ការចំណាយលើថ្នាំពេទ្យកើនឡើង30%នៅឆ្នាំ2020
យោងតាមការព្យាករថ្មីដោយក្រុមហ៊ុន IMS Health ការចំណាយរបស់ពិភពលោកទៅលើថ្នាំពេទ្យនឹងកើនឡើងចំនួន៣០ភាគរយក្នុងអំឡុងពេល៥ ឆ្នាំបន្ទាប់ទៀត ។ បញ្ហានេះមកពីកត្តាប្រជាជនវ័យចំណាស់កើនឡើង
យោងតាមការព្យាករថ្មីដោយក្រុមហ៊ុន IMS Health ការចំណាយរបស់ពិភពលោកទៅលើថ្នាំពេទ្យនឹងកើនឡើងចំនួន៣០ភាគរយក្នុងអំឡុងពេល៥ ឆ្នាំបន្ទាប់ទៀត ។ បញ្ហានេះមកពីកត្តាប្រជាជនវ័យចំណាស់កើនឡើង និងការកើនឡើងការប្រើប្រាស់ថ្នាំក្នុងប្រទេសកំពុងអភិវឌ្ឍន៍ផងដែរ ។ ដូច្នេះហើយតម្រូវឱ្យផលិតថ្នាំប្រភេទថ្មី ក្នុងតម្លៃខ្ពស់ ។
ច្រើនជាងពាក់កណ្តាលនៃប្រជាជនរបស់ពិភពលោកនឹងរស់នៅក្នុងប្រទេសដែលត្រូវប្រើថ្នាំពេទ្យលើសពី១គ្រាប់សម្រាប់មនុស្សម្នាក់ក្នុង១ថ្ងៃនៅឆ្នាំ២០២០ កើនឡើងពី៣១%ក្នុងឆ្នាំ២០១៥។ យោងតាមការស្រាវជ្រាវថ្មីធ្វើឡើងដោយវិទ្យាស្ថាន IMS Institute សម្រាប់ការថែទាំសុខភាពឱ្យដឹងថា ការចំណាយសរុបលើថ្នាំពេទ្យនឹងឈានដល់១,៤ពាន់ពាន់លានដុល្លារនៅឆ្នាំ ២០១០ ដោយសារតែអ្នកជំងឺកាន់តែកើនឡើង និងការទម្លាយភាពទាល់ច្រកនៃការបង្កើតថ្មី ។ ការចំណាយរបស់ពិភពលោកត្រូវបានគេព្យាករថា កើនឡើងពី៤ទៅ៧ភាគរយជារៀងរាល់ឆ្នាំក្នុងរយៈពេល៥ឆ្នាំទៀត។
របាយការណ៍របស់ការប្រើប្រាស់ថ្នាំពេទ្យក្នុងឆ្នាំ២០២០ ផ្តោតលើទស្សនវិស័យ និងផលប៉ះពាល់បានរកឃើញថា ការចំណាយសរុបរបស់ពិភពលោកសម្រាប់ឱសថនឹងកើនឡើង៣៤៩ ពាន់លានដុល្លារ បើប្រៀបធៀបទៅ៥ឆ្នាំមុនមានចំនួនត្រឹមតែ១៨២ពាន់លានដុល្លារប៉ុណ្ណោះ ៕
ចែករំលែកព័តមាននេះ