មឹកយក្សទម្ងន់១៥០គីឡូក្រាម និងមានប្រវែង១០ម៉ែត្រ ត្រូវអ្នកនេសាទចាប់បាននៅឆ្នេរសមុទ្រ Asturias ប្រទេសអេស្ប៉ាញ ។ មឹកនេះជាប់សំណាញ់របស់អ្នកនេសាទនៅក្នុងទឹកសមុទ្រជម្រៅជិត៥០០ម៉ែត្រឯណោះ ។
ម្នាក់ក្នុងចំណោមអ្នកនេសាទជាច្រើននាក់និយាយទាំងអារម្មណ៍ភ្ញាក់ផ្អើលថា «រូបរាងរបស់វាដូចជាបិសាចក្នុងរឿងព្រេង ។ នេះជាលើកទី១ហើយក្នុងឆាកជីវិតរបស់ខ្ញុំដែលចាប់បានមឹកយក្សបែបនេះ» ។
បន្ទាប់ពីរក្សាទុកនៅកន្លែងត្រជាក់ ដើម្បីរក្សាជីវិតរួចមក មឹកយក្សញីនោះនឹងបញ្ជូនទៅឱ្យអ្នកជំនាញខាងសិក្សា និងការពារជីវិតសត្វសមុទ្រនៅភាគខាងជើងប្រទេសអេស្ប៉ាញ ។
សត្វមឹកអាចមានប្រវែងជាង១៣ម៉ែត្រសម្រាប់មឹកញី និងប្រវែងជាង១០ម៉ែត្រសម្រាប់មឹកឈ្មោល ហើយវាអាចនឹងមានប្រវែងដល់ទៅ២០ម៉ែត្រអំឡុងរដូវនេសាទ ៕
ចែករំលែកព័តមាននេះ