សារព័ត៌មានបរទេស កាលពីពេល ថ្មីៗកន្លងមកផ្សាយថា ក្នុងឯកសារវិទ្យាសាស្ត្រ «Science» ឱ្យដឹងថា ផ្កាយព្រះគ្រោះក្រិនមួយដួងថ្មី បានបង្ហាញជាលើកដំបូងក្នុងកិច្ចប្រជុំសមាគមតារាសាស្ត្រអាមេរិកនៅក្រុងវ៉ាស៊ីនតោន
សារព័ត៌មានបរទេស កាលពីពេល ថ្មីៗកន្លងមកផ្សាយថា ក្នុងឯកសារវិទ្យាសាស្ត្រ «Science» ឱ្យដឹងថា ផ្កាយព្រះគ្រោះក្រិនមួយដួងថ្មី បានបង្ហាញជាលើកដំបូងក្នុងកិច្ចប្រជុំសមាគមតារាសាស្ត្រអាមេរិកនៅក្រុងវ៉ាស៊ីនតោន កាលពីថ្ងៃទី១០ តុលា ២០១៥ ។ ផ្កាយក្រិននោះជាវត្ថុនៅឆ្ងាយបំផុតនៃប្រព័ន្ធសុរិយៈ (ផែនដី) របស់យើង ដូចដែលធ្លាប់ជួបនាពេលកន្លងមក ។
ផ្កាយនោះស្ថិតនៅឆ្ងាយពីផ្កាយភ្លុយតូដល់ទៅ៣ដង (V774104) ដែលរកឃើញដោយម៉ាស៊ីនថតតេឡេស្កុប ឬម៉ាស៊ីនថតទូរទស្សន៍ «ស៊ូបារូ» ទំហំ៨ម៉ែត្ររបស់ជប៉ុន ស្ថិតនៅលើកោះហាវ៉ៃ សហរដ្ឋអាមេរិក ។
តំណែងនៃផ្កាយព្រះគ្រោះមួយដួងនោះ នៅឆ្ងាយពីព្រះអាទិត្យប្រហែល១០៣មាត្រាតារាសាស្ត្រ ឬ «AU» (១AU ស្មើនឹងចម្ងាយផ្លូវពីផែនដី និងព្រះអាទិត្យ) ឬប្រហែល១៥៤០០លានគីឡូម៉ែត្រ ។
កាលពីមុននេះ ផ្កាយដែលនៅឆ្ងាយបំផុតក្នុងប្រព័ន្ធសុរិយៈ គឺផ្កាយព្រះគ្រោះក្រិន «អេរីស» ប្រទះឃើញតាំងពីឆ្នាំ២០០៥ មានរយៈចម្ងាយពីព្រះអាទិត្យចំនួន៩៧AU ។
លោកស្កុត ឆេបភើត អ្នកតារាសាស្ត្រពីស្ថាប័នវិទ្យាសាស្ត្រ «កាណេគី» ក្រុងវ៉ាស៊ីនតោន និយាយថា រូបភាពនៃរំកិលរបស់ផ្កាយ ឬរង្វង់គោចរ ត្រូវរង់ចាំការសិក្សាស្រាវជ្រាវបន្ថែមទៀត ។ ចំណែកលោកចូសេហ្វ ប៊ើន អ្នកឯកទេសផ្នែកតារាសាស្ត្រ និងវិស្វកម្មពីមហាវិទ្យាល័យ «ឃ័រនេល» សហរដ្ឋអាមេរិកនិយាយថា ការរកឃើញលើកនេះអាចពិសោធន៍ឱ្យដឹងថា ប្រព័ន្ធសុរិយៈរបស់យើងមានលក្ខណៈធំល្វឹងល្វើយជាងការគិត និងបច្ចុប្បន្ននៅមិនទាន់កំណត់ពីទំហំដ៏ច្បាស់លាស់នៅឡើយទេ ប៉ុន្តែមានការព្យាករទុកថា វាមានទំហំធំអាចធ្វើឱ្យយើងមើលឃើញបាន ទោះបីជានៅឆ្ងាយបែបនេះក៏ដោយ៕
ចែករំលែកព័តមាននេះ