រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន បានសរសេរនៅលើបណ្តាញទំនាក់ទំនងសង្គម (Facebook) បង្ហោះនៅព្រឹកថ្ងៃទី០១ធ្នូនេះមានខ្លឹមសារទំាងស្រុងថា ”ក្នុងនាមជា មាតា បិតា ហ៊ុន ម៉ានីដែលទើបទទួលបានពានរង្វាន់The GUSI Peace Prize ថ្មីៗនេះយើងខ្ញុំសុំថ្លែងអំណរគុណយ៉ាងជ្រាលជ្រៅជូនចំពោះថ្នាក់ដឹកនាំមន្ត្រីរាជការ កងកម្លាំងប្រដាប់អាវុធប្រជាជនគ្រប់ស្រទាប់វណ្ណៈ ពិសេសយុវជនដែលបានគាំទ្រដល់ម៉ានីក្នុងការបំពេញភារកិច្ចកន្លងមកដែលធ្វើឱយ ហ៊ុន ម៉ានី ឈានជើងទៅទទួលយកពានរង្វាន់ដ៏មានកិត្តិយសនេះ ។ ពានរង្វាន់នេះមិនមែនជារបស់ ហ៊ុន ម៉ានី ម្នាក់ឯងទេ តែជារបស់អ្នកគាំទ្ររាប់លាននាក់។ ខ្ញុំមានមោទនភាព ដែលយុវជន យើងនៅទូរទាំងប្រទេសបានប្រឹងប្រែងងើបឈរឡើងក្នុងឋានៈជាយុវជននៃប្រទេសដែលធ្លាប់មានប្រវត្តិដ៏រុងរឿងពីអតីតកាល។
ខ្ញុំសង្ឃឹមថា យុវជនយើងទាំងនៅទីក្រុង ទាំងនៅជនបទទូទាំងព្រះរាជាណាចក្រកម្ពុជានឹងខិតខំចូលរួមកាន់តែខ្លាំងកាន់តែធំទូលាយ កាន់តែស៊ីជម្រៅ និងកាន់តែមាន ប្រសិទ្ទភាពនៅក្នុងគ្រប់កិច្ចការទាំងអស់របស់ជាតិយើង។
ជូនពរក្មួយៗ ចៅៗជាយុវជនទាំងអស់ទទួលបាននូវសេចក្ដីសុខ និងជោគជ័យគ្រប់ការងារ “៕
ចែករំលែកព័តមាននេះ