អ្នកស្រី សចន្ទ ដានី ជាតារាជើងចាស់ ហើយមានទេពកោសល្យសម្តែងបានយ៉ាងល្អ ជាពិសេសការបង្ហាញតួអង្គកាចតែម្តង ព្រមទាំងមានស្នាដៃ និងជំនាញ បែបនេះហើយបានជាត្រូវខាងផលិតករមួយចំនួន
រាជធានីភ្នំពេញ ៖ អ្នកស្រី សចន្ទ ដានី ជាតារាជើងចាស់ ហើយមានទេពកោសល្យសម្តែងបានយ៉ាងល្អ ជាពិសេសការបង្ហាញតួអង្គកាចតែម្តង ព្រមទាំងមានស្នាដៃ និងជំនាញ បែបនេះហើយបានជាត្រូវខាងផលិតករមួយចំនួន ផ្តល់ឱកាសថតសម្តែងទាំងរឿងដុំ និងរឿងភាគ ហើយក្លាយជាតារាជើងចាស់ម្នាក់ទៀតដែលមានទីផ្សារសម្តែងមិនចាញ់តារាជើងចាស់ផ្សេងៗទៀតឡើយ។
លុះមួយរយៈចុងក្រោយនេះ ស្រាប់តែផ្ទុះឡើងនូវព័ត៌មានថា តារាសិល្បៈល្បីៗមួយចំនួនមានផ្ទុកកូវីដ១៩ ខណៈសប្តាហ៍មុនមានអ្នកនាងបូរ៉ានិច, កញ្ញារចនា រ៉ាឌី និងលោកព្រីន។ យ៉ាងណា មេរោគនេះ ស្រាប់តែបុកចូលមកដល់តារាជើងចាស់កំពុងលេចធ្លោ គឺអ្នកស្រី សចន្ទ ដានី ធ្វើឱ្យផ្ទុះនូវការចាប់ អារម្មណ៍ជាថ្មី ហើយក៏មិននឹកស្មានថា អ្នកស្រីជួបនឹងហេតុការណ៍នេះដែរ។
នៅលើបណ្តាញសង្គមរបស់អ្នកស្រី ដានី ផ្ទាល់ បានសរសេរឡើងថា « អរគុណបងប្អូនញាតិសន្ដាន ដែលមានការព្រួយបារម្ភ និងសួរសុខទុក្ខនាងខ្ញុំ ដែលកំពុងតែមានផ្ទុកជំងឺមេរោគកូវីដ១៩ ដ៏កាចសា.ហាវនេះ នាងខ្ញុំមិនអីទេ សុខភាពគ្រាន់បើបន្តិចវិញហើយថ្ងៃនេះ ទីកន្លែងសំរាកព្យាបាលក៏សំបូរហូបចុក ថ្នាំលេបមានគ្រប់គ្រាន់មិនខ្វះអីទេ បន្តិចទៀតនាងខ្ញុំជាធម្មតាឡើងវិញហើយមិនយូរទេ សុំផ្ញើក្ដីស្រឡាញ់ និងគោរពពីចម្ងាយផង អរគុណណាស់ នឹកពេកកន្លងគ្រប់ៗគ្នា ០៤/០៧/២០២១»។
នេះជាដំណឹងមួយយ៉ាងក្តៅ ដែលអាចបញ្ជាក់ថា កូវីដ១៩ មិនទាន់ស្ងប់ឡើយ ហើយអ្នកគាំទ្រក៏បានជូនពរអ្នកស្រី ដានី ឱ្យឆាប់ជាវិលមករកសភាពដើមឡើងវិញ ហើយស្តាប់តាមពេទ្យបញ្ជាអោយបានល្អ។ ហើយរដ្ឋាភិបាល និងក្រសួងសុខាភិបាលបានកំពុងយកចិត្តទុកដាក់ក្នុងការទប់ទល់អោយបានស្បើយ ដោយមិនខ្លាចហត់នឿយឡើយ។ ដូចនេះ សូមកុំប្រហែស ឬមើលស្រាល ហើយត្រូវការពារឱ្យបានល្អ រក្សាអនាម័យ រក្សាគម្លាត និងប្រុងប្រយ័ត្នអោយបានខ្ពស់ គ្រប់ពេលវេលាទាំងអស់។
ចែករំលែកព័តមាននេះ