អាជ្ញាធរក្រុងក្យូតូបានចាប់ខ្លួនក្រុមអ្នកលួចថតវីដេអូ ក្នុងសំពត់ ស្រីៗនៅវត្ត «គីយ៉ូមីស៊ូ» ឬវត្ត«ទឹកថ្លា» ដែលជាទីតាំងទេសចរណ៍ដ៏ពេញនិយមមួយ ។ តាំងពីខែកញ្ញា ២០១៥មក អាជ្ញាធរបានឃាត់ខ្លួនអ្នកថតរូបបែបនោះ
អាជ្ញាធរក្រុងក្យូតូបានចាប់ខ្លួនក្រុមអ្នកលួចថតវីដេអូ ក្នុងសំពត់ ស្រីៗនៅវត្ត «គីយ៉ូមីស៊ូ» ឬវត្ត«ទឹកថ្លា» ដែលជាទីតាំងទេសចរណ៍ដ៏ពេញនិយមមួយ ។ តាំងពីខែកញ្ញា ២០១៥មក អាជ្ញាធរបានឃាត់ខ្លួនអ្នកថតរូបបែបនោះ៤នាក់រួចមកហើយ យកទៅចាត់ការតាមច្បាប់ ។
កាសែត «ម៉ៃនីស៊ី» របស់ជប៉ុន កាលពីពេល ថ្មីៗកន្លងមកផ្សាយថា ក្រោយពីទទួលដំណឹងថា ស្ត្រីអ្នកទេសចរជាច្រើននាក់ត្រូវគេលួចថតក្នុងសំពត់ជាលក្ខណៈមិនសមរម្យ នៅបរិវេណវត្តគីយ៉ូមីស៊ូ ជាប្រភពទេសចរណ៍ដ៏ពេញនិយមនៅក្រុងក្យូតូមក អាជ្ញាធរបានស៊ើបអង្កេត ហើយចាប់ខ្លួនជនល្មើសជាបន្តបន្ទាប់ ។
ប៉ូលិសបានបង្កើតក្រុមស៊ើបអង្កេតជាច្រើនក្រុមមានតួនាទីចាប់ខ្លួន និងក្រើនរំឭកដល់អ្នកលួចថតក្នុងសំពត់ស្រីស្អាត ។ សមត្ថកិច្ចបានចាប់ខ្លួនអ្នកថតវីដេអូបែបនោះជាច្រើននាក់ ។
នៅបរិវេណជណ្តើរដែលលាតសន្ធឹងឆ្ពោះទៅផ្លូវចូលវត្តទឹកថ្លា គឺជាប្រភពទេសចរណ៍បានចុះក្នុងបញ្ជីជាបេតិកភណ្ឌពិភពលោក និងជាចំណុចដ៏ពេញនិយមសម្រាប់អ្នកថតរូបអាសអាភាស។ កាលពីថ្ងៃទី២២ វិច្ឆិ្កា ២០១៥ ប៉ូលិសបានចាប់ខ្លួនបុរសអាយុ៥២ឆ្នាំម្នាក់ ដែលលួចថតវីដេអូផ្ចង់ទៅក្នុងសំពត់និស្សិតស្រីអាយុ១៩ឆ្នាំម្នាក់ ខណៈនាងអង្គុយលើជណ្តើរ ។ អំពើអនាចាររបស់អ្នកថតបែបនោះបង្កការរំខានទីតាំងទេសចរណ៍ឥតឈប់ឈរ ។ កាលពីមុនអ្នកបើកហាងលក់វត្ថុអនុស្សាវរីយ៍នៅបរិវេណវត្តទឹកថ្លា បានអំពាវនាវដល់អាជ្ញាធរឱ្យបញ្ជូនក្រុមស៊ើបអង្កេតទៅចាត់ការចំពោះក្រុមអ្នកថតរូបអាសអាភាសទាំងនោះ ។ ចាប់តាំងពីពេលនោះមក អាជ្ញាធរបានចាប់ខ្លួនអ្នកថតរូបចំនួន៤នាក់ និងបានក្រើនរំឭកដល់អ្នកថតរូបចំនួន៥នាក់ផ្សេងទៀត។ ប៉ូលិសឱ្យដឹងថា «នារីរងគ្រោះរមែងចងចាំក្នុងចិត្តថាទីតាំងនោះមិនល្អ ធ្វើឱ្យធ្លាក់ចុះអ្នកទេសចរ ហេតុដូច្នេះយើងត្រូវបោសសំអាតអ្នកប្រព្រឹត្តមិនសមរម្យនោះឱ្យអស់» ៕
ចែករំលែកព័តមាននេះ