ចាប់បានម្នាក់ក្នុងចំណោមបក្ខពួក៤នាក់ ក្រោយធ្វើសកម្មភាពបាន៥ថ្ងៃ
- ភ្នំពេញ
រាជធានីភ្នំពេញ ៖ មុខសញ្ញាឆ.ក់កាបូបម្នាក់ ក្នុងចំណោមបក្ខពួក៤នាក់ ត្រូវបានកម្លាំងសមត្តកិច្ចការិយាល័យនគរបាលព្រហ្ម
រាជធានីភ្នំពេញ ៖ មុខសញ្ញាឆ.ក់កាបូបម្នាក់ ក្នុងចំណោមបក្ខពួក៤នាក់ ត្រូវបានកម្លាំងសមត្តកិច្ចការិយាល័យនគរបាលព្រហ្ម
រាជធានីភ្នំពេញ ៖ មុខសញ្ញាឆ.ក់កាបូបម្នាក់ ក្នុងចំណោមបក្ខពួក៤នាក់ ត្រូវបានកម្លាំងសមត្តកិច្ចការិយាល័យនគរបាលព្រហ្មទ ណ្ឌកំរិតស្រាលរាជធានីភ្នំពេញ ឃាត់ខ្លួនបាន និងបញ្ជូនទៅតុលាការ ពាក់ព័ន្ធករណីឆ.ក់កាបូបស្ពាយពីស្ត្រីម្នាក់មិនបានសម្រេច ។
ជនសង្ស័យត្រូវបានសមត្ថកិច្ចឃាត់ខ្លួនកាលពីថ្ងៃទី៨ ខែកក្កដា ឆ្នាំ២០២១ នៅចំណុចមុខសាលាគរុកោសល្យ (វិទ្យាស្ថានជាតិអប់រំ) តាមបណ្តោយផ្លូវលេខ២៦៨ សង្កាត់ចតុមុខ ខណ្ឌដូនពេញ រាជធានីភ្នំពេញ។
ជនសង្ស័យឈ្មោះ គង់ ចំរើន ហៅ កូ ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះមិនចាំលេខ ផ្លូវឧកញាម៉ុងឬទ្ធី ភូមិកោះអណ្តែត សង្កាត់ទួលសង្កែ២ ខណ្ឌឬស្សីកែវ រាជធានីភ្នំពេញ ។
ក្នុងការឃាត់ខ្លួនជនសង្ស័យម្នាក់ខាងលើនេះដែរ សមត្ថកិច្ចបានដកហូតម៉ូតូ១គ្រឿងម៉ាកហុងដាស្កុបពី ពណ៌ក្រហម ពាក់ស្លាកលេខភ្នំពេញ ១IT-៣៨៨៧ ជាមធ្យោបាយជិះធ្វើសកម្មភាព ។
សូមបញ្ជាក់ថា កាលពីថ្ងៃទី៤ ខែកក្កដា ឆ្នាំ២០ ២១ វេលាម៉ោងប្រមាណ៥ល្ងាច មានករណីចោរឆក់កាបូបស្ពាយពីជនរងគ្រោះភេទស្រី កំពុងជិះម៉ូតូម្នាក់ឯង បង្កឡើងដោយជនសង្ស័យមានបក្ខពួកចំនួន៤នាក់ មធ្យោបាយជិះម៉ូតូចំនួន៣គ្រឿង នៅចំណុចមុខរោងចក្រនាគ ផ្លូវវិមានឈ្នះឈ្នះ ភូមិជង្រុក សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ ។ អំពើឆ.ក់នោះមិនបានសម្រេចទេ បណ្តាលឲ្យជនរងគ្រោះដួលម៉ូតូរងរបួស ចំណែកជនសង្ស័យនាំគ្នាគេចខ្លួនបាត់ស្រមោល ។
ក្រោយធ្វើសកម្មភាពឆ.ក់ខាងលើបាន៤ថ្ងៃ កម្លាំងនគរបាលជំនាញព្រហ្មទណ្ឌកម្រិតស្រាលរាជធានីភ្នំពេញ ស្រាវជ្រាវ និងចាប់ខ្លួនមុខសញ្ញាឆ.ក់បានម្នាក់ នឹងបន្តស្វែងរកចាប់ខ្លួនបក្ខពួកថែមទៀត ៕
ចែករំលែកព័តមាននេះ