ការពិតត្រូវលាតត្រដាងហើយ! ក្រោយស្ត្រីអាហ្វ្រិកខាងត្បូងម្នាក់ផ្តល់កំណើតកូនភ្លោះ១០នាក់
អាហ្វ្រិកខាងត្បូង ៖ យោងតាមការស៊ើបអង្កេតជាផ្លូវការបានរកឃើញថា ការអះអាងដ៏ភ្ញាក់ផ្អើលកាលពីពេលថ្មីៗ ដែលថា ស្ត្រី
អាហ្វ្រិកខាងត្បូង ៖ យោងតាមការស៊ើបអង្កេតជាផ្លូវការបានរកឃើញថា ការអះអាងដ៏ភ្ញាក់ផ្អើលកាលពីពេលថ្មីៗ ដែលថា ស្ត្រីជនជាតិអាហ្វ្រិកខាងត្បូងមានឈ្មោះថា Gosiame Sithole បានផ្តល់កំណើតកូនភ្លោះ១០នាក់ កាលពីដើមខែនេះ គឺជារឿងមិនពិតនោះទេ។ នេះបើតាមការចេញផ្សាយពី BBC។ គួររំលឹកថា កក្រើកពិភពលោក! អ្នកម្តាយអាហ្វ្រិកខាងត្បូង១រូប ផ្តល់កំណើតកូនភ្លោះរហូតដល់១០នាក់
រដ្ឋាភិបាលខេត្តបានបញ្ជាក់ក្នុងសេចក្តីថ្លែងការណ៍ថា រដ្ឋាភិបាលខេត្ត Gauteng បានត្រួតពិនិត្យយ៉ាងហ្មត់ចត់ជាមួយមន្ទីរពេទ្យទាំងអស់ក្នុងខេត្ត។ ដើម្បីបង្កើតភាពត្រឹមត្រូវ រួមនិងរបាយការណ៍ផ្សេងទៀត។ ក្នុងនោះ គ្មានមន្ទីរពេទ្យទាំងរដ្ឋ ឬឯកជនណាមួយ មានកំណត់ត្រាកំណើតដូចការអះអាងឡើយ។ ទោះយ៉ាងណា សេចក្តីថ្លែងការណ៍មិនបានបញ្ជាក់លម្អិត ពីមូលហេតុនៅពីក្រោយការប្រឌិតរឿងនេះឡើយ។
ដោយឡែកការធ្វើតេស្តវេជ្ជសាស្ត្របានបង្ហាញថា លោកស្រី Sithole មិនដែលមានផ្ទៃពោះទេ កាលពីពេលថ្មីៗនេះ។ ហើយបច្ចុប្បន្នស្ត្រីវ័យ៣៧ឆ្នាំរូបនេះ ត្រូវបានឃុំខ្លួនក្រោមឥរិយាបទសុខភាពផ្លូវចិត្ត និងសង្គមសម្រាប់ការសង្កេត។ ដោយទទួលបានការគាំទ្រពីរដ្ឋាភិបាលខេត្ត។
សូមរំលឹកថា រឿងដ៏ភ្ញាក់ផ្អើលនេះ ត្រូវបានប្រកាសដំបូងដោយសារព័ត៌មានក្នុងស្រុក Pretoria News តាមការស្រង់សំដីលោក Tsotetsi ដែលត្រូវប្តី។ ប៉ុន្តែក្រោយមកបុរសរូបនោះនិយាយថា ខ្លួនគ្រាន់តែទទួលសារពីប្រពន្ធ ដើម្បីប្រាប់អំពីរឿងនេះ។ ដោយសារគេមិនត្រូវបានអនុញ្ញាតឱ្យចូលមន្ទីរពេទ្យ អំឡុងពេលមានវិបត្តិជំងឺកូវីដ១៩។
គេអាចជឿថា ការប្រឌិតរឿងនេះឡើយ ដើម្បីទទួលបានលាភសក្ការៈ។ ដោយសារក្រោយរឿងនេះផ្ទុះឡើង ការបរិច្ចាគប្រាក់ចាប់ផ្តើមកើតឡើងសម្រាប់ប្តីប្រពន្ធ១គូនេះ ដែលត្រូវបានគេដាក់ឈ្មោះថា «Thembisa 10»៕
ចែករំលែកព័តមាននេះ