អ្នកស្រាវជ្រាវវត្ថុបុរាណមួយក្រុមពីសាកលវិទ្យាល័យ Sydney ដឹកនាំដោយគម្រោង «អង្គរដ៏អស្ចារ្យ» (Greater Angkor Project) ក្នុងប្រទេសកម្ពុជាអះអាងថា មានសំណង់បុរាណខ្សាច់កប់នៅក្រោមប្រាសាទអង្គរ ។
អ្នកស្រាវជ្រាវវត្ថុបុរាណមួយក្រុមពីសាកលវិទ្យាល័យ Sydney ដឹកនាំដោយគម្រោង «អង្គរដ៏អស្ចារ្យ» (Greater Angkor Project) ក្នុងប្រទេសកម្ពុជាអះអាងថា មានសំណង់បុរាណខ្សាច់កប់នៅក្រោមប្រាសាទអង្គរ ។ នេះគឺជាការស្វែងរកអាថ៌កំបាំងថ្មីមួយទៀត ខណៈប្រាសាទអង្គរមានកេរ្តិ៍ឈ្មោះល្បីរន្ទឺពាសពេញសាកលលោក និងជានិមិត្តរូបរបស់ព្រះរាជាណាចក្រកម្ពុជា ។
គេហទំព័រអង់គ្លេស Daily Mail បានចេញផ្សាយកាលពីពេល ថ្មីៗកន្លងមកថា កាលពីមុនគេមានជំនឿថា ប្រាសាទអង្គរវត្តហ៊ុមព័ទ្ធដោយកន្លែងគោរពសក្ការៈដ៏ពិសិដ្ឋ ឬក៏មានទីក្រុងប្រាសាទ តែក្រោយពេលរកឃើញសំណង់ប្រាសាទខ្សាច់ធំមួយ និងសំណល់ដែលកប់ក្នុងទីបុរាណផ្សេងទៀត ទើបអ្នកបុរាណវិទូនិយាយថា ប្រាសាទអង្គរវត្តពិតជាមានភាពស្មុគស្មាញ និងមានអាថ៌កំបាំងច្រើនជាងការគិតពីមុនទៀតទៀត ។
ក្រុមស្រាវជ្រានោះបានប្រើបច្ចេកវិទ្យាតាមដានឈ្មោះថា «LiDAR» មានឡាស៊ែរបាញ់ឆ្លុះ និងស្គែនរាល់វត្ថុនានាក្នុងដី ។ តាមរយៈការស្រាវជ្រាវប្រទះឃើញប៉មសំណង់ប្រាសាទខ្សាច់ចំនួន៨ ដែលកប់ក្រោមប្រាសាទអង្គរដែលពួកគេបានចង្អុលបង្ហាញពណ៌លឿង និងសំណល់ ផ្សេងៗទៀតដែលនៅក្បែរនោះ។ សំណង់ប្រាសាទនោះមានប្រវែងបណ្តោយជាង១៥០០ម៉ែត្រ លាតសន្ធឹងនៅខាងត្បូងប្រាសាទអង្គរ ។
ក្រុមស្រាវជ្រាវដែលដឹកនាំដោយលោកសាស្ត្រាចារ្យ Roland Fletcher និង Damian Evans និយាយថា ក្រុមការងារពិបាកទាញយកសំណង់នោះចេញពីក្នុងដីណាស់ ហើយវានៅតែជាអាថ៌កំបាំងនៅឡើយ ។ ជាមួយគ្នានេះដែរ ពួកគេប្រទះឃើញសំណង់ឈើនៅលើទីតាំងស្រាវជ្រាវនោះ ដែលឈានដល់ការសន្និដ្ឋានបរិវេណជុំវិញអង្គរមានការការពារយ៉ាងម៉ត់ចត់ ៕
ចែករំលែកព័តមាននេះ