កាសែត «ស្រេ្តតថែម» របស់សិង្ហបុរីកាលពីពេល ថ្មីៗកន្លងមក បានចាត់ថ្នាក់លោកលី ក្វាន់យូ អតីតនាយករដ្ឋមន្ត្រីដែលទទួលមរណភាពទៅហើយនោះថាជា «កំពូលបុគ្គលអាស៊ីប្រចាំឆ្នាំ២០១៥» តាមរយៈសកម្មភាពរបស់អតីតមេដឹកនាំសិង្ហបុរី
កាសែត «ស្រេ្តតថែម» របស់សិង្ហបុរីកាលពីពេល ថ្មីៗកន្លងមក បានចាត់ថ្នាក់លោកលី ក្វាន់យូ អតីតនាយករដ្ឋមន្ត្រីដែលទទួលមរណភាពទៅហើយនោះថាជា «កំពូលបុគ្គលអាស៊ីប្រចាំឆ្នាំ២០១៥» តាមរយៈសកម្មភាពរបស់អតីតមេដឹកនាំសិង្ហបុរីរូបនេះទាំងនៅលើផ្នែកការងារនៅក្នុងភូមិភាគ និងនៅលើពិភពលោក ។
កាសែតដ៏ល្បីនោះបញ្ជាក់ថា មានជនជាតិអាស៊ីតែប៉ុន្មាននាក់ប៉ុណ្ណោះ ដែលបានបង្កើតសមិទ្ធផលជូនដល់ពលរដ្ឋ និងបង្កើតប្រទេសនៅក្នុងយុគសម័យថ្មី ។
អតីតនាយករដ្ឋមន្ត្រីលី ក្វាន់យូ របស់សិង្ហបុរី ដែលទទួលមរភាពកាលពីខែមីនា ២០១៥ ក្នុងវ័យ៩១ឆ្នាំ បន្សល់ក្តីអាឡោះអាល័យ និងកោតសរសើរជាវីរបុរសពីពលរដ្ឋសិង្ហបុរី និងជាប់ចំណាត់ថ្នាក់ជាជនមានគុណភាពជីវិតខ្ពស់បំផុតរបស់អាស៊ី តាមរយៈសមិទ្ធផល ទស្សនវិស័យនៃការចាក់ឫសគល់ និងការអភិវឌ្ឍប្រទេស ។ លោកលី ក្វាន់យូ ក៏បានទទួលរហ្សនាមថាជា «បិតានៃប្រទេសសិង្ហបុរី» ដែរ ។
លោកលី ក្វាន់យូ បានបំពេញតួនាទីជាទីប្រឹក្សាដល់បណ្តាមេដឹកនាំនៅលើសាកលលោកទាក់ទិននឹងការផ្តួចផ្តើមនគំនិតនៅអាស៊ីអស់រយៈពេលយ៉ាងយូរ ។
កាសែត «ស្រេ្តតថែម» ដែលបង្កើតឡើងតាំងពី១៧០ឆ្នាំមុន បានប្រកាសចាត់ចំណាត់ថ្នាក់កិត្តិយសនេះជាលើកដំបូងនៅឆ្នាំ២០១២ ហើយតំណែងបានទៅលោកប្រធានាធិបតីថេនសេន របស់មីយ៉ាន់ម៉ា ។ ការជ្រើសរើសឱ្យគ្រងតំណែងប្រកបដោយកិត្តិយសនេះជាលើកដំបូង ព្រោះតែកំណែទម្រង់ផ្នែកនយោបាយនៅក្នុងប្រទេសរបស់លោកថេនសេន ។ ឆ្នាំ២០១៣ លោកប្រធានាធិបតីស៊ី ជីនពីង របស់ចិន បានគ្រងតំណែង «កំពូលបុគ្គលអាស៊ី» នេះរួមជាមួយលោកនាយករដ្ឋមន្ត្រីស៊ីន ស៊ូអាបេ របស់ជប៉ុន។ នៅឆ្នាំ២០១៤ តំណែងនេះបានទៅនាយករដ្ឋមន្ត្រីនរ៉េនត្រា ម៉ូឌី ប្រទេសឥណ្ឌា ៕
ចែករំលែកព័តមាននេះ