មុនប៉ះគ្នាយប់នេះ! ប្រធានក្រុមអង់គ្លេស បោះសម្តីព្រមានបែបនេះដាក់ដាណឺម៉ាក
អង់គ្លេស ៖ ម្ចាស់ផ្ទះអង់គ្លេស នឹងត្រូវតទល់ជាមួយដាណឺម៉ាក នៅវគ្គពាក់កណ្តាលផ្តាច់ព្រ័ត្រព្រឹត្តិការណ៍ Euro 2020 នៅកីឡដ្ឋាន
អង់គ្លេស ៖ ម្ចាស់ផ្ទះអង់គ្លេស នឹងត្រូវតទល់ជាមួយដាណឺម៉ាក នៅវគ្គពាក់កណ្តាលផ្តាច់ព្រ័ត្រព្រឹត្តិការណ៍ Euro 2020 នៅកីឡដ្ឋាន
អង់គ្លេស ៖ ម្ចាស់ផ្ទះអង់គ្លេស នឹងត្រូវតទល់ជាមួយដាណឺម៉ាក នៅវគ្គពាក់កណ្តាលផ្តាច់ព្រ័ត្រព្រឹត្តិការណ៍ Euro 2020 នៅកីឡដ្ឋាន Wembley យប់នេះ នាវេលាម៉ោង២រំលងអាធ្រាត្រ ដើម្បីរកមួយក្រុមឡើងទៅប៉ះអ៊ីតាលីនៅវគ្គផ្តាច់ព្រ័ត្រ។
មុនការប្រកួតយប់នេះចូលមកដល់ ប្រធានក្រុម Harry Kane បានព្រមានដាណឺម៉ាកថា គ្មាននរណាម្នាក់អាចបញ្ឈប់រូបគេបានឡើយ ដើម្បីកំណត់គោលដៅរកគ្រាប់បាល់ជួយអង់គ្លេសបន្តទៅកាន់វគ្គផ្តាច់ព្រ័ត្រ។
នៅពេលត្រូវសួរថា តើគេអាចមានអ្នកបញ្ឈប់បានទេ ប្រសិនកំពុងមានទម្រង់ល្អបែបនេះ? ខ្សែប្រយុទ្ធដ៏មុតស្រួចរបស់ក្រុម Tottenham Hotspur វ័យ២៧ឆ្នាំរូបនេះ បាននិយាយថា «និយាយដោយស្មោះត្រង់ប្រហែលជាគ្មានទេ។ ការយល់ដឹងអំពីការប្រកួតរបស់ខ្ញុំទាក់ទងនឹងអ្វីដែលខ្ញុំត្រូវធ្វើនោះ គឺមិនត្រឹមតែជួយខ្លួនឯងប៉ុណ្ណោះទេ ប៉ុន្តែគឺសម្រាប់ក្រុមទាំងមូល។ ប្រសិនបើអ្នកព្យាយាមបញ្ឈប់ខ្ញុំ យើងមានកីឡាករផ្សេងទៀតដែលពូកែនឹងបង្កបញ្ហាដល់អ្នក។ ដោយយើងមានការលេងគំរា.មកំហែងជាច្រើនជម្រើស ច្រើនវិធីខុសៗពីគ្នា»។
ក្រុមទាំងសុទ្ធតែពេញទម្រង់លេងល្អដូចគ្នា ដោយគ្មានកីឡាករសំខាន់ណាម្នាក់រងរបួស ឬជាប់បម្រាមឡើយ។ ដោយក្នុងនោះ Luke Shaw, Mason Mount, Raheem Sterlin និង Harry Kane នៅតែជាកីឡាករដ៏មុតស្រួចរបស់អង់គ្លេស។ ខណៈដែលកីឡាករ Thomas Delaney, Martin Braithwaite និង Kasper Dolberg នៅតែជាកម្លាំងស្នូលដ៏សំខាន់របស់ដាណឺម៉ាក៕ (ដកស្រង់ចេញពី Dailymail)
ចែករំលែកព័តមាននេះ