សួន ចាន់នី នឹងប៉ះជាមួយយ៉េន ឌីណា ម្តងទៀតលើសង្វៀននាចុងសប្តាហ៍នេះ
- ភ្នំពេញ
រាជធានីភ្នំពេញ ៖ នៅលើសង្វៀនស៊ីអិនស៊ី នាថ្ងៃអាទិត្យ ទី១១ កក្កដាខាងមុខនេះ គណៈកម្មការប្រកួតបានរៀបចំឱ្យកីឡាករសួន
រាជធានីភ្នំពេញ ៖ នៅលើសង្វៀនស៊ីអិនស៊ី នាថ្ងៃអាទិត្យ ទី១១ កក្កដាខាងមុខនេះ គណៈកម្មការប្រកួតបានរៀបចំឱ្យកីឡាករសួន
រាជធានីភ្នំពេញ ៖ នៅលើសង្វៀនស៊ីអិនស៊ី នាថ្ងៃអាទិត្យ ទី១១ កក្កដាខាងមុខនេះ គណៈកម្មការប្រកួតបានរៀបចំឱ្យកីឡាករសួន ចាន់នីមកពីក្លិបបក្សីស្លាបដែក ប្រកួតសងសឹកជាមួយកីឡាករយ៉េន ឌីណា មកពីសមាគមកីឡាប្រដាល់ក្រសួងកសិកម្ម ម្ដងទៀត ក្នុងកម្មវិធីមីសីលថាមពលអ្នកប្រយុទ្ធគុនខ្មែរ។
បើតាមតែគេធ្លាប់ដឹងរវាងកីឡាករសួន ចាន់នីនិងកីឡាករយ៉េន ឌីណាធ្លាប់ប៉ះគ្នាជាច្រើនលើកច្រើនសាររួចមកហើយ ។ ប៉ុន្តែសួន ចាន់នី ភាគតិចណាស់ដែលគេអាចយកឈ្នះយ៉េន ឌីណានោះ។ជាពិសេសការប្រកួតលើកចុងក្រោយកាលពីចុងឆ្នាំ២០២០សួន ចាន់នីប្រកួតចាញ់ពិន្ទុយ៉េន ឌីណាទាំងប្រផិតប្រផើយប៉ុណ្ណោះ ដែលជាហេតុធ្វើឱ្យអ្នកប្រយុទ្ធមកពីជាយដែនខេត្តបន្ទាយមានជ័យរូបនេះមិនមានការអស់ចិត្តឡើយ។
ទោះជាយ៉ាងលើកនេះគេប្រហែលជាមិនធ្វើឱ្យអ្នកគាំទ្ររបស់ខ្លួនអស់សង្ឃឹមនោះទេ។គូនេះមានល្បិចប្រយុទ្ធនៅលើសង្វៀនប្រហាក់ប្រហែលគ្នា។សួន ចាន់នីល្អស្នៀតកែងនិងជង្គង់ គ្រាន់តែចលនានៃការវាយចេញរាងយឺតបន្តិច តែបើនិយាយពីចិត្តវិញនោះសឿងគ្រាន់បើ ។ ចំណែកកីឡាករយ៉េន ឌីណា ស្នៀតកែងនិងជង្គង់របស់គេក៏មិនចាញ់សួន ចាន់នី ប៉ុន្មាននោះដែរ នៅមានស្នៀតជើងនិងស្នៀតកណ្ដាប់ដៃទៀត ដែលអាចម៉ាត់និងទាត់កាន់តែល្អ ។ ម្យ៉ាងយ៉េន ឌីណា ចិត្តរបស់គេហ៊ាន ហើយថែមទាំងមានកម្លាំងខ្លាំងទៀត ។ អ្នកប្រយុទ្ធស្បែកសមកពីខេត្តកោះកុងម្នាក់ មួយរយៈមកនេះស្ថិតិនៃការប្រកួតរបស់គេអត់ដែលស្គាល់ចាញ់ម្ដងណាឡើយ ។ កីឡាករសួន ចាន់នី ប៉ះយ៉េន ឌីណា លើកនេះក៏នៅមិនទាន់ដឹងថាយ៉ាងណានោះដែរ ជាពិសេសសម្រាប់អ្នកតាមដានការប្រកួតមួយចំនួន គេមានជំនឿចិត្តលើយ៉េន ឌីណា ច្រើនជាង។
ដោយឡែ សម្រាប់គូប្រកួតដែលធ្វើឱ្យអ្នកតាមដានការប្រកួតមួយគូទៀតនោះ គឺការប៉ះគ្នារវាងកីឡាករសូត្រ ខេវិន មកពីក្លិបបក្សីស្លាបដែក ជាមួយកីឡាកររឿន ប៊ុនរួន មកពីក្លិបមកុដរាជសីហ៍ ។ គូនេះបើនិយាយពីកីឡាករសូត្រ ខេវិន គេធ្លាប់ឃើញមានមុខនៅលើសង្វៀនញឹកញាប់បំផុត ។ រីឯកីឡាកររឿន ប៊ុនរួន វិញនោះអត់សូវមានអ្នកណាគេស្គាល់នោះទេ ។ ដូច្នេះហើយវត្តមានរបស់កីឡាករចំណូលថ្មីម្នាក់នេះធ្វើឱ្យអ្នកតាមដានការប្រកួតចង់ដឹងកាន់តែខ្លាំងថា គេអាចស៊ូប្រកួតជាមួយកីឡាករជើងចាស់សូត្រ ខេវិន បានដល់ទឹកទី៥ឬអត់៕
ចែករំលែកព័តមាននេះ