- ភ្នំពេញ
ភ្នំពេញ៖ វិធានការរៀបចំសណ្តាប់ធ្នាប់ តាមផ្លូវនានា ក្នុងរាជធានីភ្នំពេញ ត្រូវបានអាជ្ញាធរតាមបណ្តាខណ្ឌនិមួយៗ បានចាត់វិធានការអនុវត្តយូរឆ្នាំណាស់មកហើយ។ ប៉ុន្តែក្រោយពីអាជ្ញាធរសមត្ថកិច្ច ចេញផុត ការដាក់លក់ឥវ៉ាន់ និងទំនិញនានា…
ភ្នំពេញ៖ វិធានការរៀបចំសណ្តាប់ធ្នាប់ តាមផ្លូវនានា ក្នុងរាជធានីភ្នំពេញ ត្រូវបានអាជ្ញាធរតាមបណ្តាខណ្ឌនិមួយៗ បានចាត់វិធានការអនុវត្តយូរឆ្នាំណាស់មកហើយ។ ប៉ុន្តែក្រោយពីអាជ្ញាធរសមត្ថកិច្ច ចេញផុត ការដាក់លក់ឥវ៉ាន់ និងទំនិញនានា…
ភ្នំពេញ៖ វិធានការរៀបចំសណ្តាប់ធ្នាប់ តាមផ្លូវនានា ក្នុងរាជធានីភ្នំពេញ ត្រូវបានអាជ្ញាធរតាមបណ្តាខណ្ឌនិមួយៗ បានចាត់វិធានការអនុវត្តយូរឆ្នាំណាស់មកហើយ។ ប៉ុន្តែក្រោយពីអាជ្ញាធរសមត្ថកិច្ច ចេញផុត ការដាក់លក់ឥវ៉ាន់ និងទំនិញនានា រួមទាំងការចតយានយន្តលើចិញ្ចើម និងទ្រូងផ្លូវ បន្តកើតឡើងដដែល។
កាលពីថ្ងៃទី១៦ ខែមិថុនា ឆ្នាំ២០២១ កម្លាំងប៉ុស្តិ៍នគរបាលរដ្ឋបាលទាំង ៨សង្កាត់ ចំណុះអធិការដ្ឋាននគរបាលខណ្ឌ ៧មករា បានចុះរៀបចំសណ្តាប់ធ្នាប់ នៅតាមបណ្តាយផ្លូវមួយចំនួន ស្ថិតក្នុងភូមិសាស្ត្រខណ្ឌ ៧មករា នៅម្តុំផ្សារអូឫស្សី។ តាមវិធានការ ការរៀបចំសណ្តាប់ធ្នាប់នេះ អាជ្ញាធរសមត្ថកិច្ច បានឲ្យអាជីវករ និងអ្នកមានផ្ទះជាប់ផ្លូវ ដាក់លក់ជាបណ្តោះអាសន្ន គឺ ១/៣ នៃចិញ្ចើមផ្លូវ និងទុកចិញ្ចើមថ្នល់ សម្រាប់ថ្មើរជើង ធ្វើចរាចរណ៍ បញ្ជៀសការកកស្ទះ និងគ្រោះថ្នាក់ចរាចរណ៍។
កន្លងមក កងកម្លាំងប្រជាការពារខណ្ឌ អាជ្ញាធរសង្កាត់ រួមជាមួយកម្លាំងសន្តិសុខផ្សារ បានរៀបចំសណ្តាប់ធ្នាប់ នៅតាមផ្លូវសំខាន់ៗ មិនថា ផ្លូវតូច ឬផ្លូវនៅជិតផ្សារនោះទេ។ ក្នុងប្រតិបត្តិការទាំងនោះ អាជ្ញាធរសមត្ថកិច្ច បានប្រើធម៌ក្តៅ លើអ្នកលក់បន្លែផ្លែឈើ ដែលបានយកផ្លូវ ធ្វើផ្សារ គឺចាប់ដកហូត យកបន្លែផ្លែឈើទាំងនោះ ទៅចាក់ចោល នៅគំនរសំរាមក៏មាន។ ម៉ូតូឡាន ដែលចតលើទ្រូងផ្លូវ ក៏ត្រូវចាប់អូសយកទៅខណ្ឌ ផាកពិន័យ និងចាក់សោខ្នោះកង់ឡានទាំងនោះ ថែមទៀតផង។
មុននឹងអាជ្ញាធរសមត្ថកិច្ច ចាត់វិធានការរៀបចំសណ្តាប់ធ្នាប់តាមផ្លូវ កន្លងមក អាជ្ញាធរសមត្ថកិច្ច បានណែនាំច្រើនលើកច្រើនសា ព្រមទាំងមានវិធានការរដ្ឋបាលផង ប៉ុន្តែការរំលោភលើចិញ្ចើមថ្នល់ រហូតដល់រំលោភយកផ្លូវធ្វើជាផ្សារ និងចំណតយានយន្ត នៅតែបន្តកើតឡើងដដែល ជាដដែល នៅភ្នំពេញ។
វិធានការរំដោះចិញ្ចើមផ្លូវនេះ គឺដើម្បីរក្សាបាននូវសណ្តាប់ធ្នាប់ និងរបៀបរៀបរយល្អ រួមចំណែកក្នុងការលើកស្ទួយសោភ័ណភាព អនាម័យ បរិស្ថានល្អ នៃរាជធានីភ្នំពេញ ដោះស្រាយបញ្ហាចរាចរណ៍ និងរៀបចំសណ្តាប់ធ្នាប់សាធារណៈ ជាដើម។
ជាការពិត បើសិនជាអាជ្ញាធរសមត្ថកិច្ច រៀបចំសណ្តាប់ធ្នាប់ របៀបរៀបរយតាមដងផ្លូវ ពិសេសផ្លូវនៅម្តុំផ្សារ គួរតែរឹតបន្តឹងឲ្យបានគ្រប់ៗគ្នា គ្រប់ៗផ្ទះ ដោយស្មើភាព។ មិនមែនធ្វើតែផ្ទះនៅម្ខាងផ្លូវ ហើយម្ខាងផ្លូវទៀត ដាក់ឆ័ត្រ តសំយ៉ាបផ្ទះ ដាក់ទំនិញលក់ដូរ លើចិញ្ចើមផ្លូវ ហើយកន្លែងខ្លះចូលដល់ទ្រូងផ្លូវថែមទៀត តែបែរជាអាជ្ញាធរសមត្ថកិច្ច មិនយកភ្នែកមើលនោះទេ។
ម្យ៉ាងវិញទៀត ការរៀបចំសណ្តាប់ធ្នាប់ របៀបរៀបរយតាមផ្លូវសាធារណៈ ដោយមិនឲ្យមានអ្នកលក់ដូរលើចិញ្ចើមផ្លូវ និងលើទ្រូងផ្លូវ គឺសំខាន់បំផុត នៅលើអាជ្ញាធរសមត្ថកិច្ច ពិសេសគណៈកម្មការផ្សារ និងអាជ្ញាធរសង្កាត់ខណ្ឌនេះឯង។ កន្លងមក អ្នកលក់ដូរ ដែលយកផ្លូវ ធ្វើផ្សារ គឺទាល់តែមានការអនុញ្ញាតពីគណៈកម្មការ អ្នកគ្រប់គ្រងផ្សារ និងអាជ្ញាធរសង្កាត់ ឬអាជ្ញាធរខណ្ឌ ទើបអាចដាក់បន្លែផ្លែឈើ តុកាហ្វេលក់ ឬក៏ចតឡានម៉ូតូបាន។ អ្នកលក់ទាំងនោះ ត្រូវបង់លុយ ប្រចាំថ្ងៃ ឬក៏ត្រូវបង់ខែ ដល់អាជ្ញាធរសមត្ថកិច្ចថែមទៀតផង។
បើសិនជាមានវិធានការរឹតបន្តឹង ដូចអ្វីដែលអាជ្ញាធរសមត្ថកិច្ចអនុវត្តកន្លងមក ហើយពេលនេះទៀត គឺកម្លាំងប៉ុស្តិ៍នគរបាលរដ្ឋបាលទាំង ៨សង្កាត់ ចំណុះអធិការដ្ឋាននគរបាល ខណ្ឌ ៧មករា បានអនុវត្តតាមផ្លូវនានា ក្នុងទឹកដីខណ្ឌ៧មករា ទៅលើក្រុមអ្នកលក់ដូរ ដែលរំលោភយកចិញ្ចើមផ្លូវ រហូតដល់យកផ្លូវ ធ្វើផ្សារ គួរតែធ្វើជាប់ជាប្រចាំ ហើយដោយគ្មានការលើកលែងលើបុគ្គលណាមួយទេ។ ពោលគឺអនុវត្តដោយស្មើភាពគ្នា ហាមឃាត់ ណែនាំ ធ្វើកិច្ចសន្យា ហើយបើនៅតែបំពាន ត្រូវរឹបអូសទំនិញសម្ភារៈដាក់តាំងលក់ទាំងអស់នោះ។
បើសិនជាអ្នកលក់ដូរទាំងនោះ នៅតែរំលោភ យកចិញ្ចើមផ្លូវ និងទ្រូងផ្លូវធ្វើកន្លែងលក់ដូរ ធ្វើកន្លែងចតឡានម៉ូតូទៀត ត្រូវចាប់រឹបអូស យកទៅផាកពិន័យ ធ្វើកិច្ចសន្យា ហើយចុងក្រោយ ដកហូតយកទៅ កម្ទេចចោល តែម្តង។ ធ្វើដូច្នេះ ជាប្រចាំ នោះអ្នករំលោភចិញ្ចើមផ្លូវ និងទ្រូងផ្លូវ ច្បាស់ជាអាចរាងចាល។
សព្វថ្ងៃ យានយន្តកាន់តែច្រើននៅភ្នំពេញ ហើយបើមានអ្នករំលោភយកចិញ្ចើមផ្លូវ និងទ្រូងផ្លូវ ចតឡានម៉ូតូ លក់ដូរពេញហ្នឹងទៀត នោះកាន់តែផ្លូវរួមតូច កកស្ទះចរាចរណ៍ផង ហើយអ្នកដើរ អាចនឹងមានគ្រោះថ្នាក់ថែមទៀត ព្រោះមិនមានចិញ្ចើមផ្លូវដើរ ក៏ត្រូវដើរលើទ្រូងផ្លូវ ដែលតូចចង្អៀតស្រាប់ទាំងនោះ។
ធ្វើដូច្នេះ ពិតជាប៉ះពាល់ដល់ផលប្រយោជន៍របស់អ្នកលក់ដូរមួយចំនួនខ្លះមែន តែជាផលប្រយោជន៍វិញ គឺប្រជាពលរដ្ឋយ៉ាងច្រើន ពិសេសអ្នកធ្វើដំណើរឆ្លងកាត់តំបន់នោះ រួមទាំងលើកកម្ពស់សណ្តាប់ធ្នាប់ របៀបរៀបរយ និងសុវត្ថិភាព សម្រាប់អ្នកធ្វើដំណើរ ដោយថ្មើរជើង។
ប្រជាពលរដ្ឋ រស់នៅតាមផ្លូវទាំងនោះ និងអ្នកលក់ដូរ សូមគិតពីប្រយោជន៍រួម ជាជាងការរំលោភចិញ្ចើមផ្លូវ និងការរំលោភយកផ្លូវ ធ្វើជាកម្មសិទ្ធិ លក់ដូរ ដែលបម្រើតែប្រយោជន៍ខ្លួនឯង។ រីឯអាជ្ញាធរសមត្ថកិច្ច ក៏គួរតែអនុវត្តជាប្រចាំ ដោយតម្លាភាព មិនប្រកាន់បក្សពួក និងមិនទទួលលុយកាកពីប្រជាពលរដ្ឋ អ្នកលក់ដូរដែលរំលោភបំពានចិញ្ចើមផ្លូវ និងទ្រូងផ្លូវទាំងនោះទេ។ ការរៀបចំសណ្តាប់ធ្នាប់ របៀបរៀបរយតាមផ្លូវនេះ អាជ្ញាធរសមត្ថកិច្ច គួរតែធ្វើឲ្យជាប់លាប់ ជាប្រចាំ និងគ្មានការលើកលែងឡើយ៕
ចែករំលែកព័តមាននេះ