Euro 2020 ៖ អ៊ីតាលីកក់កៅអីវគ្គផ្តាច់ព្រ័ត្រ ក្រោយទម្លាក់អេស្ប៉ាញដោយបាល់ប៉េណាល់ទី (វីដេអូ)
អង់គ្លេស ៖ អ៊ីតាលី បន្តឡើងទៅវគ្គផ្តាច់ព្រ័ត្រព្រឹត្តិការណ៍ Euro 2020 ក្រោយទម្លាក់ម្ចាស់ជើងឯក៣សម័យកាលអេស្ប៉ាញ ដោយ
អង់គ្លេស ៖ អ៊ីតាលី បន្តឡើងទៅវគ្គផ្តាច់ព្រ័ត្រព្រឹត្តិការណ៍ Euro 2020 ក្រោយទម្លាក់ម្ចាស់ជើងឯក៣សម័យកាលអេស្ប៉ាញ ដោយ
អង់គ្លេស ៖ អ៊ីតាលី បន្តឡើងទៅវគ្គផ្តាច់ព្រ័ត្រព្រឹត្តិការណ៍ Euro 2020 ក្រោយទម្លាក់ម្ចាស់ជើងឯក៣សម័យកាលអេស្ប៉ាញ ដោយបាល់ប៉េណាល់ទីកាត់សេចក្តីដោយលទ្ធផល ៤-២ បន្ទាប់ពីបញ្ចប់១២០នាទី ស្មើគ្នាលទ្ធផល ១-១។
កីឡាករ Federico Chiesa ជាអ្នករកគ្រាប់បាល់ឱ្យអ៊ីតាលីនាំមុខមុននៅនាទី៦០។ ក្រោយមកកីឡាករ Álvaro Morata តាមស្មើមកវិញនៅជិតបញ្ចប់ការប្រកួតនាទី៨០។ ការប្រកួតបន្តដល់ម៉ោងបន្ថែម១៥នាទី២ដង ក្រុមទាំងពីរនៅតែរក្សាលទ្ធផល ១-១។ ទើបឈានដល់ការទាត់ប៉េណាល់ទីរកអ្នកឈ្នះចាញ់។
៤គ្រាប់អ៊ីតាលីសម្រេចបានដោយកីឡាករ Andrea Belotti, Leonardo Bonucci, Federico Bernardeschi និង Jorginho។ ចំណែកឯ២គ្រាប់អេស្ប៉ាញសម្រេចបានដោយកីឡាករ Gerard Moreno និង Thiago Alcântara។ ខណៈការទាត់របស់កីឡាករ Álvaro Morata ត្រូវបានសង្គ្រោះដោយអ្នកចាំទី Gianluigi Donnarumma។
ជ័យជម្នះនេះ ធ្វើឱ្យក្រុមលោក Roberto Mancini រង់ចាំអ៊ុតលទ្ធផលជំនួបរវាងអង់គ្លេស និងដាណឺម៉ាក ដែលត្រូវលេងនៅយប់នេះ វេលាម៉ោង២រំលងអាធ្រាត្រ ដើម្បីរកមួយក្រុមឡើងមកជួបពួកគេនៅវគ្គផ្តាច់ព្រ័ត្រ។
គូសបញ្ជាក់ថា អេស្ប៉ាញគឺជាម្ចាស់ជើងឯកពានរង្វាន់ Euro ច្រើនបំផុតក្នុងប្រវត្តិសាស្ត្ររហូតដល់៣សម័យកាល (១៩៦៤, ២០០៨, ២០១២) ស្មើកំណត់ត្រាគ្នាជាមួយអាល្លឺម៉ង់ (១៩៧២, ១៩៨០, ១៩៩៦)។ ខណៈដែលអ៊ីតាលីធ្លាប់ឈ្នះតែម្តងគត់នៅឆ្នាំ១៩៦៨៕
ចែករំលែកព័តមាននេះ