ស្ងាត់ៗ Ronaldo បើកសណ្ឋាគារប្រណិតថ្មីមួយនៅអាមេរិក ក្រោយបរាជ័យនៅ Euro 2020
សហរដ្ឋអាមេរិក ៖ Cristiano Ronaldo បានបើកដំណើរការសណ្ឋាគារប្រណិតថ្មីមួយ ដែលមានទីតាំងស្ថិតក្នុងទីក្រុងញូវយ៉ក
សហរដ្ឋអាមេរិក ៖ Cristiano Ronaldo បានបើកដំណើរការសណ្ឋាគារប្រណិតថ្មីមួយ ដែលមានទីតាំងស្ថិតក្នុងទីក្រុងញូវយ៉ក
សហរដ្ឋអាមេរិក ៖ Cristiano Ronaldo បានបើកដំណើរការសណ្ឋាគារប្រណិតថ្មីមួយ ដែលមានទីតាំងស្ថិតក្នុងទីក្រុងញូវយ៉ក សហរដ្ឋអាមេរិក កាលពីថ្ងៃទី៧ ខែកក្កដា កន្លងទៅ។ ពោលគឺមានរយៈពេល១១ថ្ងៃ បន្ទាប់ពីព័រទុយហ្គាល់ជ្រុះចេញពីព្រឹត្តិការណ៍ Euro 2020។
បើយោងតាមការបង្ហោះនៅលើបណ្តាញទំនាក់ទំនងសង្គមពីសំណាក់ប្រធានក្រុមជម្រើសជាតិព័រទុយហ្គាល់រូបនេះ កាលពីថ្ងៃទី៧ ខែកក្កដា ដើម្បីបង្ហាញពីសណ្ឋាគារដ៏ប្រណិតថ្មីមួយរបស់ខ្លួន ដែលមានឈ្មោះថា Pestana CR7 ស្ថិតនៅក្នុងតំបន់ Manhattan។ ខណៈដែលវាគឺជាជំនួញសណ្ឋាគាររបស់ Ronaldo ទីមួយ ដែលបើកដំណើរការជាលើកដំបូងនៅក្រៅតំបន់អឺរ៉ុប។
យោងតាមគេហទំព័រផ្លូវការរបស់សណ្ឋាគារ Pestana CR7 បានឱ្យដឹងថា សម្រាប់អ្នកចង់ស្នាក់នៅក្នុងសណ្ឋាគារដ៏ប្រណិតថ្មីនេះ គឺគ្រាន់តែចំណាយប្រាក់ចំនួន១៦០ដុល្លារប៉ុណ្ណោះ សម្រាប់ការស្នាក់នៅមួយយប់។ ហើយក៏និងមានការបញ្ចុះតម្លៃជាពិសេស សម្រាប់ភ្ញៀវកាន់កាតសមាជិក Pestana។
ជម្រាបជូនថាកន្លងមក ខ្សែប្រយុទ្ធឆ្នើមក្រុមសេះបង្កង់ Juventus វ័យ៣៦ឆ្នាំរូបនេះ ធ្លាប់បើកសណ្ឋាគារប្រណិតចំនួន២រួចមកហើយ នៅឯតំបន់ Madeira ក្នុងទីក្រុង Lisbon ប្រទេសព័រទុយហ្គាល់ និងមួយទៀតនៅឯទីក្រុង Madrid ប្រទេសអេស្ប៉ាញ។ ដោយទទួលបានការគាំទ្រយ៉ាងខ្លាំង ហើយវាក៏ប្រភពចំណូលដ៏សំខាន់ សម្រាប់កីឡាកររូបនេះ ផងដែរ។
សូមរំលឹកថា Ronaldo ទើបតែខកចិត្តយ៉ាងខ្លាំង ក្រោយមិនអាចជួយប្រទេសកំណើតរបស់ខ្លួន បន្តការប្រកួតប្រជែងក្នុងព្រឹត្តិការណ៍ Euro 2020។ បន្ទាប់ពីត្រូវបែលហ្ស៊ីកទម្លាក់ចេញត្រឹមវគ្គ១៦ក្រុមចុងក្រោយ ដោយលទ្ធផល ១-០ កាលពីថ្ងៃទី២៧ ខែមិថុនា កន្លងទៅ៕ (ដកស្រង់ចេញពី Dailymail)
ចែករំលែកព័តមាននេះ