នៅក្នុងសម័យកូវីដ ១៩ មនុស្សម្នាក់កំពុងពិបាកខ្លាំង ការរស់របស់អ្នកខ្លះត្រូវបានផ្លាស់ប្តូរទាំងស្រុង ។ ប៉ុន្តែសម្រាប់មនុស្សខ្លះវិញនៅមានឱកាសរកលុយបាន ហើយអាចរកលុយបន្ថែមក្រៅម៉ោងបានទៀតផង ។ ដូចនេះកូវីដ ១៩ បានបង្រៀនយើងពីបទពិសោធន៍នានា ព្រមទាំងបានផ្លាស់ប្តូរជីវិតរស់នៅរបស់មនុស្សផងដែរ ។ ខាងក្រោមនេះ ជាវិធីសាស្ត្រក្នុងរស់នៅ និងសន្សំប្រាក់ក្នុងសម័យកូវីដ ១៩ ៖
១. កុំព្យាយាមធ្វើឱ្យខ្លួនជាប់បំណុល ៖ ប្រសិនបើអ្នកមិនទាន់ជាប់បំណុលគេនោះទេ ក្នុងស្ថានភាពនេះ អ្នកត្រូវហាមចិត្តដាច់ខាតកុំឱ្យមានការបង់រំលស់ ឬជំពាក់បំណុលគេ ដើម្បីទិញរបស់មិនចាំបាច់ខ្លាំង ក្នុងគ្រានេះ ។ ឡានស៊េរីថ្មី ទូរស័ព្ទទំនើបៗថ្លៃៗ ឬចង់ដូរស៊េរីម៉ូតូ សុទ្ធតែជារបស់ដែលយើងអាចទិញពេលណាក៏បាន ប្រសិនបើរបស់អ្នកនៅអាចប្រើប្រាស់បាន គួរប្រើប្រាស់សិន ចប់កូវីដស្ថានភាពល្អប្រសើរអ្នកទិញពេលណាក៏បាន ។
២. សន្សំប្រាក់តាមលទ្ធភាពដែលអ្នកអាចធ្វើបានកាន់តែច្រើនកាន់តែល្អ ៖ ប្រសិនបើអ្នកនៅមិនទាន់មានហានិភ័យផ្នែកហិរញ្ញវត្ថុ អ្នកត្រូវតែសន្សំប្រាក់ឱ្យបានកាន់តែច្រើន ក្នុងកំឡុងពេលនេះ ។ អ្នកត្រូវយកបទពិសោធន៍អ្នកដែលមានចំណូល ឬបាត់បង់ការងារ មកធ្វើជាគំរូ ដូចនេះអ្នកមានអារម្មណ៍ថាគ្មានប្រាក់ វានឹងលំបាកប៉ុនណាសម្រាប់មនុស្សគ្រប់រូប ។
៣. ការចំណាយរបស់អ្នក មិនគួរធ្វើដូចកាលមិនទាន់មានជំងឺរាតត្បាតនោះទេ ៖ អ្នកត្រូវរឹតត្បិតការចំណាយរបស់អ្នក មិនត្រូវខ្ជះខ្ជាយលុយកាក់ ឬចេះតែចំណាយមិនមុខដូចកាលពី ២ ឆ្នាំមុននោះទេ ។ បច្ចុប្បន្ននេះលុយសម្រាប់មនុស្ស គឺសំខាន់ខ្លាំងណាស់ ជាពិសេសអ្នកបាត់បង់ការងារ និងអ្នករកចំណូលមិនបាន ។ អគ្គីសនី គឺជារឿងសំខាន់ណាស់ ដែលជាអ្វីអ្នកត្រូវគិតពិចារណា ក្នុងសន្សំសំចៃ ។ ការកម្ម៉ង់ម្ហូបតាមអនឡាញ ការកម្ម៉ង់ទិញអ្វីមួយតាមអនឡាញ ឬដើរទិញអីវ៉ាន់ ទាំងអស់នេះអ្នកគួរពិចារណាឡើងវិញ ។
៤. កាត់បន្ថយសេវាកម្មខ្លះៗ ដែលមិនចាំបាច់ ៖ ប្រសិនបើអ្នកធ្លាប់ហាត់ប្រាណនៅក្នុងក្លឹប អ្នកគួរផ្អាកបង់សេវាកម្មនេះ សេវាកម្មបោសសម្អាតតាមផ្ទះ (ផ្អាកសិន) សេវាកម្មនានាប្រសិនបើអ្នកគិតថាមិនចាំបាច់នៅពេលនេះ ។ ព្រោះសេវាកម្មទាំងនេះ អ្នកក៏អាចធ្វើបានដែរនៅផ្ទះនោះ ។
៥. អ្នកត្រូវបែងចែកឱ្យដាច់រវាងតម្រូវការ និងការចង់បាន ៖ ក្នុងរយៈពេលនេះប្រាកដជាមានបញ្ចុះតម្លៃជាច្រើន ដូចរាល់ឆ្នាំ អ្នកគួរគិតពិចារណាផងដែរ ថារបស់ណាអ្នកត្រូវការប្រើប្រាស់ជាង ជាអតិភាពមុន ដូចនេះគួរចំណាយលើរបស់នោះ ។ របស់ចាំបាច់ប្រើមាន ដូចជាគ្រឿងទេស សាប៊ូលាងចានលាងឆ្នាំ សាប៊ូបោកខោអាវ (មិនគិតពីម្អូបអាហារនោះទេ ព្រោះវាត្រូវតែទិញទៅហើយ) ។
៦. ឧស្សាហ៍ធ្វើការគុណគូលើការចំណាយ និងប្រាក់ចំណូលរបស់អ្នក ៖ អ្នកត្រូវសរសេរប្រាក់ចំណូលរបស់អ្នក និងរបស់ដែលអ្នកត្រូវចំណាយលើ ដូចជាទឹកភ្លើង អ៉ីនធើណេត ម្អូបអាហារ ឬសាំង (ប្រសិនបើអ្នកធ្វើការផ្ទះនោះ នឹងមិនសូវចំណាយលើវានោះទេ) និងរបស់ដែលអ្នកចាំបាច់ត្រូវប្រើ ។ល។ ក្រៅពីនេះ អ្នកគួរកាត់វាចេញទាំងអស់ ។ ហើយប្រសិនបើអ្នក មានឱកាសឬអាចរកប្រាក់ចំណូលបន្ថែមបានអ្នកគួរធ្វើ ឧទាហរណ៍ការងារតាមអនឡាញដែលអ្នកអាចធ្វើបាន ។
៧. ប្រាក់សន្សំ សម្រាប់គ្រាមានអាសន្ន និងការចូលនិវត្តន៍ត្រូវតែបន្ត ប្រសិនបើអ្នកនៅមិនទាន់បាត់បង់ប្រាក់ចំណូល ៖ ក្រៅពីការចំណាយទៅលើរបស់ចាំបាច់ ប្រាក់ដែលនៅសល់គួរតែបន្តសន្សំ ដាក់ប្រាក់ក្នុងមូលនិធិក្នុងគ្រាមានអាសន្ន និងការសន្សំចូលនិវត្តន៍ ឬសេវាកម្មធានារ៉ាប់រ៉ងផ្សេងៗ ៕ ប្រភព ៖ gobankingrates
ចែករំលែកព័តមាននេះ