របាយការណ៍ WHO ៖ កូរ៉េខាងជើង នៅតែគ្មានករណីឆ្លងវីរុសកូវីដ១៩
កូរ៉េខាងជើង ៖ អង្គការសុខភាពពិភពលោក (WHO) បានប្រកាសកាលពីថ្ងៃទី១៣ ខែកក្កដា ថា ប្រទេសកូរ៉េខាងជើងបានធ្វើ
កូរ៉េខាងជើង ៖ អង្គការសុខភាពពិភពលោក (WHO) បានប្រកាសកាលពីថ្ងៃទី១៣ ខែកក្កដា ថា ប្រទេសកូរ៉េខាងជើងបានធ្វើតេស្តសំណាករកវីរុសកូវីដ១៩ លើប្រជាជនប្រមាណ៣៥,០០០នាក់ ប៉ុន្តែរហូតមកដល់ពេលនេះ មិនបានរកឃើញករណីវិជ្ជមានណាមួយនៅឡើយទេ។ ចំពេលដែលពិភពលោកកំពុងប្រយុទ្ធប្រឆាំងការរីករាលដាលកាន់តែខ្លាំងនៃវីរុសបំប្លែងថ្មីប្រភេទ «Delta» ។ នេះបើយោងតាមការចេញពីផ្សាយពីគេហទំព័រ The Korea Times។
ប្រជាជនកូរ៉េខាងជើងប្រមាណ៧១៨នាក់ បានទទួលការធ្វើតេស្តរកកូវីដ១៩ ចាប់ពីថ្ងៃទី២៥ ខែមិថុនា រហូតដល់ថ្ងៃទី១ ខែកក្កដា ដែលនាំឱ្យពលរដ្ឋដែលបានធ្វើតេស្តសរុបមានចំនួន៣២,៥១២នាក់។ ប៉ុន្តែក្នុងនោះ គ្មាននរណាម្នាក់ត្រូវបានរកឃើញថា វិជ្ជមានវីរុសដ៏កាចសាហាវនេះឡើយ។ នេះបើយោងតាមរបាយការណ៍ប្រចាំសប្តាហ៍របស់ WHO។
របាយការណ៍បានបន្ថែមថា ក្នុងចំណោមពលរដ្ឋចំនួន៧១៨នាក់ ដែលត្រូវបានធ្វើតេស្តថ្មីមានមនុស្សចំនួន១២៧នាក់ ដែលមានរោគសញ្ញានៃជំងឺផ្តាសាយ និងជំងឺផ្លូវដង្ហើមផងដែរ។
ទន្ទឹមនឹងនេះ ប្រទេសកូរ៉េខាងជើងក៏បានអះអាងថា ប្រទេសខ្លួនគ្មានមេរោគឆ្លងនោះទេ ប៉ុន្តែទោះយ៉ាងណារដ្ឋផ្តាច់ការមួយនេះ បានចាត់វិធានការរិតត្បិតយ៉ាងរហ័ស និងតឹងរ៉ឹងបំផុត ដើម្បីទប់ស្កាត់ការឆ្លងរីករាលដាល។ ជាពិសេសការដាក់ចេញនូវការត្រួតពិនិត្យតាមព្រំដែនយ៉ាងតឹងរឹង ចាប់តាំងពីដើមឆ្នាំ២០២០មកម្ល៉េះ៕
ចែករំលែកព័តមាននេះ