាំងថាំង ប្រធានផ្នែកការពារបេតិកភណ្ឌធរណីវិទ្យា ស្ថិតនៅក្នុងនាយកដ្ឋានធនធានដីធ្លីរបស់ស្រុកហ្គេ៊ីង និយាយថា ផូស៊ីល «L. magnus» មានលក្ខណៈល្អតែដាច់ក្បាល មកពីកត្តាអាកាស ធាតុ ។ គ្រោងឆ្អឹងនោះមានប្រវែង៥,៣ម៉ែត្រ ប៉ុន្តែសន្និដ្ឋានថាប្រវែងពេញលេញរបស់វាអាចដល់ទៅ៩ម៉ែត្រឯណោះ។ ចំណែកគ្រោងផូស៊ីលដាយណូស៊័រទី២ ស្ថិតនៅឆ្ងាយពីគ្នាប្រហែល៥០០ម៉ែត្រ ជាពូជ « L. huenei » មានទំហំតូចជាង « L. magnus» និងមានលក្ខណៈពេញលេញតិចតួច ដោយប្រទះឃើញតែឆ្អឹងស្មងជើង២ចំណិត ឆ្អឹងទ្រូងចំនួន២ និងឆ្អឹងគូទ២ចំណិត ។ ស្រុកលូហ្វេ៊ីង ជាទីតាំងសម្បូរដោយគ្រោងផូស៊ីលពូជ លូហ៊្វើងង ហ្គោសូរ៉ាស់ ជាដាយណូស៊័រស៊ីរុក្ខជាតិ នៅក្នុងយុគសម័យ «ស៊ូរ៉ាស៊ិក» ដែលជីកឃើញជាលើកដំបូង កាលពីឆ្នាំ១៩៤១ ចំណែកគ្រោងផូសស៊ីល ចុងក្រោយនេះជីកឃើញក្នុងពេលស្ថាបនាផ្លូវកាលពីខែវិច្ឆិកា ២០១៥ ៕
ចែករំលែកព័តមាននេះ