រាជធានីភ្នំពេញ ៖ ខណៈមេឃកំពុងរលឹមស្រិចៗ ស្ត្រីវ័យក្មេងម្នាក់បើករថយន្តដឹកបុរសជនជាតិចិនម្នាក់ក្នុងល្បឿនលឿនគេចពីអ្នកដើរឆ្លងផ្លូវបួងចង្កូតទៅបុករះហាង
រាជធានីភ្នំពេញ ៖ ខណៈមេឃកំពុងរលឹមស្រិចៗ ស្ត្រីវ័យក្មេងម្នាក់បើករថយន្តដឹកបុរសជនជាតិចិនម្នាក់ក្នុងល្បឿនលឿនគេចពីអ្នកដើរឆ្លងផ្លូវបួងចង្កូតទៅបុករះហាងកាត់សក់រិទ្ធីស្តាយ៍ និងហាងកាត់សម្លៀកបំពាក់ម៉ាណិតរចនាម៉ូតល្អពេញចិត្ត កាលពីវេលាម៉ោង១រំលងអធ្រាត្រឈានចូលថ្ងៃទី2 ធ្នូ ២០១៥ នៅលើកំណាត់ផ្លូវ៣៧១ ក្នុងភូមិត្នោតជ្រុំ សង្កាត់បឹងទំពុន ខណ្ឌមានជ័យ ។
រថយន្តបង្កម៉ាកកាមរីបាឡែន ពណ៌ទឹកប្រាក់ ពាក់ស្លាកលេខភ្នំពេញ1AD-9148 បើកបរដោយស្ត្រីវ័យក្មេងស្រស់ស្អាតម្នាក់ រួមដំណើរជាមួយបុរសជនជាតិចិនម្នាក់ បើកក្នុងទិសដៅពីកើតទៅលិច ។
ប្រភពព័ត៌មានបានឲ្យដឹងថា មុនពេលកើតហេតុ ពេលមេឃកំពុងរលឹមស្រិចៗ ហើយមានបុរសម្នាក់ពាក់អាវភ្លៀងដើរឆ្លងផ្លូវកាត់ពីមុខរថយន្តបង្កធ្វើឲ្យរថយន្តបង្កបើកបរពីកើតទៅលិចក្នុងល្បឿន បួងចង្កូតគេចក៏ជ្រុលចង្កូតទៅបុកហាងកាត់សក់ ធ្វើឲ្យខូចទ្វាររូតនិងបែកកញ្ចក់ទ្វារ ហើយរថយន្តនៅមិនទាន់អស់ល្បឿនក៏ជ្រុលទៅបុកហាងកាត់សម្លៀកបំពាក់ ធ្វើឲ្យបាក់ដំបូលយ៉ាបខាងមុខនិងបាក់ធ្លាក់ស្លាកយីហោ ចំណែករថយន្តបង្កវិលខ្ញាល់ទៅបោកផ្ទប់នឹងបង្គោលភ្លើងធ្វើឲ្យរថយន្តខូចខាតស្ទើរទាំងស្រុងតែមិនមានអ្នករងរបួស ឯបង្គោលភ្លើងក៏មិនមានខូចខាតដែរ ។
ក្រោយពេលកើតហេតុ ស្ត្រីជាអ្នកបើករថយន្តបង្កបានចរចាជាមួយម្ចាស់ផ្ទះដែលរងការខូចខាតដោយសងសំណងទៅផ្ទះកាត់សក់ចំនួន៥០០ដុល្លារ និងសងទៅផ្ទះកាត់ សម្លៀកបំពាក់ចំនួន៩០០ដុល្លារ សរុបទាំងអស់១.៤០០ដុល្លារ ដើម្បីបញ្ចប់រឿង ៕
ចែករំលែកព័តមាននេះ