ខេត្តកណ្តាល ៖ ក្រុមរថយន្តដឹកដីប្រភេទធុនធជាច្រើនគ្រឿងកំពុងបង្កអនាធិបតេយ្យលើផ្លូវ២១បេ ដោយធ្លាក់ដីពាសពេញដងផ្លូវ ធ្វើអោយពលរដ្ឋពិបាកក្នុងការធ្វើដំណើតាមក្រោយ និងងាយរងគ្រោះថ្នាក់ចរាចរណ៌ដោយយថាហេតុទៀតផង ។ ជាពិសេសនោះ គឺប៉ះពាល់ដល់សោភណ្ឌភាពដែលក្រុងតាខ្មៅជាប់លំដាប់ទីក្រុងស្អាតផងនោះ ។
ទិដ្ឋភាពនេះ គឺស្ថិតនៅតាំងលើផ្លូវ២១បេ ភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល ។ ប្រភពពីពលរដ្ឋបានប្រាប់អោយដឹងនៅថ្ងៃទី១០ កក្កដានេះថា បន្ទាប់ពីមានទីតាំងមួយកន្លែងកំពុងជួសជុលចាក់ដីនោះ មានរថយន្តដឹកដីប្រភេទធុនធំជាច្រើនគ្រឿង បានដឹកដីយកមកចាក់ និងបានបង្កឱ្យមានការធ្លាក់ដីពេញផ្លូវយ៉ាងអនាធិបតេយ្យ ធ្វើអោយពលរដ្ឋ ក៌ដូចជាអ្នកធ្វើដំណើរមានការបារម្ភ និងរិះគន់ដល់អាជ្ញាធរមូលដ្ឋានដោយមិនមានវិធានការដល់ក្រុមរថយន្តដឹកដីដែលដឹកមិនគ្របត្រឹមត្រូវទាំងនោះទាល់តែសោះ ។
ទន្ទឹមនេះ ពលរដ្ឋដដែលបានបន្តថា គាត់សំណូមពរដល់លោក នូ សុវណ្ណរ៉ា អភិបាលក្រុងតាខ្មៅ មេត្តាជួយពិនិត្យផង ។ ដោយឡែក លោក នូ សុវណ្ណរ៉ា ភ្នាក់ងារកោះសន្តិភាពបានទំនាក់ទំនងតាមទូរសព្ឌ តែគ្មានអ្នកទទួល ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ