UEFA បើកការស៊ើបអង្កេតលើការបំពានសន្តិសុខ ដែលកើតឡើងនៅការប្រកួតផ្តាច់ព្រ័ត្រ Euro 2020
អង់គ្លេស ៖ សហព័ន្ធបាល់ទាត់ទ្វីបអឺរ៉ុបហៅកាត់ថា UEFA បានបើកដំណើរការនីតិវិធីវិន័យ ដើម្បីស៊ើបអង្កេតលើការរំលោ.ភ
អង់គ្លេស ៖ សហព័ន្ធបាល់ទាត់ទ្វីបអឺរ៉ុបហៅកាត់ថា UEFA បានបើកដំណើរការនីតិវិធីវិន័យ ដើម្បីស៊ើបអង្កេតលើការរំលោ.ភ
អង់គ្លេស ៖ សហព័ន្ធបាល់ទាត់ទ្វីបអឺរ៉ុបហៅកាត់ថា UEFA បានបើកដំណើរការនីតិវិធីវិន័យ ដើម្បីស៊ើបអង្កេតលើការរំលោ.ភបំពា.នផ្នែកសន្តិសុខធ្ងន់ធ្ងរ នៅការប្រកួតវគ្គផ្តាច់ព្រ័ត្រ Euro 2020 ដែលម្ចាស់ផ្ទះអង់គ្លេសចាញ់អ៊ីតាលី ដោយការទាត់ប៉េណាល់ទីកាត់សេចក្តីលទ្ធផល ៣-២ នៅកីឡដ្ឋាន Wembley កាលពីថ្ងៃទី១១ ខែកក្កដា កន្លងទៅ។
UEFA បានរកឃើញថា អ្នកគាំទ្របានប៉ះទង្គិចគ្នាយ៉ាងខ្លាំងជាមួយក្រុមសន្តិសុខ និងមន្ត្រីប៉ូលីស។ ខណៈពួកគេបានព្យាយាមសម្រុកទម្លុះខ្លោងទ្វារ និងផ្លោះរបង ដើម្បីអាចចូលទស្សនាការប្រកួតចុងក្រោយបង្អស់នៃព្រឹត្តិការណ៍ Euro 2020។
ពាក់ព័ន្ធបញ្ហានេះ សហព័ន្ធបាល់ទាត់អង់គ្លេស (FA) ត្រូវបានចោទប្រកាន់ចំនួន៤ករណី ជុំវិញឥរិយាបទរបស់អ្នកគាំទ្រ ដោយក្នុងនោះរួមមាន ៖ «ការរំខានបង្កឡើងអំឡុងពេលគោរពភ្លេងជាតិ ការលុកលុយនៅទីលាន ការបោះវត្ថុផ្សេងៗចូលទីលានប្រកួត និងការបាញ់កាំជ្រួចផងដែរ»។
សេចក្តីថ្លែងការណ៍របស់ UEFA បានបន្ថែមដាច់ដោយឡែកពីគ្នាថា មន្ត្រីក្រមសីលធម៌ និងអធិការកិច្ចវិន័យត្រូវបានតែងតាំង ធ្វើការស៊ើបអង្កេតវិន័យលើសកម្មភាពនានាពាក់ព័ន្ធនឹងអ្នកគាំទ្រ ដែលកើតឡើងនៅខាងក្នុង និងជុំវិញកីឡាដ្ឋាន។
សូមបញ្ជាក់ជូនថា FA បានទទួលរងការពិន័យរួចមកហើយ ដែលគិតជាទឹកប្រាក់៣ម៉ឺនអឺរ៉ូ ចំពោះឧប្បត្តិហេតុកើតឡើងចំនួន៣ អំឡុងការប្រកួតវគ្គពាក់កណ្តាលផ្តាច់ព្រ័ត្រ។ ដែលពួកគេយកឈ្នះលើប្រទេសដាណឺម៉ាក ក្នុងនោះរួមមានការបាញ់ភ្លើងឡាស៊ែរលើមុខអ្នកចាំទីដាណឺម៉ាក Kasper Schmeichel ផងដែរ៕ (ដកស្រង់ចេញពី BBC)
ចែករំលែកព័តមាននេះ