រាជធានីភ្នំពេញ ៖ ក្រុមការងារគណបក្សប្រជាជនកម្ពុជា ឃុំព្រែកចង្ក្រាន ស្រុកស៊ីធរកណ្តាល ខេត្តព្រៃវែង កាលពីព្រឹកថ្ងៃទី០៦ ធ្នូ ២០១៥ បានប្រារព្ធធ្វើពិធីបញ្ចុះបឋមសិលាសាងសង់អគារស្នាក់ការគណបក្សប្រជាជនកម្ពុជាឃុំព្រែកចង្ក្រាន១ខ្នង ។
រាជធានីភ្នំពេញ ៖ ក្រុមការងារគណបក្សប្រជាជនកម្ពុជា ឃុំព្រែកចង្ក្រាន ស្រុកស៊ីធរកណ្តាល ខេត្តព្រៃវែង កាលពីព្រឹកថ្ងៃទី០៦ ធ្នូ ២០១៥ បានប្រារព្ធធ្វើពិធីបញ្ចុះបឋមសិលាសាងសង់អគារស្នាក់ការគណបក្សប្រជាជនកម្ពុជាឃុំព្រែកចង្ក្រាន១ខ្នង ។
ពិធីនេះក្រោមអធិបតីភាពលោកស្បោង សារ៉ាត់ ប្រធានគណៈកម្មាធិការបក្សប្រជាជនខេត្តព្រៃវែង និងលោកប៉ុល រតនា ប្រធានក្រុមការងារ ចុះជួយពង្រឹងមូលដ្ឋានគណបក្សប្រជាជនឃុំព្រែកចង្ក្រាន និងលោកនឹម ច័ន្ទតាណា អនុប្រធានទី១ ចុះពង្រឹងឃុំព្រែកចង្ក្រាន ស្រុកស៊ីធរកណ្តាល រួមជាមួយក្រុមការងារគណបក្សភូមិ-ឃុំជាច្រើនទៀត ។
ក្នុងនោះដែរ លោកស្បោង សារ៉ាត់ បានធ្វើពិធីសំណេះសំណាលជាមួយបងប្អូនប្រជាពលរដ្ឋប្រមាណជាង២០០នាក់ ដែលបានចូលរួម ហើយលោកប្រធានគណៈកម្មាធិការបក្សខេត្ត បានលើកយកមតិផ្តាំផ្ញើសួរសុខទុក្ខពីថ្នាក់ដឹកនាំកំពូលនៃគណបក្សប្រជាជនកម្ពុជា ជូនសមាជិក សមាជិកា ប្រជាពលរដ្ឋទូទាំងឃុំព្រែកចង្ក្រានទាំងមូល បានជ្រាបផងដែរ ។
ឆ្លៀតឱកាសនោះទៀត លោកស្បោង សារ៉ាត់ បានយកប្រសាសន៍សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា ដែលថ្លែងក្នុងកម្មវិធីមួយនៅខេត្តព្រៃវែង កាលពីថ្ងៃទី០៥ ធ្នូ សំដៅលើការណែនាំដល់មន្ត្រីថ្នាក់ក្រោមកុំឱ្យចេះភូតកុហកតគ្នា ។ ប្រសាសនទ៍សម្តេចក្រឡាហោម សង្កត់ធ្ងន់ទៀតថា ការងារដែលថ្នាក់ដឹកនាំប្រគល់ឱ្យធ្វើ គឺត្រូវតែធ្វើឱ្យចេញលទ្ធផល កុំចេះតែសរសេររាយការណ៍ភូតភរ ដូច្នេះពីពេលនេះទៅសម្តេចនឹងហៅមន្ត្រីថ្នាក់ក្រោមសួរផ្ទាល់មាត់ ដើម្បីកុំឱ្យយើងនិយាយកុហកប្រជាពលរដ្ឋ បើឃើញខុសថាខុស ត្រូវថាត្រូវ យើងមិនអាចកុហកគ្នាបានទៀតទេ គួរកែទម្លាប់អាក្រក់ចោលទៅ ។
លោកស្បោង សារ៉ាត់ បានបន្តថា ពេលនេះក្រុមការងារយើងបានមូលមតិរូបរួមសាមគ្គីគ្នាផ្តើមកសាងអគារបក្សឃុំព្រែកចង្ក្រាន១ខ្នងដែលនឹងធ្វើពិធីបញ្ចុះបឋមសិលានេះ ដើម្បីភាពងាយស្រួលដល់សមាជិក សមាជិកាមានកន្លែងអង្គុយបម្រើការងារជូនប្រជាជន និងប្រយោជន៍ដល់សង្គមជាតិទាំងមូល ។
ក្រោយពីចប់ពិធីសំណេះសំណាលលោកប៉ុល រតនា ប្រធានក្រុមការងារពង្រឹងឃុំព្រែកចង្ក្រាន បានប្រគល់សម្លៀកបំពាក់ឯកសណ្ឋាន និងអាយកូមដល់ក្រុមប្រជាការពារ មេភូមិចំនួន៥ភូមិ សរុប៣១គ្រឿង សម្រាប់ធ្វើប្រាស្រ័យទាក់ទងការងារ និងចូលរួមការពារសន្តិសុខ សណ្តាប់ធ្នាប់សង្គមនៅក្នុងឃុំព្រែកចង្ក្រានទាំងមូល ។ លោកប៉ុល រតនា ឱ្យដឹងថា សមាជិក សមាជិកាដែលបានចូលរួមក្នុងពិធីនេះសរុបមាន២៥៤នាក់ ស្រី៩៦នាក់ ៕
ចែករំលែកព័តមាននេះ