រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ចាប់ពីថ្ងៃទី២៣ ដល់២៩ មិថុនា ឆ្នាំ២០២១ នឹងមានភ្លៀងធ្លាក់ពីតិចទៅច្រើន មានផ្គរ រន្ទះ…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ចាប់ពីថ្ងៃទី២៣ ដល់២៩ មិថុនា ឆ្នាំ២០២១ នឹងមានភ្លៀងធ្លាក់ពីតិចទៅច្រើន មានផ្គរ រន្ទះ និងខ្យល់កន្ត្រាក់ ដូច្នេះសូមមានការប្រុងប្រយ័ត្ន ។
យោងតាមសេចក្តីជូនដំណឹងរបស់ក្រសួងធនធានទឹក នៅថ្ងៃទី២២ មិថុនា ស្ដីពីស្ថានភាពធាតុអាកាស ចាប់ពីថ្ងៃទី២៣ – ២៩ ខែមិថុនា ឆ្នាំ២០២១ បានឲ្យដឹងថា ក្នុងរយ:ពេលមួយសប្ដាហ៍ខាងមុខ ប្រទេសកម្ពុជាយើងនឹងទទួលឥទ្ធិពលពីជ្រលងសម្ពាធទាបពី ប្រទេសចិន និងខ្យល់មូសុងនិរតីក្នុងល្បឿនបង្គួរ ។
ក្រសួងបានលើកឡើងថា ស្ថានភាពបែបនេះនឹងធ្វើឲ្យបណ្តាខេត្តនៅតំបន់វាលទំនាបកណ្ដាលមាន សីតុណ្ហភាពអប្បបរមា មានពី ២៤-២៦ °C នឹងសីតុណ្ហភាពអតិបរមា មានពី៣៣-៣៥ ºC នឹងអាចមានភ្លៀងធ្លាក់ក្នុងកម្រិតពីតិចទៅមធ្យម ។
ទន្ទឹមនោះផ្នែកមួយចំនួននៃបណ្តាខេត្តភាគ ខាងក្រោមអាចមានភ្លៀងធ្លាក់ច្រើន ។ ចំណែកបណ្តាខេត្តដាប់ជួរភ្នំដងរែក និងខ្ពង់រាបឦសានមាន សីតុណ្ហភាពអប្បបរមា មានពី ២២-២៤°Cមាន សីតុណ្ហភាពអតិបរមា មានពី ៣១-៣៣ °Cនឹងអាចមានភ្លៀងធ្លាក់ក្នុងកម្រិតពីខ្សោយទៅមធ្យម ។
ដោយឡែកតំបន់មាត់សមុទ្រ មានសីតុណ្ហភាពអប្បបរមា មានពី ២៤ -២៦ °C នឹងមានសីតុណ្ហភាពអតិបរមា មានពី ៣១-៣៣ °C នឹងអាចមានភ្លៀងធ្លាក់ក្នុងកម្រិតពីតិចទៅបង្គួរ ។
ក្រសួងបានបន្តថា ស្ថានភាពធាតុអាកាសបែបនេះ សូមសាធារណជនជ្រាបជាព័ត៌មាន និងសូមប្រុងប្រយ័ត្នចំពោះបាតុភូតភ្លៀង ផ្គរ រន្ទះ និងខ្យល់កន្ត្រាក់ ដែលអាចកើតមាន ជាពិសេសនៅតំបន់វាលទំនាបកណ្តាល ៕
ចែករំលែកព័តមាននេះ