ប្រវែងបណ្តោយដល់ទៅជាង២ម៉ែត្រ និងទម្ងន់៩០០គីឡូក្រាម អណ្តើក Leatherback ឬអណ្តើកសមុទ្រស្បែកខ្នង គឺជាពូជអណ្តើកដែលធំ និងធ្ងន់ជាងគេទី៤ លើពិភពលោក ។ ពួកវាអាចជ្រមុជក្នុងទឹកជម្រៅជិត១.២១៩ម៉ែត្រ និងអាចធ្វើដំណើរពីប្រទេសឥណ្ឌូណេស៊ី ទៅកាន់ឆ្នេរសមុទ្រប៉ាស៊ីហ្វិកសហរដ្ឋអាមេរិក ព្រមទាំងត្រឡប់មកវិញ ។
សត្វអណ្តើកប្រឈមនឹងការគំរាមកំហែងពីសត្វកំណាចលួចស៊ីកូនដូចជាជ្រូក និងឆ្កែជាដើម ព្រមទាំងសកម្មភាពអ្នកនេសាទអំឡុងពេលរដូវនេសាទ ។ ពួកវារស់នៅលើឆ្នេរខ្សាច់ Jamursba Medi ខេត្ត Papua Barat ប្រទេសឥណ្ឌូណេស៊ី ។ រីឯតួលេខសរុបនៃការធ្វើសំបុករបស់ពួកវាខ្ពស់បំផុតក្នុងឆ្នាំ១៩៨៤ មានចំនួន១៤.៤៥៥ តែបានធ្លាក់មក១.៥៣២ ក្នុងឆ្នាំ២០១១ ។
យោងតាមរបាយការណ៍មួយចំនួនឱ្យដឹងថាអណ្តើលស្បែកខ្នងអាចរស់បានរយៈពេល៣០ ឆ្នាំ ឬច្រើនជាងនេះ ។ ចំណែករបាយការណ៍ផ្សេងទៀតនិយាយថា អាចរស់នៅរយៈពេល ៥០ឆ្នាំ ខណៈការប៉ាន់ប្រមាណផ្សេងទៀតថា វាអាចរស់នៅលើសពី១០០ឆ្នាំឯណោះ ។ ចំណីរបស់ពួកវាគឺខ្ញែរសមុទ្រក្នុងសមុទ្ររដ្ឋកាលីហ្វ៊័រនីញ៉ា ។ នៅពេលរដូវពង ម្តងៗអណ្តើកខ្នងស្បែកតែងតែលាក់ពងរបស់វាក្នុងវាលខ្សាច់ដោយកប់យ៉ាងមានសុវត្ថិភាពពីការឆាបឆក់របស់សត្រូវ ជាពិសេសសត្វស្លាប ៕
ចែករំលែកព័តមាននេះ