នៅឆ្នាំ២០៣៧ យន្តហោះបំបាំងកាយចំនួន តិចប៉ុណ្ណោះនៃទ័ពអាកាសអាមេរិកត្រូវបញ្ចេញប្រើប្រាស់ ក្នុងចំណោម១៧០គ្រឿង ។ ការដាក់ប្រើប្រាស់តិចបែបនេះដោយសារតែភាពចាស់ និងការវិវឌ្ឍទៅរកដំណាក់កាលលែងប្រើប្រាស់បាន ឬត្រូវដាក់ជួសជុល ។ ទោះជាយ៉ាងណាក្តី កងទ័ពអាមេរិកនឹងដាក់ជំនួសវិញនូវយន្តហោះបំបាំងកាយជំនាន់ថ្មីដែលគេជឿជាក់ថា នឹងមានសមត្ថភាពខ្លាំងទ្វេដងបើប្រៀបធៀបទៅនឹងស៊េរី មុនៗ ។
ជាក់ស្តែង ដូចជាយន្តហោះបំបាំងកាយ B-52 ស្ថិតក្នុងសមរភូមិអស់រយៈពេល៨៥ ឆ្នាំហើយ ។ នេះគឺជារយៈពេលយូរអង្វែងក្នុងការប្រើប្រាស់របស់យោធាអាមេរិក ។ យន្តហោះនេះដែរនឹងបាត់ស្រមោលនាពេល ឆាប់ៗខាងមុខ ។ រីឯយន្តហោះបំបាំងកាយជំនាន់ក្រោយនឹងបង្ហាញវត្តមានដោយប្រើប្រាស់សុទ្ធតែបច្ចេកវិទ្យា ទំនើបៗ និងសម្ភារសព្វាវុធខ្លាំងក្លាសម្រាប់ប្រយុទ្ធជាមួយនឹងគូសត្រូវ ។ ពួកវាអាចនឹងបង្ហាញគំរូដើមនៅឆ្នាំ២០១៨ ហើយនឹងត្រៀមខ្លួនចូលសមរភូមិនៅឆ្នាំ២០៣៧ ដោយយោធាអាមេរិកស្គាល់តាមរយៈឈ្មោះកូដថា «២០៣៧ Bomber» ។
យន្តហោះនេះនឹងប្រតិបត្តិការនៅទូទាំងពិភពលោករួមបញ្ចូលការបង្កើតថ្មីរួមមានការភ្ជាប់ដោយអាវុធនុយក្លេអ៊ែរ និងហោះហើរក្នុងល្បឿនលឿនទៀតផង ។ ក្រៅពីនេះគេអាចនឹងកំណត់គោលដៅបេសកកម្មរបស់វាដោយបញ្ជាពីចម្ងាយ ឬក៏ប្រតិបត្តិការកាន់តែពិសេសអាស្រ័យលើប្រព័ន្ធបច្ចេកវិទ្យាកាន់តែទំនើបផងដែរ ៕
ចែករំលែកព័តមាននេះ