ដូចបានរៀបរាប់កន្លងមកហើយអ្នកចង់មានកូនដំបូង អ្នកត្រូវសន្សំបែបណា ដើម្បីកុំឱ្យអ្នកមានបញ្ហាអត់លុយកាក់ពេលសម្រាលកូន ។ ដូចនេះអត្ថបទនេះ និយាយពីការចង់មានកូនទីពីរវិញម្តង ។ តើយើងគួរត្រៀមអ្វីខ្លះ ប្រសិនបើយើងសម្រេចចិត្តចង់មានកូនទីពីរ ?
ទី ១ របស់របរប្រើប្រាស់អាចត្រូវបានផ្លាស់ប្តូរ ៖
នៅពេលអ្នកមានកូនតូចមួយទៀត គួរមានបន្ទប់គេងសម្រាប់គេម្នាក់មួយ ។ វាប្រហែលជាត្រូវការផ្ទះធំជាងមុនប្រសិនជាអ្នកត្រៀមទទួលកូនទី ២ ។ ដូចនេះអ្នកប្រាកដជាត្រូវគិតតម្លៃផ្ទះធំជាងនេះហើយ ។ ហើយប្រសិនបច្ចុប្បន្នមានឡានតូច នោះក៏ប្រហែលជាត្រូវដូរដែរហើយ ហើយការប្តូរឡានគួរតែធំជាងមុន នោះអ្នកនឹងត្រូវគិតពីតម្លៃរបស់វាផងដែរ ។ គួរបញ្ជាក់ផងដែរ បច្ចុប្បន្នអចលទ្រព្យ និងសម្ភារៈនានា ក្នុងប្រទេសកម្ពុជា ភាគច្រើនបង់រំលស់ ខណៈដែលប្រទេសអភិវឌ្ឍគេប្រើប្រាស់វិធីសាស្ត្រនេះយូរមកហើយ ។ អ្នកជំនាញបានណែនាំថា ឪពុកម្តាយគួរតែសម្រេចចិត្តជាមុនថា តើពួកគេអាចមានលទ្ធភាពចំណាយលើឡានយ៉ាងដូចម្តេច ? ។ ហើយសូមបញ្ជាក់ថា ប្រសិនបើអ្នកប្រើថវិកាសម្រាប់ទិញរបស់ទាំងនោះ ប្រហែលជាត្រូវកាត់បន្ថយប្រាក់សន្សំសម្រាប់ប្រើនៅពេលកូនទី ២ ចាប់កំណើត ។
ទី ២ កាត់បន្ថយរបស់របរក្មេងលេង ៖
ប្រសិនបើអ្នកមានគម្រោងចង់បានកូនទីពីរហើយ នោះអ្នកប្រាកដណាស់ថា អ្នកត្រូវថែរក្សារបស់ ឬប្រដាប់ប្រដាក្មេងលេងកាលពីកូនទី ១ របស់អ្នកបានលេងរួចហើយ ។ ប៉ុន្តែអ្នកក៏អាចទិញថ្មីបានដែរ គ្រាន់តែថា អ្នកមានខ្លះហើយមិនសូវចំណាយច្រើនដូចកូនដំបូង ។ របស់របរទាំងនោះ អាចជាសម្លៀកបំពាក់ គ្រឿងសង្ហារិម ភួយ និងប្រដាប់ប្រដាក្មេងលេង ។ល។ លោក Palmerនិយាយថា ៖ «របស់របរសម្រាប់ទារកមួយចំនួនអ្នកត្រូវទិញ ឧទាហរណ៍រទេះរុញសម័យថ្មីវាមានភាពងាយស្រួលជាងមុន ឬអង្រឹងជាដើម ។ល។ វាជាការសម្រេចចិត្តរបស់ឪពុកម្តាយ ប៉ុន្តែប្រសិនអ្នកគិតថា វាអាចនៅប្រើបានគឺល្អ ។
ទី ៣ ថ្លឹងថ្លែងជម្រើសថែទាំកូន ៖
អ្នកប្រាកដជាគិតថា ការថែទាំកូនទី ២ ដូចកូនទី ១ ដែរ តែមិនអ៊ីចឹងទាំងអស់ទេ ។ ជាឧទាហរណ៍មានឪពុកម្តាយខ្លះនៅពេលមានកូនដំបូងផ្អាកការងារ នៅមើលថែកូន ប៉ុន្តែសម្រាប់កូនទី ២ អ្នកគួរគិតថា ប្រាក់ខែអ្នកទាំងពីរអាចជួលអ្នកមើលថែកូនបានទេ ឬត្រូវផ្អាកការងារម្នាក់ បើដូចនេះប្រាក់ចំណូលនឹងត្រូវបានកាត់បន្ថយមួយផ្នែក ។ ដល់ចំណុចនេះឪពុកម្តាយគួរគិត និងថ្លឹងថ្លែងថា វិធីណាល្អ ឈប់ធ្វើការមើលកូនសិន ឬចំណាយប្រាក់ដើម្បីជួលគេមើលថែកូន ។ មានអ្នកខ្លះគិតថា ការជួលអ្នកមើលថែកូនមក ខ្លាចគេធ្វើបាប ឬមើលថែកូនមិនបានល្អ ដូចនេះសូមគិតពិចារណា ប៉ុន្តែប្រសិនជាអ្នកយល់ថា មានមនុស្សដែលគួរឱ្យទុកចិត្ត អ្នកជំនាញណែនាំឱ្យអ្នករកអ្នកមើលថែកូន ។
សូមជម្រាបជូនថា ឪពុកម្តាយគួរត្រៀមលុយ និងក្នុងកាលៈទេសៈណាក៏ដោយអ្នកមិនត្រូវបោះបង់ការសន្សំប្រាក់នោះទេ ព្រោះវាអាចជួយអ្នកបើទោះបីអ្នកមានប្រាក់គ្រប់គ្រាន់សម្រាប់កូនទ ២ ក្តី ។ ប្រសិនបើក្នុងករណីអ្នកមិនទាន់ចង់បានកូនទី ២ ហើយមានដោយចៃដន្យនោះអ្នកអាចអនុវត្តន៍វិធីសាស្ត្រសន្សំប្រាក់ពីខែដំបូងដែលអ្នកដឹងថា អ្នកមានកូនមួយទៀត ។ ជាពិសេសកុំភ្លេចការសន្សំប្រាក់ក្នុងគ្រាមានអាសន្ន (emergency fund) ៕ ប្រភព ៖ Dicover
ចែករំលែកព័តមាននេះ