Messi ទើបអស់កុងត្រាជាមួយ Barca ស្រាប់តែលេចវត្តមានក្លិបមួយទាក់ទង់ចង់បាន
បារាំង ៖ ធ្លាយដំណឺងមកថា ក្លិបអ្នកមានបាំរាង Paris Saint-Germain ធ្វើការទាក់ទងដាក់សំណើចរចាជាមួយកីឡាករ Lionel
បារាំង ៖ ធ្លាយដំណឺងមកថា ក្លិបអ្នកមានបាំរាង Paris Saint-Germain ធ្វើការទាក់ទងដាក់សំណើចរចាជាមួយកីឡាករ Lionel
បារាំង ៖ ធ្លាយដំណឺងមកថា ក្លិបអ្នកមានបាំរាង Paris Saint-Germain ធ្វើការទាក់ទងដាក់សំណើចរចាជាមួយកីឡាករ Lionel Messi ដើម្បីនាំយករូបគេមកលេងនៅលីគកំពូលបារាំង រដូវកាលក្រោយ។
Lionel Messi បច្ចុប្បន្នកំពុងជាកីឡាករភ្នាក់ងារឥតគិតថ្លៃ (Free Agent) បន្ទាប់ពីរូបគេទើបតែអស់កុងត្រាជាមួយក្លិបអ្នកមានបុណ្យ Barcelona កាលពីថ្ងៃទី៣០ ខែមិថុនា កន្លងទៅ។ ដែលមានន័យថា ខ្សែប្រយុទ្ធឆ្នើមអាហ្សង់ទីនវ័យ៣៤ឆ្នាំរូបនេះ មាននាមជាកីឡាករគ្មានក្លិបលេង។ ហើយក្លិបដទៃ អាចដាក់សំណើរចរចាដើម្បីនាំយករូបគេ បានដោយគ្មានតម្លៃខ្លួន។ គ្រាន់តែពួកគេត្រូវចរចាជាមួយសាម៉ីខ្លួនលើតម្លៃពលកម្ម ដែលគេជឿថានឹងមានតម្លៃថ្លៃខ្លាំង។
ទោះយ៉ាងណា បើយោងតាមប្រភពជាច្រើនពីអេស្ប៉ាញបានឱ្យដឹងថា ម្ចាស់ពានរង្វាន់ Ballon d’Or ៦សម័យកាលរូបនេះ បានយល់ព្រមបន្តកិច្ចសន្យាថ្មីជាមួយ Barcelona។ ជាមួយនិងការផ្តល់ជូនកុងត្រាថ្មីរយៈពេល២ឆ្នាំបន្ថែមទៀត។ គ្រាន់តែវាមិនទាន់កើតឡើងភា្លមៗនៅឡើយ។ ដោយសារតែ Messi កំពុងជាប់ភារកិច្ចជាមួយក្រុមជម្រើសជាតិក្នុងពានរង្វាន់ Copa América។ ដោយអាហ្សង់ទីនត្រូវជួបកូឡុំប៊ី ក្នុងការប្រកួតវគ្គពាក់កណ្តាលផ្តាច់ព្រ័ត្រ។
គូសបញ្ជាក់ថា រឿងរ៉ាវអំពីអនាគត Messi ជាមួយ Barcelona បានក្លាយជាប្រធានបទដ៏ក្តៅកាលពីពេលកន្លងមក។ ទាក់ទិនបញ្ហាជំលោះផ្ទៃក្នុងរវាងប្រធានក្រុមរូបនេះ ជាមួយប្រធានក្លិបចាស់គឺលោក Josep Maria Bartomeu។ ដែលឈានរហូតដល់ Messi ចង់សម្រេចចិត្តចាកចេញពីក្លិប ដែលខ្លួនធ្លាប់រួមរស់អស់១៧ឆ្នាំមួយនេះ ថែមទៀតផង៕ (ដកស្រង់ចេញពី Dailymail)
ចែករំលែកព័តមាននេះ