ជំរំរំលោ.ភស្ដ្រីនៅស៊ូដង់ខាងត្បូង
តាមការផ្សាយរបស់កាសែតអាមេរិកមួយឈ្មោះ Global Post ថា ខណៈ នារីៗ Chibok របស់នីហ្សេរីយ៉ាត្រូវចាប់ជម្រិតដោយពួកភេរវករ Boko Haram, នារីជនជាតិភាគតិច Yazidi ត្រូវពួកភេរវកររដ្ឋអ៊ិស្លាម (ISIS)
តាមការផ្សាយរបស់កាសែតអាមេរិកមួយឈ្មោះ Global Post ថា ខណៈ នារីៗ Chibok របស់នីហ្សេរីយ៉ាត្រូវចាប់ជម្រិតដោយពួកភេរវករ Boko Haram, នារីជនជាតិភាគតិច Yazidi ត្រូវពួកភេរវកររដ្ឋអ៊ិស្លាម (ISIS)
តាមការផ្សាយរបស់កាសែតអាមេរិកមួយឈ្មោះ Global Post ថា ខណៈ នារីៗ Chibok របស់នីហ្សេរីយ៉ាត្រូវចាប់ជម្រិតដោយពួកភេរវករ Boko Haram, នារីជនជាតិភាគតិច Yazidi ត្រូវពួកភេរវកររដ្ឋអ៊ិស្លាម (ISIS) ចាប់ធ្វើជាទាសីបម្រើផ្លូវភេទនោះ ស្រីៗរាប់ទាំងក្មេងស្រីជំទង់ផងនៅស៊ូដង់ខាងត្បូងត្រូវពួកប្រដាប់អាវុធសម្ព័ន្ធមិត្តរបស់រដ្ឋាភិបាលចាប់ទាំង ហ្វូងៗធ្វើទាសីបម្រើផ្លូវភេទដូចគ្នា ។
«បាត់ខ្លួន» បើរើបម្រះមិនឱ្យរំលោភតាមសម្រួល
ចាប់ ស្រីៗ និងកុមារីសម្រាប់ធ្វើទាសីបម្រើផ្លូវភេទ ជាបញ្ហាគួរឱ្យព្រួយបារម្ភបំផុតក្នុងសភាពការណ៍ប៉ះទង្គិចដោយអាវុធនៅស៊ូដង់ខាងត្បូង ។ បទសម្ភាសន៍ជាច្រើនរបស់អ្នកកាសែតនៅទីភ្ញាក់ងារសារព័ត៌មាន AFP បានជួយឱ្យរកឃើញនៅរដ្ឋ Unity របស់ស៊ូដង់ខាងត្បូង ការចាប់ខ្លួន និងរំលោភនារីដោយទាហានរដ្ឋាភិបាល និងពួកជីវពលសម្ព័ន្ធមិត្តរបស់រដ្ឋាភិបាលមានសភាពខ្លាំងក្លាហួសប្រមាណនាពេល ថ្មីៗ កន្លងមក ។
ស្ដ្រីម្នាក់និយាយ ត្រង់ៗប្រាប់អ្នកសម្ភាសថា នាងត្រូវទាហានរដ្ឋាភិបាលពីរនាក់ចាប់ខ្លួននាំចូលជំរំទ័ព ហើយត្រូវចងដៃ ចងជើង និងរំលោភជាបន្តបន្ទាប់អស់រយៈពេលជាងពីរខៃ ។
ស្ដ្រីម្នាក់ទៀតរួមទាំងប្អូនស្រីនាងអាយុ១៥ឆ្នាំ ត្រូវចាប់រំលោភអស់រយៈពេល៥យប់ ជាប់ៗគ្នា ។
ស្ដ្រីជាម្ដាយម្នាក់ និងកូនស្រី អាយុ១២ឆ្នាំ ត្រូវចាប់ចូលព្រៃ ហើយត្រូវគេព្រួតគ្នារំលោភរហូតដល់សន្លប់ ម្ដងៗ ។
ស្ដ្រីម្នាក់ឈ្មោះ Nyabena អាយុ៣០ឆ្នាំ ត្រូវចាប់ខ្លួនពេលទាហានរដ្ឋាភិបាលវាយលុកចូលភូមិនៅ Rubkona ។ ក្នុងការវាយលុកនោះ ផ្ទះតូចធំត្រូវដុតកម្ទេចចោល មនុស្សប្រុសត្រូវសម្លាប់ចោល ឯស្រីៗនិងកុមាត្រូវចាប់ខ្លួននាំទៅរថយន្ដកងទ័ព ។ Nyabena ជាស្ដ្រីម្នាក់ក្នុងចំណោម ស្រីៗ៤០នាក់ ដែលត្រូវចាប់ខ្លួននៅ Mayom ។ ស្រីៗទាំងអស់ត្រូវបង្ខាំងទុកក្នុងជំរំមួយ ដែលកម្លាំងជីវពលស្វ័យការពាររបស់ជនជាតិ Bul Nuer និងកងទ័ពរដ្ឋាភិបាលស៊ូដង់ខាងត្បូង ដណ្ដើមបានពីពួកបះបោរ កាលពីខែធ្នូ ២០១៣ ។
Nyabena ពេលថ្ងៃត្រូវគេឃាំ្លមើលមិនឱ្យទៅណា ពេលយប់ត្រូវគេចងដៃចងជើងជាមួយ ស្រីៗឯទៀត ។ «ពេលជីវពលណាម្នាក់ចង់រួមភេទជាមួយនាងណា គេមកស្រាយចំណងនាងនោះ ហើយដឹកដៃចូលបន្ទប់ លុះឆ្អែតឆ្អន់ គេនាំនាងនោះទៅកន្លែងដដែល និងចងដៃជើងវិញ» Nyabena និយាយបណ្ដើរចង្អុលស្នាមហើមនៅលើដៃបណ្ដើរ គឺជាស្នាមហើមដែលបណ្ដាលមកពីត្រូវគេចងយូរថ្ងៃពេក។ Nyabena បានឱ្យដឹងទៀតថា ស្ដ្រីម្នាក់ត្រូវបុរស៤នាក់រំលោភក្នុង១យប់ជារឿងធម្មតា ។ ស្រីណាសម្ដែងអាកប្បកិរិយារឹងរូសមិនចង់ឱ្យគេរំលោភមុខជាត្រូវបាត់ខ្លួន ដោយគ្មានបន្សល់ស្លាកស្នាមអ្វីទាំងអស់ ។ ក្នុងចំណោម ស្រីៗ៤០នាក់ដែលនៅជាមួយនាង ពេលនេះបាត់ខ្លួនអស់១០នាក់ហើយ ។
ស្ដ្រីម្នាក់ឈ្មោះ Nyamai អាយុ៣៨ឆ្នាំ ជាម្ដាយរបស់កូន តូចៗ៥នាក់ ត្រូវចាប់ពីភូមិ Koch ។ «ពួកវា១០នាក់តម្រៀបជួរគ្នាចូលរំលោភខ្ញុំក្នុង១យប់ ។ ពេលខ្ញុំអង្វរថាសូមចូលម្នាក់ម្ដងតាមសម្រួល កុំប្រជ្រៀតដណ្ដើមគ្នា អីុចឹងខ្ញុំទ្រាំមិនរួចទេ ក៏ត្រូវពួកវាវាយទាត់ខ្ញុំស្ទើររស់ស្ទើរស្លាប់» Nyamai និយាយផងយំផង ។
មានទាំងជនរងគ្រោះអាយុទើបតែ១២ឆ្នាំ
តាមព័ត៌មានដែលចុះផ្សាយលើទំព័រកាសែត Global Post ឃើញកុមារីច្រើនណាស់ត្រូវចាប់បង្ខាំង ហើយរំលោភ ដែលខ្លះទើបតែមានអាយុ១២ឆ្នាំប៉ុណ្ណោះ ។ ស្រី្តម្នាក់ឈ្មោះ Nyatuach មានកូនស្រីម្នាក់ និងចៅស្រី២នាក់ ត្រូវគេចាប់យកទៅបាត់តាំងពីខែឧសភា ២០១៥ ។ សព្វថ្ងៃចៅស្រី២នាក់ នៅបាត់ខ្លួនៅឡើយ មានតែកូនស្រីអាយុ១៧ឆ្នាំប៉ុណ្ណោះ បានរត់រួចត្រឡប់ទៅផ្ទះវិញ ។ នាងត្រឡប់ទៅដល់ផ្ទះជាមួយជំងឺធ្ងន់ ព្រោះត្រូវរំលោភខ្លាំងពេក ។ Nyatuach និយាយទាំងស្រក់ទឹកភ្នែក «កូនស្រីខ្ញុំក៏ដូចជានារីឯទៀតដែរ ពេលមកដល់ផ្ទះវិញតែងនាំជំងឺហើមប្រដាប់ភេទ ខូចប្លោកនោម ខូចចុងពោះវៀនធំ ព្រមទាំងជំងឺ ផ្សេងៗជាច្រើនគួរឱ្យព្រួយបារម្ភ» ។ ទាំងនេះជាផលវិបាលនៃការរំលោភ ផ្ទួនៗ និងហិង្សាផ្លូវភេទ ។ នារីរងគ្រោះខ្លះឈឺធ្ងន់ ប្រើការលែងកើត ត្រូវគេដោះលែងក៏មាន ត្រូវសម្លាប់ចោលតែម្ដងក៏មាន ។
ស្ដ្រីឈ្មោះ Rebecca ទើបតែរកឃើញកូនស្រី អាយុ១២ឆ្នាំ ក្រោយពេលភូមិរបស់ខ្លួននៅ Koch ត្រូវវាយប្រហារកាលពីពេល ថ្មីៗកន្លងមក ។ នាងតូច ដើរដួលៗ រត់អោបម្ដាយ ព្រមទាំងយំ «ពួកគេធ្វើបាបកូនឈឺណាស់ម៉ែអើយ!»។ Rebecca បានត្រឹមតែទ្រហោយំ អាណិតកូនស្រីប៉ុណ្ណោះ យំផងរត់ទៅដាំទឹកក្ដៅ ដើម្បីលាយទឹកងូតឱ្យកូនស្រីផង ។
មន្ដ្រីសិទ្ធិមនុស្សម្នាក់និយាយទាំងដកដង្ហើមវែង «រហូតមកទល់នឹងពេលនេះ នៅតែគ្មានអ្នកណាដឹងប្រាកដថា ប្រការអ្វីកំពុងកើតឡើងនៅ Mayom ទីដែល ស្រីៗជាច្រើនត្រូវចាប់ខ្លួនទុករំលោភ» ។
មន្ដ្រីយោធាម្នាក់ធ្វើការនៅ Bentiv ទីប្រជុំជនរដ្ឋ Unity ប៉ាន់ប្រមាណថា ឱ្យតែមានការវាយលុក ម្ដងៗ ស្រីៗមិនតិចជាង១០០នាក់ទេ ត្រូវគេចាប់បង្ខាំងនៅជំរំទុកសម្រាប់រំលោភ ។ នារីរងគ្រោះដែលរត់រួចមានតិចតួចបំផុត ភាគច្រើនធ្លាក់ជាទាសីផ្លូវភេទ ។ មានភស្ដុតាងជាច្រើនបង្ហាញថា ការចាប់ខ្លួន ស្រីៗទាំងហ្វូងយកទៅរំលោភ គឺជារូបភាពផ្ដល់ប្រាក់ខែដល់កម្លាំងសម្ព័ន្ធមិត្តរបស់រដ្ឋាភិបាល ព្រោះពួកនេះចាប់ ស្រីៗបានច្រើនជាងទាហានរដ្ឋាភិបាលទៅទៀត ៕
ចែករំលែកព័តមាននេះ