1ភាគ3នៃពូជដំបងយក្សប្រឈមមុខនឹងការផុតពូជ
សារព័ត៌មានបរទេសផ្សាយថា សហគមន៍អន្ដរជាតិ ដើម្បីអភិរក្សធម្មជាតិ និងធនធានធម្មជាតិ (IUCN) បានចេញរបាយការណ៍ កាលពីថ្ងៃទី២៩ វិច្ឆិកា ២០១៥ ស្ដីពីលទ្ធផលស្រាវជ្រាវទាក់ទិននឹងរុក្ខជាតិដំបងយក្ស
សារព័ត៌មានបរទេសផ្សាយថា សហគមន៍អន្ដរជាតិ ដើម្បីអភិរក្សធម្មជាតិ និងធនធានធម្មជាតិ (IUCN) បានចេញរបាយការណ៍ កាលពីថ្ងៃទី២៩ វិច្ឆិកា ២០១៥ ស្ដីពីលទ្ធផលស្រាវជ្រាវទាក់ទិននឹងរុក្ខជាតិដំបងយក្ស
សារព័ត៌មានបរទេសផ្សាយថា សហគមន៍អន្ដរជាតិ ដើម្បីអភិរក្សធម្មជាតិ និងធនធានធម្មជាតិ (IUCN) បានចេញរបាយការណ៍ កាលពីថ្ងៃទី២៩ វិច្ឆិកា ២០១៥ ស្ដីពីលទ្ធផលស្រាវជ្រាវទាក់ទិននឹងរុក្ខជាតិដំបងយក្សក្នុងពេលបច្ចុប្បន្នឃើញថាមានប្រហែល ៣១% ប្រឈមនឹងការផុតពូជ ដោយសារបម្រែបម្រួលអាកាសធាតុ ការអភិវឌ្ឍទីក្រុង និងការកាប់សម្រាប់ធ្វើពាណិជ្ជកម្មខុសច្បាប់ជាដើម ។
តំបន់ដែលប្រឈមមុខនឹងការផុតពូជច្រើនបំផុតក្នុងពេលច្ចុប្បន្ន នៅទ្វីបអាមេរិក ចាប់ពីប្រេសីុលទៅដល់អ៊ូរូហ្គាយ និងម៉ិកស៊ិក ។ លោកសាល់វ៉ាឌ័រ អេរៀស អ្នកអភិរក្សរុក្ខជាតិដំបងយក្សប្រចាំឧទ្យានព្រឹក្សសាស្ដ្រនៃមហាវិទ្យាល័យរបស់ម៉ិកស៊ិក បានព្យាករថា ១ភាគ៣នៃពូជដំបងយក្សនៅក្នុងប្រទេសដែលមានប្រហែល៧០០ពូជ អាចរស់នៅក្រោមស្ថានភាពនៃបម្រៃបម្រួលអាកាសធាតុនៅលើផែនដីដ៏អាក្រក់នាពេលបច្ចុប្បន្ន ។
ចាត់ទុកថាជាស្ថានការណ៍គួរឱ្យបារម្ភបំផុត ព្រោះដំបងយក្សជារុក្ខជាតិដែលមានសារធាតុសំខាន់ដល់ប្រព័ន្ធជម្រករបស់វាលខ្សាច់ ជាប្រភពនៃការចិញ្ចឹមជីវិតដល់មនុស្ស សត្វ និងរុក្ខជាតិដទៃទៀតនៅវាលខ្សាច់ ។
លោកណូរ៉ាបៀទ្រីស មូរូអាហ្គា អ្នកជីវវិទ្យាជំនាញលើដំបងយក្សនៅមហាវិទ្យាល័យទូហ្គូម៉ាន ក្នុងប្រទេសអាហ្សង់ទីន និយាយថា ការបណ្ដុះផ្សាំរុក្ខជាតិ ទោះបីជាស្ថិតនៅក្នុងប្រទេសណាក៏ដោយ ប្រៀបដូចជាបំផ្លាញរុក្ខជាតិប្រភេទនោះ ព្រោះជាការបង្ខំឱ្យរុក្ខជាតិត្រូវកែលម្អសមតុល្យដោយខ្លួនវា ដើម្បីឱ្យស្របទៅនឹងបរិស្ថានថ្មីដោយមិនដឹងថា នឹងបានទទួលផល ឬអត់?
រុក្ខជាតិភាគច្រើនងាប់នៅពេលប្រឈមមុខនឹងស្ថានការណ៍បែបនេះ ។
លោកមូរូអាហ្គា បានលើកឡើងពីគំរូនៃការប្រតិបត្តិរបស់អ្នកទេសចរមួយចំនួនដែលលួចកាច់ផ្កាដំបងយក្សទៅថតរូប ដោយមិនខ្វល់ពីបម្រាមរបស់អាជ្ញាធរថា ជាការបំផ្លាញរុក្ខជាតិក្នុងលក្ខណៈប្រយោល ៕
ចែករំលែកព័តមាននេះ