ក្រុមហ៊ុនរថយន្តរបស់អាមេរិក Ford បានប្រកាសថា ខ្លួននឹងវិនិយោគទឹកប្រាក់ប្រមាណជា ៤,៥ពាន់លានដុល្លារក្នុងបច្ចេកវិទ្យារថយន្តអគ្គិសនីនៅឆ្នាំ២០២០ ព្រមទាំងជាការផ្លាស់ប្តូរពីរបៀបក្រុមហ៊ុនអភិវឌ្ឍន៍ បទពិសោធរថយន្តសម្រាប់អតិថិជនរបស់ខ្លួន ។
ក្រុមហ៊ុននឹងបន្ថែមរថយន្តអគ្គិសនីថ្មី១៣ គ្រឿងទៀតទៅកាន់គម្រោងរបស់ខ្លួនដោយនៅពេលនេះនឹងមានច្រើនជាង៤០ភាគរយនៃស្លាកយីហោរថយន្ត ល្បីៗលើពិភលោករបស់ក្រុមហ៊ុននឹងចូលរួមក្នុងការបង្កើតចក្ខុវិស័យអគ្គិសនីលើរថយន្ត ។ កត្តានេះនឹងបង្ហាញឱ្យឃើញពីការ វិនិយោគរថយន្តអគ្គិសនីធំបំផុតពុំធ្លាប់មានរបស់ក្រុមហ៊ុន Ford ក្នុងរយៈពេល៥ឆ្នាំទៀត ។
នៅឆ្នាំក្រោយនេះក្រុមហ៊ុនបានផលិតរថយន្តអគ្គិសនីឈ្មោះថា «Focus Electric» ដូចបង្ហាញក្នុងរូបដែលវាមានកន្លែងបញ្ចូលថ្មយ៉ាងលឿនជំនាន់ថ្មី, បញ្ចូលតែរយៈពេល៣០នាទីទទួលបាន៨០ភាគរយ និងគម្រោង១៦០ គីឡូម៉ែត្រ ពោលបើប្រៀបធៀបទៅនឹងម៉ូដែលរថយន្តបច្ចុប្បន្នរថយន្តអគ្គិសនីមានល្បឿនលឿនជាង២ម៉ោងឯណោះ ។
ចំណែកឯការបំភាយសូន្យភាគរយ រថយន្ត Focus Electronic ត្រូវបានបង្កើតឡើងដោយក្នុងការថែរក្សាបរិស្ថាន។ ការផលិតរបស់ក្រុមហ៊ុនមានរោងចក្រឈ្មោះថា Michigan Assembly Plant មានប្រព័ន្ធម៉ាស៊ីនភ្លើង ថាមពលពន្លឺព្រះអាទិត្យធំជាងគេក្នុងចំណោមម៉ាស៊ីនភ្លើងធំដទៃទៀតក្នុងរដ្ឋ ។ កំណែប្រែថ្មីនៃរថយន្ត Focus Electronic ដែលចាប់ផ្តើមផលិតនៅចុងឆ្នាំ២០១៦ នឹងផ្តល់នូវលក្ខណៈពិសេសដូចខាងក្រោម៖
-SmartGauge with EcoGuide LCD Instrument Cluster ដែលផ្តល់ជូននូវការបង្ហាញយ៉ាងសម្បូរបែបអាចជួយឱ្យអ្នកបើកបរឃើញនូវការប្រើប្រាស់ថាមពលរថយន្តអគ្គិសនីពិតប្រាកដដើម្បីជួយបង្កើនប្រសិទ្ធភាពជាអតិបរមា ។ ចុងបញ្ចប់នៃដំណើកម្សាន្ត នីមួយៗផ្ទាំងអេក្រង់ផ្តល់នូវរយៈចម្ងាយ ។
-Brake Coach លក្ខណៈពិសេសឆ្លាតវៃផ្សេងទៀតដែលបង្ហាត់ដល់អ្នកបើកបរពីរបៀបប្រើប្រាស់ប្រព័ន្ធហ្វ្រាំងដោយរលូន ដើម្បីបង្កើនការចាប់យកថាមពលតាមរយៈប្រព័ន្ធហ្វ្រាំងកើតឡើងវិញ ។
-«MyFord» កម្មវិធីទូរស័ព្ទដែលអនុញ្ញាតឱ្យម្ចាស់រថយន្តត្រួតពិនិត្យ និងថែរក្សាការទាក់ទងជាមួយនឹងរថយន្តពីចម្ងាយ ។ ទទួលយកនូវព័ត៌មានស្តីពីស្ថានភាពរថយន្តជាបន្ទាន់ ។ ត្រួតពិនិត្យពីការបញ្ចូលអគ្គិសនី ។ ទទួលបាននូវការជូនដំណឹងនៅពេលដែលរថយន្តបញ្ចប់ការបញ្ចូលថ្ម ។
-ក្រៅពីនេះក៏មានបច្ចេកវិទ្យា ទំនើបៗមួយចំនួនទៀតដូចជា SYNC 3, Fun-to-drive character និង Eco-conscious material ផងដែរ ៕
ចែករំលែកព័តមាននេះ