«ដេលីមេ៉ល» របស់អង់គ្លេស កាលពីពេល ថ្មីៗកន្លងមកផ្សាយថា លោកវាំងយ៉ាន អាយុ២៩ឆ្នាំ ដែលជាសេដ្ឋីមានទ្រព្យស្តុកស្តម្ភពីការជួញដូរដែក បានចំណាយប្រាក់ទិញរោងចក្រផលិតដែកមួយក្នុងក្រុងឆាងឈុន ដើម្បីប្តូរធ្វើជាមជ្ឈមណ្ឌលចិញ្ចឹមឆ្កែពនេចរជាង២០០ក្បាល ។
កម្លាំងចិត្តដែលធ្វើឱ្យលោកវាំងយ៉ាន បង្កើតទីតាំងចិញ្ចឹមឆ្កែ ព្រោះកាលពី៣ឆ្នាំមុន ឆ្កែដែលលោកចិញ្ចឹមបាត់ពីផ្ទះ ហើយតាមរុករកជាច្រើនកន្លែង តែរកមិនឃើញ ។ ក្រោយមកមានមនុស្សណែនាំឱ្យលោកវាំងយ៉ាន ទៅមើលនៅរោងសត្តឃាត និងព្យាយាមដើរមើលជាច្រើនសប្តាហ៍ មិនឃើញឆ្កែរបស់ខ្លួនទេ ប៉ុន្តែលោកឃើញមានឆ្កែជាច្រើនក្បាលត្រូវសម្លាប់ដើម្បីធ្វើជាអាហារ ។ រូបភាពនោះហើយដែលធ្វើឱ្យលោកវាំងយ៉ាន មានគំនិតចង់បង្កើតមជ្ឈមណ្ឌលចិញ្ចឹមឆ្កែ ។
បច្ចុប្បន្ននៅក្នុងមជ្ឈមណ្ឌលមានឆ្កែស្ថិតក្រោមការថែទាំជាង២០០ក្បាល ដែលចំណូលស្ទើរតែទាំងអស់បានពីជំនួញរបស់លោកវាំងយ៉ានយកមកចំណាយក្នុងការទិញចំណី និងថ្លៃព្យាបាលឆ្កែពនេចរទាំងនោះ ៕
ចែករំលែកព័តមាននេះ