ហ៊ានមែន! ត្រឹមមួយយប់ លបចូលការដ្ឋានសំណង់យកម៉ូតូកម្មករ២គ្រឿង
- កំពត
ក្រុមចោរមួយក្រុមមិនដឹងថា មានគ្នាប៉ុន្មាននាក់នោះទេ បានចូលមកលួចកាច់សោម៉ូតូសេ១២៥ របស់កម្មករសំណង់នៅក្នុងការដ្ឋានសំណង់មួយកន្លែង ស្ថិតក្នុងភូមិ
ក្រុមចោរមួយក្រុមមិនដឹងថា មានគ្នាប៉ុន្មាននាក់នោះទេ បានចូលមកលួចកាច់សោម៉ូតូសេ១២៥ របស់កម្មករសំណង់នៅក្នុងការដ្ឋានសំណង់មួយកន្លែង ស្ថិតក្នុងភូមិ
ខេត្តកំពត ៖ ក្រុមចោរមួយក្រុមមិនដឹងថា មានគ្នាប៉ុន្មាននាក់នោះទេ បានចូលមកលួចកាច់សោម៉ូតូសេ១២៥ របស់កម្មករសំណង់នៅក្នុងការដ្ឋានសំណង់មួយកន្លែង ស្ថិតក្នុងភូមិអណ្តូងខ្មែរ សង្កាត់អណ្តូងខ្មែរ ក្រុងកំពត អស់ចំនួន២គ្រឿង បង្កឱ្យមានការភ្ញាក់ផ្អើលកាលពីវេលាម៉ោង៤ទៀបភ្លឺ ថ្ងៃទី១៤ ខែកក្កដា ឆ្នាំ២០២១នេះ ។
យោងតាមប្រភពពីជនរងគ្រោះជាម្ចាស់ម៉ូតូទាំងពីរនាក់ បានឲ្យដឹងថា៖ ជនរងគ្រោះទី១ មានឈ្មោះ សាម រ៉ា ភេទប្រុស អាយុ២៥ឆ្នាំ មុខរបរកម្មករសំណង់ មានទីលំនៅភូមិកណ្តាល ឃុំជម្ពូវ័ន្ត ស្រុកជុំគីរី ខេត្តកំពត ហើយម៉ូតូរបស់គាត់ដែលចោរលួចនោះម៉ាកសេ១២៥ ផលិតឆ្នាំ២០១៧ ពណ៌ខ្មៅ ពាក់ស្លាកលេខកំពត 1L 5764 ។ ចំណេកជនរងគ្រោះម្ចាស់ម៉ូតូទី២ មានឈ្មោះ ង៉ែត ប៊ុនណាន ភេទប្រុស អាយុ៣៣ឆ្នាំ មុខរបរជាងសំណង់ មានទីលំនៅភូមិអន្ទងបែក ឃុំអង្គរមាស ស្រុកដងទង់ ខេត្តកំពត ហើយម៉ូតូរបស់គាត់ដែលចោរលួចយកបាននោះ គឺម៉ាកសេ១២៥ ពណ៌ខ្មៅ ពាក់ស្លាកកំពង់ចាម 1W 1642 ។
ជនរងគ្រោះជាម្ចាស់ម៉ូតូទាំង២នាក់ បានឲ្យដឹងដូចៗគ្នាថា ខ្លួនបានមកធ្វើការសំណង់នៅការដ្ឋាននេះអស់រយៈពេល៣ខែមកហើយ ពុំដែលមានបញ្ហាអ្វីកើតឡើងគួរឲ្យព្រួយបារម្ភនោះទេ ទើបតែថ្ងៃនេះ គឺជាមិនគួររឿងនេះកើតឡើងនោះឡើយ។
ប្រភពពីជនរងគ្រោះឈ្មោះង៉ែត ប៊ុនណាន បានឲ្យដឹងទៀតថា ម៉ូតូបានដាក់នៅក្នុងរោងនេះមានចំនួន៣គ្រឿង ហើយកាលពីម៉ោង២យប់ ខ្លួនបានចេញទៅបត់ជើងតូចគឺឃើញម៉ូតូនៅទាំង៣គ្រឿងដដែល លុះដល់ម៉ោងប្រហែលជាប្រាំភ្លឺ ខ្លួនបានក្រោកពីដំណេកមើលមកកន្លែងទុកម៉ូតូស្រាប់តែឃើញនៅតែម៉ូតូមួយគ្រឿង រីឯម៉ូតូរបស់ខ្លួន និងម៉ូតូកម្មករសំណង់ម្នាក់ទៀត ដែលដាក់ជាមួយនោះបាត់ទាំង២គ្រឿង ក៏បង្កឱ្យមានការភ្ញាក់ផ្អើលឆោឡោដល់ក្រុមកម្មករសំណង់ដែលសំរាកនៅក្នុងការដ្ឋានសំណង់នេះតែម្តង ហើយក៏បានរាយការណ៍ និងប្តឹងដល់នគរបាលប៉ុស្តិ៍រដ្ឋបាលសង្កាត់អណ្តូងខ្មែរ ដើម្បីជួយអន្តរាគមន៍ជុំករណីចោរលួចកាច់សោ.កម៉ូតូទាំង២គ្រឿងខាងលើ។
ក្រោយពេលកើតហេតុ កម្លាំងសមត្ថកិច្ចប៉ុស្តិ៍រដ្ឋបាលក៏បានចុះមកពិនិត្យ និងធ្វើការសាកសួរ បន្ទាប់ពីទទួលបានពាក្យបណ្តឹងពីជនរងគ្រោះទាំង២នាក់ខាងលើ ដើម្បីធ្វើការស្រាវជ្រាវ និងកំណត់មុខសញ្ញាជនល្មើស។
បើតាមសមត្ថកិច្ចនគរបាលប៉ុស្តិ៍រដ្ឋបាលបានឲ្យដឹងថា៖ ជុំវិញករណីខាងលើ គឺចោរបានកាច់សោ.កម៉ូតូរបស់ជនរងគ្រោះទាំង២គ្រឿងកាលពីវេលាម៉ោងចន្លោះពី៣ទៅម៉ោង៤ទៀបភ្លឺ ថ្ងៃទី១៤ ខែកក្កដា ឆ្នាំ២០២១នេះ ហើយពេលនេះកម្លាំងសមត្ថកិច្ចកំពុងតែដុតដៃដុតជើងតាមប្រមាញ់ និងស្រាវជ្រាវកំណត់មុខសញ្ញាជនល្មើស ដើម្បីឃាត់ខ្លួនយកមកផ្តន្ទាទោសតាមច្បាប់ឲ្យខាងតែបាននៅពេលដ៏ខ្លីខាងមុខនេះហើយ៕
ចែករំលែកព័តមាននេះ