ជីវិតសាមញ្ញទូទៅ គឺមនុស្សខ្លះតែងតែគិតថា ត្រឹមមានប្រាក់ខែ មានអាហារបីពេល មានត្រឹមផ្ទះតូចមួយសម្រាប់នៅ មានឡានមួយជិះ គ្រប់គ្រាន់ហើយ។ ប៉ុន្តែសម្រាប់អ្នកជំនួញ អ្នកធ្វើអាជីវកម្ម អ្នករកស៊ីមានការគិតខុសគ្នា ពួកគេទាំងនេះភាគច្រើន ច្រើនតែគិតថា ពេលវេលាជាមាសប្រាក់ ។ ប្រសិនបើប្រៀបធៀបជាមួយមនុស្សរស់នៅធម្មតា ពួកគេមានពេលវេលាតិចតួចណាស់សម្រាប់គេង ។
សម្រាប់អ្នកធ្វើការងារឱ្យគេវិញ ដល់ម៉ោងចេញចូលផ្ទះ ហើយសៅរ៍អាទិត្យធ្វើដំណើរកម្សាន្តនានា វាជាមូលហេតុដែលមនុស្សខ្លះមិនអាចក្លាយជាអ្នកមាន ប៉ុន្តែអ្វីទាំងអស់នេះសុទ្ធតែជាផ្លូវដើរសម្រាប់មនុស្សម្នាក់ៗ ។ ពិតណាស់អ្នកអាចជ្រើសរើសអនាគត ឬផ្លូវជីវិតរបស់អ្នក ។ មនុស្សខ្លះមិនមានច្រើនទេ តែចេះសន្សំប្រាក់ដែលវាជាទម្លាប់ល្អ និងការដាក់សន្សំ ឬចូលរួមជាមូលនិធិសន្សំសម្រាប់គ្រាបន្ទាន់ ដែលមានរយៈ ៦ ខែម្តង នៃប្រាក់ចំណូលរបស់អ្នក ។ ទោះយ៉ាងណាក៏ដោយ ទាំងអស់នេះនៅមិនទាន់គ្រប់គ្រាន់នោះទេ ហើយអ្វីដែលជាបញ្ហារបស់អ្នកក្រនោះគឺ ចិត្តគំនិតរបស់ពួកគេនៅមិនទាន់មានចំណេះដឹង ក្នុងការចាយវាយ និងគ្រប់គ្រងប្រាក់នោះទេ ពួកគេច្រើនតែចំណាយលុយច្រើនជាងប្រាក់ខែរបស់ពួកគេ ឬប្រាក់ចំណូលរបស់ពួកគេ ។ ខាងក្រោមនេះជាហេតុផលមួយចំនួន ដែលជាផ្នត់គំនិតធ្វើឱ្យអ្នកក្រ មិនអាចក្លាយជាអ្នកមាន ៖
១. មានដែនកំណត់ក្នុងការរកប្រាក់ និងមិនមានសុវត្ថិភាពហិរញ្ញវត្ថុ ៖ អ្នកមិនអាចក្លាយជាអ្នកមាននោះទេ ប្រសិនបើការចំណាយរបស់អ្នកខ្ពស់ពី ២០០ ដុល្លារ ឬ ៣០០ ដុល្លារក្នុងមួយខែៗ ។ អ្នកអាចជ្រើសរើសទិញតែវត្ថុមួួយទឹក ឬប្រសិនបើមានការបញ្ចុះតម្លៃ អ្នកគួរទិញ ។ អ្នកនឹងមិនមានប្រាក់សល់នៅពេលអនាគត ឬពេលណាមួយដែលអ្នកមានអាសន្ន ព្រោះអ្នកចាយលុុយលើសប្រាក់ខែ ហើយមិនបានកំណត់ការចាយវាយថែមទៀតផង ។ អ្នកអាចគិតលើចំណុចនេះ អ្នកមានប្រាក់ខែ ៥០០ ដុល្លារ ក្នុងមួយខែ ។ ស្ទើរតែពេញមួយជីវិតរបស់អ្នក គឺត្រូវបង់ និងចំណាយទៅលើរបស់ថ្លៃៗ វាពិតណាស់អ្នកបានសន្សំវាជាយូរមកហើយ ប៉ុន្តែប្រាក់ចំណូលនៅថេរ ចុះអ្នកមានបានគិតថា នឹងរកប្រាក់ក្រៅម៉ោងបន្ថែមដើម្បីបានរបស់ទាំងនេះទេ ? តើអ្នកបានគិតនៅពេលអ្នកមានអាសន្នត្រូវការលុយ ៥,០០០ ដុល្លារ ដើម្បីសង្គ្រោះបន្ទាន់ផ្នែកវេជ្ជសាស្ត្រ ឬជួយឪពុកម្តាយនៅពេលគាត់មានវ័យចំណាស់ ? ដូចនេះហើយចាយវាយអស់ ពីរបីរយដុល្លារ ក្នុងមួយខែៗ វាមិនមែនជាទម្លាប់ល្អនោះទេ ។ អ្វីដែលអ្នកមានគេធ្វើ គេសឹងតែមិនមានពេលគេងដូចយើងនោះទេ ដូចនេះហើយបានអ្នកជំនាញណែនាំឱ្យអ្នកមានការងារបន្ថែមម៉ោង ដើម្បីទទួលបានប្រាក់ចំណូលបន្ថែម ។
២. ជារឿយៗ មនុស្សសាមញ្ញ មិនសូវគិតលើតម្លៃនៃការចំណាយនោះទេ ៖
អ្នកគិតមើលទៅ រៀងរាល់សប្តាហ៍អ្នកចាយលើសំបុត្រកុន ក្នុងមួយសប្តាហ៍គឺប្រហាក់ប្រហែល ១០ ដុល្លារ ឬច្រើនជាងនេះ មួយថ្ងៃៗចំណាយលើអាហារ ៣ ពេល ប្រសិនបើអ្នកបរិភោគម្ហូបក្រៅ យ៉ាងហោចណាស់ ៣ ដុល្លារក្នុងមួយពេល ។ ការទិញសម្ភារៈនានា ជារៀងរាល់ខែ ឬអាទិត្យ ថ្លៃផ្ទះទឹកភ្លើង សល់ប៉ុន្មានទុកចាយមួយគ្រប់ៗ ។ (បញ្ជាក់នេះជាឧទាហរណ៍មុនពេលកូវីដ ១៩ រាតត្បាត) ការទិញខោអាវមួយក្នុងមួយខែប្រហាក់ប្រហែល ៥០ ដុល្លារ ។ល។ ឥឡូវពិចារណាទៅលើការរៀបរាប់ដូចខាងលើ នឹងដកប្រាក់ទាំងនោះចេញ តើអ្នកនឹងសល់ប៉ុន្មាន ក្នុងមួយខែៗ ? អ្នកគួរតែពិចារណាលើសម្ភារដែលវាមិនខូតខាតខ្លាំងអាចប្រើបាន និងមិនគួរទិញទំនិញដដែលៗ មកគរក្នុងផ្ទះនោះទេ ។ និយាយរួមច្រើនតែចាយខ្ជះខ្ជាយ ចាយមិនសូវចេះគិត និងមិនសូវយល់អំពីតម្លៃនៃលុយនោះទេ វាជាហេតុដែលធ្វើឱ្យអ្នកក្រ ។ អ្នកជំនាញបាននិយាយថា ប្រសិនបើហិរញ្ញវត្ថុរបស់អ្នកមិនទាន់ថេរភាព នោះការចាយវាយក៏កាន់តែប្រុងប្រយ៍ត្ន បើមិនដូចនោះ អ្នកនឹងត្រូវមានបញ្ហាធំនៃផ្នែកហិរញ្ញវត្ថុ ។
៣. អ្នកក្រច្រើនតែខ្ជះខ្ជាយពេលវេលា ដែលមានតម្លៃជាងលុយ ៖ ក្នុងផ្នត់គំនិតអ្នកមាន ពេលវេលារបស់គេតែងតែជាលុយ ដរាបណាគេមានឱកាសរកប្រាក់បានកាន់ច្រើន គេធ្វើកាន់តែច្រើនម៉ោង ហើយគេមិនខ្លាចបាត់បង់ពេលវេលានោះទេ ប៉ុន្តែគេបានគិតទៅលើការកម្សាន្តជាមួយកូនៗ ជាមួយមិត្តភក្តិខ្លះៗ ហើយពួកគេបានគិតផ្លូវដ៏វែងឆ្ងាយ មុនពេលឃ្លាតឆ្ងាយ និងនៅពេលគេមានវ័យចំណាស់ ។ល។ ប៉ុន្តែសម្រាប់មនុស្សដែលចូលចិត្តដើរលើផ្លូវហាយសូវិញ ច្រើនតែចំណាយពេលវេលាឥតប្រយោជន៍ និងមិនដែលខ្វល់ទេថា ត្រូវចាយលុយអស់ប៉ុនណា (ដូចពាក្យកប្លែងគេនិយាយថា ចាយអស់មួយខែនៅសល់មួយខែ) ហើយមនុស្សហាយសូច្រើនតែមិនបានគិតវែងឆ្ងាយ និងមិនអាចក្លាយជាអ្នកមានបានទេប្រសិនបើគេរស់នៅធ្វើខ្លួនបែបនេះក្នុងមួយជីវិតរបស់គេ ។ អ្នកប្រហែលជាមិនបានចាប់អារម្មណ៍នូវពេលវេលាតិចតួចក្នុងមួយថ្ងៃៗ ដូចជាមួយម៉ោងក្នុងមួយថ្ងៃ បន្ថែមភាពខុសគ្នាគួរឱ្យកត់សម្គាល់ នៅក្នុងជីវិតរបស់យើង ។ អ្នកខ្លះចំណាយពេលវេលា ដើម្បីការរកមើលការចំណាយនានា ការកម្សាន្ត ប៉ុន្តែពេលវេលាសម្រាប់អ្នករកស៊ី ឬអ្នកធ្វើអាជីវកម្មវិញជាលុយ ជាការជួបជុំដែលគេអាចទទួលបានប្រយោជន៍មកវិញ ៕ ប្រភព ៖ fifthperson
ចែករំលែកព័តមាននេះ