កន្លងមក តារាចម្រៀង កែវ សុបញ្ញា មិនដែលបើកប្រកាសអោយគេបានដឹងថា មានអ្នកមើលថែបេះដូងអោយគេដឹងឮម្តងណាឡើយ។ នាងរវល់តែស្រវាតែជាមួយការងារសិល្បៈ ទាំងសម្តែង និងច្រៀង ។ នៅទីបំផុតអតីតបេក្ខភាពឌឹវ៉យខេមបូឌា រដូវកាលទី១ កែវ សុបញ្ញា បានសម្រចចិត្តបិទបេះដូង ដោយជ្រើសរើសបាន
រាជធានីភ្នំពេញ ៖ កន្លងមក តារាចម្រៀង កែវ សុបញ្ញា មិនដែលបើកប្រកាសអោយគេបានដឹងថា មានអ្នកមើលថែបេះដូងអោយគេដឹងឮម្តងណាឡើយ។ នាងរវល់តែស្រវាតែជាមួយការងារសិល្បៈ ទាំងសម្តែង និងច្រៀង តាមទូរទស្សន៍ហង្សមាស។
នៅទីបំផុតអតីតបេក្ខភាពឌឹវ៉យខេមបូឌា រដូវកាលទី១ កែវ សុបញ្ញា បានសម្រចចិត្តបិទបេះដូង ដោយជ្រើសរើសបានបុរសក្នុងចិត្តដ៏សង្ហាម្នាក់មកក្រាបសំពះ ចាស់ទុំដឹងឮយ៉ាងពេញមុខ ស្របច្បាប់ប្រពៃណី ដោយគូដណ្តឹងនាងមានឈ្មោះ ប៉ាល់ ប៉ោស៊ាង។
នេះជាការបញ្ជាក់ពីភាពច្បាស់លាស់ជាមួយគូស្នេហ៍របស់ កែវ សុបញ្ញា ហើយចាប់ពីពេលនេះតទៅ នាងមានសង្សារបណ្ដើរដូចគេដែរហើយ ព្រោះមុននេះតារារួមទ្រនំមានដូចជា នាងម៉ង ចាន់កញ្ញា, ប៉ាច គីមមួយ, ចំរើន សុភ័ក្រ និងវី ឌីណែត ជាដើម ពួកគេសុទ្ធតែមានគូស្នេហ៍កៀកកើយរៀងៗខ្លួនអស់ទៅហើយ។
ចំពោះនាង កែវ សុបញ្ញា វិញ មុននឹងឈានទៅធ្វើពិធីភ្ជាប់ពាក្យបំពាក់ចិញ្ចៀនជាមួយកំពូលស្នេហ៍នេះ ធ្លាប់ប្រាប់អ្នកយកព័ត៌មានយើងថា លែងធ្វើជាអ្នកកំដរមង្គលការទៀតហើយ ក្រោយពីបានបំពេញតួនាទីនេះ ២លើកមកហើយតាមរយៈការជួយ សួស វីសា និងប៉ែន ស្រីពេជ្រ ស្រាប់តែពេលនេះ នាងរកបានគូស្នេហ៍ដូចគេដែរហើយ។ នៅក្នុងពិធីភ្ជាប់ពាក្យជាផ្លូវការរបស់កែវ សុបញ្ញា នោះ គេសង្កេតឃើញមានតែសាច់ញាតិក្រុមគ្រួសារទាំងសងខាង និងមិត្តភក្ដិជិតដិតរបស់នាងប៉ុណ្ណោះ ដែលចូលរួម ហើយភ្ញៀវស្ទើរតែទាំងអស់សុទ្ធតែពាក់របាំងការពារកូវីដផងដែរ។
កែវ សុបញ្ញា បានសរសេរថា «យើងខ្ញុំទាំងពីរនាក់ កែវសុបញ្ញា និង ប៉ាល់ប៉ោស៊ាង សូមជំនួសមុខអោយមាតាបិតាទាំងសងខាង សូមថ្លែងអំណរអរគុណដល់ភ្ញៀវកិត្តិយសទាំងអស់ ដែលបានចំណាយពេលវេលាដ៏មានតម្លៃចូលរួមក្នុងកម្មវិធីភ្ជាប់ពាក្យរបស់យើងខ្ញុំ ទាំងពី និងសូមអធ្យាស្រ័យ ចំពោះបងប្អូនដែលមិនបានអញ្ជើញចូលរួម ព្រោះនាងខ្ញុំធ្វើតែលក្ខណៈគ្រួសារតែបណ្ណោះ ដោយសារយើងខ្ញុំត្រូវអនុវត្តតាមបម្រាមគោចររបស់សម្ដេចពុក សូមជូនពរភ្ញៀវកត្តិយសទាំងអស់មានសុខភាពល្អ រកទទួលមានបានគ្រប់ក្រុមគ្រួសារ ក៏អគុណសម្រាប់ពាក្យជូនពររបស់បងប្អូនទាំងអស់គ្នាផងណា » ៕
ចែករំលែកព័តមាននេះ