Kane នាំអង់គ្លេសឱ្យស្គាល់រសជាតិវគ្គផ្តាច់ព្រ័ត្រជាលើកដំបូង ក្រោយខកខាន៥៥ឆ្នាំ (វីដេអូ)
អង់គ្លេស ៖ អង់គ្លេស ត្រូវឡើងទៅជួបអ៊ីតាលី នៅវគ្គផ្តាច់ព្រ័ត្រព្រឹត្តិការណ៍ Euro 2020 ក្រោយយកឈ្នះលើដាណឺម៉ាកក្នុងការ
អង់គ្លេស ៖ អង់គ្លេស ត្រូវឡើងទៅជួបអ៊ីតាលី នៅវគ្គផ្តាច់ព្រ័ត្រព្រឹត្តិការណ៍ Euro 2020 ក្រោយយកឈ្នះលើដាណឺម៉ាកក្នុងការ
អង់គ្លេស ៖ អង់គ្លេស ត្រូវឡើងទៅជួបអ៊ីតាលី នៅវគ្គផ្តាច់ព្រ័ត្រព្រឹត្តិការណ៍ Euro 2020 ក្រោយយកឈ្នះលើដាណឺម៉ាកក្នុងការប្រកួតវគ្គពាក់កណ្តាលផ្តាច់ព្រ័ត្រ ក្នុងម៉ោងបន្ថែម១៥នាទី២ដងដោយលទ្ធផល ២-១។
ជំនួបដែលធ្វើឡើងក្នុងកីឡដ្ឋាន Wembley មានមូលដ្ឋានក្នុងទីក្រុងឡុងដ៏ ក្រុមភ្ញៀវដាណឺម៉ាកបានបើកការនាំមុខមុន ដែលរកបានដោយកីឡាករ Mikkel Damsgaard នៅនាទី៣០។ លុះចូលដល់នាទី៣៩ ម្ចាស់ផ្ទះអង់គ្លេសទទួលបានកាដូមួយគ្រាប់ពីដាណឺម៉ាក បន្ទាប់ពីកីឡាករ Simon Kjær ធ្វើឱ្យភ្លាត់ចូលទីខ្លួនឯង។ ហើយលទ្ធផល ១-១ បានរក្សារហូតបញ្ចប់ការប្រកួត៩០នាទី។
ឈានដល់ការបន្ថែមម៉ោង១៥នាទី២ដង។ អង់គ្លេសទទួលបានបាល់ប៉េណាល់ទី បន្ទាប់ពីកីឡាករ Joakim Maehle បង្កើតកំហុសធ្វើឱ្យកីឡាករ Raheem Sterling ដួលក្នុងតំបន់គ្រោះថ្នាក់។ Harry Kane គឺជាអ្នកសម្រេចលទ្ធផលចុងក្រោយនៃជំនួបមួយនេះ ក្រោយការស៊ុតត្រូវបានរារាំងដោយអ្នកចាំទីដាណឺម៉ាក Kasper Schmeichel ប៉ុន្តែបាល់បានផ្លាតចេញពីដៃអ្នកចាំទីរូបនេះ ជាឱកាសមាសសម្រាប់ប្រធានក្រុមអង់គ្លេស បំប៉ោងសំណាញ់ទីបានសម្រេចនៅនាទី១០៤។ ហើយលទ្ធផល ២-១ បានរក្សារហូតដល់បញ្ចប់ការប្រកួត។
មួយគ្រាប់ជ័យជម្នះសម្រេចបានដោយ Harry Kane បានធ្វើអង់គ្លេសឈានទៅវគ្គផ្តាច់ព្រ័ត្រជាលើកដំបូងក្នុងព្រឹត្តិការណ៍ធំៗ ក្រោយខកខានរយៈពេល៥៥ឆ្នាំ។ បន្ទាប់ពីពួកគេបានឈ្នះពានរង្វាន់ World Cup នៅឆ្នាំ១៩៦៦។
អង់គ្លេស នឹងត្រូវជួបអ៊ីតាលី ដើម្បីប្រជែងគ្នាដណ្តើមតំណែងជើងឯក Euro 2020 ដែលនឹងត្រូវធ្វើឡើងនាថ្ងៃទី១១ ខែកក្កដា នៅឯកីឡដ្ឋាន Wembley ខាងមុខនេះ៕ (ដកស្រង់ចេញពី BBC)
ចែករំលែកព័តមាននេះ