ខេត្តក្រចេះ ៖ បុរសវ័យជាង៣០ឆ្នាំម្នាក់ត្រូវបានគេប្រទះឃើញដេកស្លា.ប់ក្នុងព្រៃខាងក្រោយ ភូមិកាលពីថ្ងៃចុងសប្តាហ៌។ ការស្លា.ប់របស់បុរសរងគ្រោះ ត្រូវបាននគរបាលកំណត់ថា បណ្តាលមកពីរូបគេឆក់ជាមួយនិងខ្សែរភ្លើងដែលរាយតាមព្រៃសម្រាប់ឆក់សត្វព្រៃ។
បុរសរងគ្រោះ ឈ្មោះស៊ាង សុខ អាយុ៥៥ឆ្នាំ រស់នៅឃុំជ្រោយបន្ទាយ ស្រុកព្រែកប្រសព្វ បានជួបហេតុការណ៍ឆក់និងខ្សែរភ្លើងស្លា.ប់ក្នុងព្រៃ ខណៈជនរងគ្រោះបានដើរចេញពីផ្ទះនៅពេលព្រលប់ចម្ងាយពីផ្ទះជាង២០គីឡូមែត្រដើម្បីរកឆ្លុះកង្កែប។ ក្រុមគ្រួសាររបស់ជនរងគ្រោះនិយាយថា ក្រោយជនរងគ្រោះបានចេញពីផ្ទះបាត់ពេញមួយយប់មិនឃើញ ក៏នាំគ្នាដើររក និងបានឃើញជនរងគ្រោះដេកស្លា.ប់នៅក្នុងព្រៃក្បែរមាត់បឹង។
នគរបាលលស្រុកលព្រែកប្រសព្វនិយាយថា សាកសពរបស់រងគ្រោះ មានស្នាមខ្លោចរោលរាលលើរាងកាយ ដែលសន្និដ្ឋានថា អាចបណ្តាលមកពីរងនិងការឆក់។ នគរបាលស្រុកព្រែកប្រសព្វបានបញ្ជាក់ទៀតថា ឆ្លងតាមការពិនិត្យនៅកន្លែងកើតហេតុ គឺនគរបាលកំណត់ថា ក្រោយជនរងគ្រោះបានឆក់ស្លា.ប់ជាមួយនិងខ្សែចរន្តអគ្គិសនី ដែលគេលួចពង្រាយតាមព្រៃសម្រាប់ឆក់សម្លា.ប់សត្វព្រៃ ។ ក្រុមជនល្មើសដែលជាម្ចាស់អន្ទាក់ បានអូសសាកសពជនរងគ្រោះទៅលាក់ក្នុងព្រៃក្បែរមាត់បឹង។ នគរបាលបានអះអាងថា ករណីនេះ នគរបាលជំនាញព្រហ្មទណ្ឌកំពុងតែបើកការស៊ើបអង្កេតស្រាវជ្រាវ រងជនល្មើសដែលជាម្ចាស់អន្ទាក់សត្វ ធ្វើសកម្មភាពខុសច្បាប់រហូតបណ្តាលឲ្យស្លា.ប់មនុស្ស៕
ចែករំលែកព័តមាននេះ