សារព័ត៌មានអាល់រីយ៉ាដ របស់អារ៉ាប៊ីសាអ៊ូឌីត ផ្សាយថា រដ្ឋាភិបាលអារ៉ាប៊ីសាអ៊ូឌីត គ្រោងផ្តល់សិទ្ធិដល់ស្ត្រីដែលលែងលះ ឬមេម៉ាយបានទទួលសិទ្ធិស្របច្បាប់ក្នុងការចិញ្ចឹមគ្រួសាររបស់ខ្លួន ដោយមិនចាំបាច់សុំការយល់ស្របពីបុរស ឬអំណាចរបស់តុលាការដូចពីមុនទេ ។
កន្លងមកក្រសួងមហាផ្ទៃអារ៉ាប៊ីសាអ៊ូឌីត បានចេញអត្តសញ្ញាណប័ណ្ណ ឬប័ណ្ណឈរឈ្មោះក្នុងក្រុមគ្រួសារសម្រាប់តែបុរស ប៉ុន្តែបច្ចុប្បន្នគ្រោងយល់ព្រមផ្តល់ប័ណ្ណនោះដល់ស្ត្រីដែលលែងលះ ឬមេម៉ាយ ដើម្បីបង្ហាញពីសិទ្ធិក្នុងការថែទាំសមាជិកក្នុងគ្រួសាររបស់ខ្លួន ដូចជាមេគ្រួសារអាចនាំកូនចូលសាលារៀន និងទទួលការព្យាបាលពីគ្រូពេទ្យ ។ ស្របពេលជាមួួយគ្នានេះដែរ ប្រភពនោះមិនបានផ្តល់ព័ត៌មានលម្អិតស្តីពីការកំណត់ថ្ងៃ និងមានសុពលលភាពឱ្យប្រើប្រាស់នៅពេលណាទេ ? ប៉ុន្តែចាត់ទុកថាជំហានដ៏សំខាន់មួយក្នុងការលើកកម្ពស់សសិទ្ធិរបស់ស្ត្រីនៅក្នុងប្រទេស ។
កាលពីអតីតកាលបុរសមានឋានៈជាអ្នកដឹកនាំគ្រួសារ រួមមានឪពុក ប្តី បងប្រុស ឬប្អូនប្រុស គឺមានសិទ្ធិស្របច្បាប់ក្នុងការគ្រប់គ្រងជាសមាជិកក្នុងគ្រួសារ ។ មិនតែប៉ុណ្ណោះ អារ៉ាប៊ីសាអ៊ូឌីត ជាប្រទេសមួយនៅលើលោកដែលហាមស្ត្រីបើកបររថយន្ត ៕
ចែករំលែកព័តមាននេះ