ខេត្តរតនគិរី៖ អ្នកមានវិជ្ជមានកូវិដ.១៩ នៅក្នុងតំបន់ខេត្តរតនគិរី បានអ្នកស្លាប់ម្នាក់ហើយ។ នេះបើតាមសេចក្តីប្រកាសរបស់រដ្ឋបាលខេត្ត។
សេចក្តីប្រកាស លើកឡើងថា ករណីមនុស្សស្លាប់ ដោយសាកូវិដ.១៩ នោះ បានកើតឡើង នៅវេលាម៉ោង ៨ព្រឹក ថ្ងៃទី២៣ ខែមិថុនា ឆ្នាំ២០២១ នៅខាងក្រោយវិទ្យាល័យ ហ៊ុន សែន ភូមិថ្មី ស្ថិតក្នុងភូមិអូររមៀត សង្កាត់ឡាបានសៀក ក្រុងបានលុង ខេត្តរតនគិរី។
សេចក្តីប្រកាសលើកឡើងថា ក្រុមគ្រូពេទ្យនៃមន្ទីរសុខាភិបាល ខេត្តរតនគិរី បានចុះទៅយកសំណាកសព ធ្វើតេស្តរកមេរោគកូវីដ១៩។ ជាលទ្ធផល សពនោះ មានវិជ្ជមានកូវីត-១៩។
ប្រភពព័ត៌មានបន្តថា សាកសពករណីកូវិដនោះ ឈ្មោះ ជា គឹមហាម ភេទប្រុស អាយុ ៤៧ឆ្នាំ ជនជាតិខ្មែរ ជាពលរដ្ឋមានទីលំនៅភូមិឃុំខាងលើ។ ក្រោយពីក្រុមគ្រូពេទ្យពិនិត្យសាកសពរួចរាល់ សពក៏ត្រូវបានយកទៅបូជា នៅឈាបនដ្ឋានវត្តភ្នំស្វាយ នាថ្ងៃទី២៣មិថុនា៕ ផង់ វិន
ចែករំលែកព័តមាននេះ