គេសង្កេតឃើញថា ដំណាំពោតក្រហមរបស់ប្រជាកសិករមួយចំនួននៅក្នុងភូមិក្បាលព្រលាន សង្កាត់អូរតាវ៉ៅ ក្រុងប៉ៃលិន កំពុងទទួលរងការងា.ប់ខូចខាតអស់ជាច្រើន ស្របពេលដែលដំណាំមួយនេះកំពុងតែចេញផ្កា ដាក់ស្នៀត ប៉ុន្តែផ្ទៃមេឃបែរជារាំងភ្លៀងអស់រយៈពេលជាច្រើនថ្ងៃ បណ្តាលឱ្យ
ខេត្តប៉ៃលិន ៖ រហូតមកដល់ថ្ងៃទី០៥ ខែកក្កដា ឆ្នាំ២០២១នេះ គេសង្កេតឃើញថា ដំណាំពោតក្រហមរបស់ប្រជាកសិករមួយចំនួននៅក្នុងភូមិក្បាលព្រលាន សង្កាត់អូរតាវ៉ៅ ក្រុងប៉ៃលិន កំពុងទទួលរងការងា.ប់ខូចខាតអស់ជាច្រើន ស្របពេលដែលដំណាំមួយនេះកំពុងតែចេញផ្កា ដាក់ស្នៀត ប៉ុន្តែផ្ទៃមេឃបែរជារាំងភ្លៀងអស់រយៈពេលជាច្រើនថ្ងៃ បណ្តាលឱ្យទទួលរងការខូចខាតតែម្តង ។
បើតាមប្រភពព័ត៌មានពីប្រជាកសិករម្នាក់ ឈ្មោះ ម៉ៅ រស់នៅក្នុងក្រុងប៉ៃលិន បានរៀបរាប់ឱ្យដឹងថា ៖ គាត់មានដីចំការចំនួន៥ហិកតា ដោយដាំដំឡូងមីចំនួន៣ហិកតា និងដាំពោតក្រហមចំនួន២ហិកតា ព្រោះដំណាំពោតក្រហមជាដំណាំដែលឆាប់បានទទួលផលលក់ មិនដូចដំឡូងមី ដែលមានរយៈពេលយូរនោះទេ ពោលគឺរយៈពេល៨ខែទៅ១ឆ្នាំ ទើបអាចប្រមូលផលលក់បាន ។
កសិកររូបនេះបន្តថា តែនៅដើមរដូវនេះ ក្រោយពេលដាំពោតក្រហមរួច ផ្ទៃមេឃបានធ្លាក់ភ្លៀងជាញឹកញាប់ធ្វើឱ្យដំណាំពោត និងដំឡូងមីរបស់គាត់ដុះលូតលាស់យ៉ាងល្អ លុះពោតកំពុងតែចេញផ្កា និងដាក់ស្នៀត ស្រាប់តែមេឃចាប់ផ្តើមរាំងភ្លៀងរហូតអស់រយៈពេលជាច្រើនថ្ងៃមកហើយ ធ្វើឱ្យស្នៀតពោតក្លាយទៅជាស្កក (អត់ដាក់គ្រាប់) ហើយដើមពោតតូចៗក៏ងា.ប់ជាបណ្តើរៗដែរ បើទោះបីជានៅថ្ងៃខាងមុខ មានភ្លៀងធ្លាក់បន្តទៀត ក៏មិនអាចជួយសង្គ្រោះដំណាំរបស់ខ្លួនបានដែរ ព្រោះហួសពេលទៅហើយ ។
គាត់បន្តទៀតថា ចំណែកដំណាំដំឡូងមីវិញ មិនមានការងា.ប់ខូចខាតនោះទេ ទោះបីជារាំងភ្លៀងរយ:ពេលយូរបន្តិច ក៏មិនមានបញ្ហាអ្វីកើតឡើងដែរ ព្រោះដំឡូងមី ស៊ូនឹងអាកាសធាតុក្តៅជាងដំណាំពោតក្រហម ។
ទោះបីជាយ៉ាងណា នៅលើដីចំការរបស់គាត់ មិនហ៊ានដាំដំណាំតែមួយមុខនោះឡើយ គឺដាំចំនួន២មុខ បើខុសមួយមុខ អាចនឹងត្រូវមួយមុខទៀតដែរ ដើម្បីពេលប្រមូលផលលក់បានថវិកាសម្រាប់យកទៅសងជំពាក់បំណុលគេ និងសល់មួយចំនួនទៀត យកទៅទិញម្ហូបអាហារសម្រាប់ផ្គត់ផ្គង់ជីវភាពប្រចាំថ្ងៃ ៕
ចែករំលែកព័តមាននេះ