McGregor ជួបគ្រោះយ៉ាងរន្ធ.ត់ អំឡុងការប្រកួតជាមួយ Dustin Poirier (វីដេអូ)
សហរដ្ឋអាមេរិក ៖ ការប្រកួតគុនចម្រុះកម្មវិធី UFC 264 រវាងកីឡាករ Conor McGregor និង Dustin Poirier ជាជួបគ្នាលើកទី៣
សហរដ្ឋអាមេរិក ៖ ការប្រកួតគុនចម្រុះកម្មវិធី UFC 264 រវាងកីឡាករ Conor McGregor និង Dustin Poirier ជាជួបគ្នាលើកទី៣
សហរដ្ឋអាមេរិក ៖ ការប្រកួតគុនចម្រុះកម្មវិធី UFC 264 រវាងកីឡាករ Conor McGregor និង Dustin Poirier ជាជួបគ្នាលើកទី៣ ដែលធ្វើឡើងនៅទីក្រុង Las Vegas សហរដ្ឋអាមេរិក កាលពីព្រឹកមិញ (ពេលវេលានៅកម្ពុជា) បានបញ្ចប់ទៅដោយ Poirier ជាអ្នកឈ្នះ។ បន្ទាប់ពី McGregor បានបាក់កជើងខាងឆ្វេងយ៉ាងរន្ធត់បំផុត មិនអាចបន្តការប្រកួតទៀតបាន។
McGregor អ្នកគុនចម្រុះជនជាតិអៀរឡង់វ័យ៣២ឆ្នាំ ត្រូវបានបញ្ឈប់ដោយគ្រូពេទ្យនៅវិនាទីចុងក្រោយក្នុងទឹកទី១ ដោយសារការបាក់កជើងខាងឆ្វេងយ៉ាងរន្ធត់ អំឡុងនៃការប្រកួតដ៏ស្វិតស្វាញរវាងអ្នកទាំងពីរ។
លទ្ធផលចាញ់នេះ បានធ្វើឱ្យ McGregor ទទួលរងបរាជ័យជាលើកទី២ សម្រាប់ការប្រកួត២លើកជាប់ៗគ្នារបស់ខ្លួន ក្រោមថ្វីដៃ Dustin Poirier ក្នុងចំណោមការជួបគ្នាទាំង៣លើក។ ដោយការប្រកួតកាលពីចុងខែមករា ឆ្នាំ២០២១ នៅក្នុងកម្មវិធី UFC 257 កន្លងទៅ McGregor ត្រូវបាន Poirier ប្រើកណ្តាប់ដៃផ្តួលឱ្យសន្លប់ត្រឹមទឹកទី២។ ខណៈដែលជំនួបលើកដំបូងរវាងអ្នកទាំងពីរ កាលពីខែមករា ឆ្នាំ២០១៨ McGregor ជាអ្នកផ្តួល Poirier ឱ្យបោះបង់ការប្រកួតត្រឹមទឹកទី២។
បើទោះបីជាកំពុងត្រូវបានក្រុមគ្រូពេទ្យអបជើងរបួសយ៉ាងណាក្តី ប៉ុន្តែ McGregor នៅតែអាចផ្តល់បទសម្ភាសដោយរូបគេបាននិយាយថា «នេះមិនទាន់ចប់នៅឡើយទេ»។ ដែលពាក្យសម្តីនេះ បានបង្ហាញពីការប្រកាសសងសឹកម្តងទៀត នៅពេលក្រោយរបស់កីឡាកររូបនេះ៕
ដើម្បីទស្សនាវីដេអូការប្រកួត សូមចុចត្រង់នេះ ៖ https://www.youtube.com/watch?v=nsoLqPMfKPU
ចែករំលែកព័តមាននេះ