អង្គការព្រីនស៍ រៀល អ៊ីស្ទេត ផ្ដល់អំណោយដល់ប្រជាជនក្រីក្រ
រាជធានីភ្នំពេញ ៖ អង្គការមូលនិធិសប្បុរសធម៌ ព្រីនស៍ រៀល អ៊ីស្ទេត បានរៀបចំពិធីសំណេះសំណាល និងឧបត្ថម្ភអំណោយដល់ប្រជាពលរដ្ឋដែលរស់នៅក្រោយការដ្ឋានគម្រោងមជ្ឈមណ្ឌល
រាជធានីភ្នំពេញ ៖ អង្គការមូលនិធិសប្បុរសធម៌ ព្រីនស៍ រៀល អ៊ីស្ទេត បានរៀបចំពិធីសំណេះសំណាល និងឧបត្ថម្ភអំណោយដល់ប្រជាពលរដ្ឋដែលរស់នៅក្រោយការដ្ឋានគម្រោងមជ្ឈមណ្ឌល ព្រីនស៍ ផ្លាហ្សា ដែលស្ថិតនៅដីទ្បូត៌លេខ២៧១ ផ្លូវនរោត្តម សង្កាត់ទន្លេបាសាក់ ខណ្ឌចំការមន កាលពីថ្ងៃទី២៣ វិច្ឆិកា ២០១៥ នៅការិយាល័យលក់គម្រោងព្រីនស៍ផ្លាហ្សា ដោយមានលោកសុខ ពុទ្ធី ចៅសង្កាត់រងទន្លេបាសាក់ និងលោក QIU GUO XING ប្រធានអង្គការមូលនិធិសប្បុរសធម៌ព្រីនស៍ រៀល អ៊ីស្ទេត និងជាអនុប្រធានក្រុមប្រឹក្សាភិបាលក្រុមហ៊ុន ព្រីនស៍រៀល អ៊ីស្ទេត (ខេមបូឌា ) អ៊ិនវេសមិនផងដែរ ។
លោក QIU GUO XING ប្រធានអង្គការមូលនិធិសប្បុរសធម៌ ព្រីនស៍ រៀល អ៊ីស្ទេត បានមានប្រសាសន៍ ថា អង្គការមូលនិធិសប្បុរសធម៌ ព្រីនស៍ រៀល អ៊ីស្ទេត បានចាប់ដំណើរការជាផ្លូវការនៅខែសីហា ឆ្នាំ២០១៥ នេះ មកដល់បច្ចុប្បន្ន អង្គការមូលនិធិសប្បុរសធម៌មួយនេះ បានចូលរួមកិច្ចការសប្បុរសធម៌ជាច្រើនលើកដូចជា ឧបត្ថម្ភដល់មន្ទីរពេទ្យគុន្ធបុប្ផា អង្គការកុមារកំព្រារ PES មណ្ឌលកុមារកំព្រាភ្នំពេញថ្មី និងមជ្ឈមណ្ឌលជនអនាថា កុមារអនាថាពោធិ៍សែនជ័យនៃមន្ទីរសង្គមកិច្ច រាជធានីភ្នំពេញជាដើម។
លោកបញ្ជាក់ថា គោលបំណងនៃកម្មវិធីសំណេះសំណាលនេះ ទីមួយគឺដើម្បីចូលរួមអបអរសាទរពិធីបុណ្យអុំទូក បណ្តែតប្រទីត និងសំពះព្រះខែខាងមុខនេះ ដោយនាំមកនូវអំណោយ និងថវិកាបន្តិចបន្តួចដល់ប្រជាពលរដ្ឋរស់នៅក្បែរការដ្ឋានសំណង់មជ្ឈមណ្ឌល ព្រីនស៍ ផ្លាហ្សា និងទីពីរគឺដើម្បីសូមការអធ្យាស្រ័យ និងយោគយល់ពីប្រជាពលរដ្ឋដែលរស់នៅក្បែរការដ្ឋាន ដែលកន្លងមកការសាងសង់គម្រោងធើ្វឲ្យមានការរំខានដល់ការរស់នៅរបស់ប្រជាពលរដ្ឋខាងលើ។ លោកសន្យាថា ក្រុមហ៊ុននឹងដោះស្រាយបញ្ហាប៉ះពាល់ជូនប្រជាពលរដ្ឋឲ្យបានឆាប់រហ័ស និងតាមសំណូមពរ។
លោកសុខ ពុទ្ធី ចៅសង្កាត់រងសង្កាត់ទន្លេបាសាក់ បានថ្លែងអំណរគុណដល់អង្គការមូលនិធិសប្បុរសធម៌ ព្រីនស៍ រៀល អ៊ីស្ទេត ដែលបានឧបត្ថម្ភអំណោយដល់ប្រជាពលរដ្ឋក្រីក្រដែលរស់នៅជិតការដ្ឋានសំណង់នៃគម្រោងមជ្ឈមណ្ឌលព្រីនស៍ផ្លាហ្សា។
គួរបញ្ជាក់ថា ប្រជាពលរដ្ឋចំនួន២៥គ្រួសារដែលបានទទួលអំណោយពីអង្គការមូលនិធិព្រីនស៍ រៀល អ៊ីស្ទេត ដោយក្នុងមួយគ្រួសារទទួលបានអង្ករ៥០គីទ្បូក្រាម មី២កេស អាវយឺតមូលនិធិ និងថវិកាជាសាច់ប្រាក់២០ម៉ឺនរៀល ដែលជាអំណោយឧបត្ថម្ភដោយអង្គការមូលនិធិសប្បុរសធម៌ ព្រីនស៍ រៀល អ៊ីស្ទេត៕
ចែករំលែកព័តមាននេះ