ខេត្តក្រចេះ ៖ ប្រជាលរដ្ឋជាច្រើនគ្រួសាររស់នៅភូមិព្រែកសាម៉ាន់ ឃុំព្រែកសាម៉ាន់ ស្រុកឆ្លូង បាននាំគ្នាចោទប្រកាន់ក្រុមប្រឹក្សាឃុំរបស់ខ្លួនថាបានឈូសឆាយដីទីទួលសុវត្ថិភាព និងជាដីរក្សាទុកទប់កប់ខ្មោចរបស់អ្នកភូមិដែលមានទីតាំងស្ថិតនៅក្រោយភូមិជាច្រើនហិកតា ដើម្បីធ្វើជាកម្មសិទ្ធិផ្ទាល់ខ្លួន ។ ពលរដ្ឋបានអំពាវនាវដល់អាជ្ញាធរស្រុក…
ខេត្តក្រចេះ ៖ ប្រជាលរដ្ឋជាច្រើនគ្រួសាររស់នៅភូមិព្រែកសាម៉ាន់ ឃុំព្រែកសាម៉ាន់ ស្រុកឆ្លូង បាននាំគ្នាចោទប្រកាន់ក្រុមប្រឹក្សាឃុំរបស់ខ្លួនថាបានឈូសឆាយដីទីទួលសុវត្ថិភាព និងជាដីរក្សាទុកទប់កប់ខ្មោចរបស់អ្នកភូមិដែលមានទីតាំងស្ថិតនៅក្រោយភូមិជាច្រើនហិកតា ដើម្បីធ្វើជា
កម្មសិទ្ធិផ្ទាល់ខ្លួន ។ ពលរដ្ឋបានអំពាវនាវដល់អាជ្ញាធរស្រុក និងខេត្តជួយដោះស្រាយបញ្ហារំលោភបំពាននេះជូនពួកគាត់ ដើម្បីរក្សាដីទាំងនេះទុកជាសម្បត្តិរួមរបស់អ្នកភូមិ ។ ទន្ទឹមនិងការលើកឡើងរបស់ពលរដ្ឋនេះ អាជ្ញាធរស្រុកឆ្លូងក៏បានលើកឡើងថា ករណីវិវាទនេះ អាជ្ញាធរស្រុកកំពុងតែដោះស្រាយ។
ពលររដ្ឋទាំងនោះ បានរៀបរាប់ថា ការរំលោភយកដីទីទួលសុវត្ថិភាព និងជាដីរក្សាទុកបញ្ចុះសពរបស់អ្នកភូមិ ពីសំណាក់ក្រុមប្រឹក្សាឃុំព្រែកសាម៉ាន់ គឺលោកស្រី យ៉ន សុខឃិន គឺកើតឡើងមានរយៈពេលជិត២ឆ្នាំមកហើយ តែការដោះស្រាយនៅតែមិនទាន់មាន ។ ពួកគាត់ថា កាលពីឆ្នាំកន្លងមក ពួកគាត់ធ្លាប់ធ្វើពាក្យបណ្តឹង រួមនិងមានស្នាមមេដៃចំនួនពលរដ្ឋស្ទើរ១ឃុំ ប្តឹងពីការរំលោភបំពានដីព្រៃខ្មោចយកធ្វើជាកម្មសិទ្ឋពីសំណាកលោកស្រី ក្រុមប្រឹក្សាឃុំរូបនេះ ទៅកាន់អាជ្ញាធរស្រុកឲ្យជួយរកដំណោះស្រាយតែរហូតពេលនេះអាជ្ញា ធរនៅមិនទាន់រកដំណោះស្រាយសមស្របជូនពួកគាត់នៅឡើយទេ ខណះការឈូសឆាយដីព្រៃគឺនៅតែបន្តធ្វើឡើង។
ពលរដ្ឋថា ទីតាំងដីមានទំហំជាង២ហិកតា គឺជាដីទីទួលសុវត្ថិភាពរបស់ពួកគាត់នៅក្នុងឃុំក្នុងរដូវទឹកជំនន់ និងក៏ជាដីទីបញ្ចុះសពរបស់អ្នកភូមិតាំងពីដូនតាមមកម្ល៉េះ តែនៅពេលនេះដីតំបន់នោះត្រូវបានលោកស្រីក្រុមប្រឹក្សាឃុំរំលោភបំពានជាកម្មសិទ្ឋ បុគ្គលដោយធ្វើរបងហំព័ទ្ឋជុំវិញ សង្ស័យតែមានការត្រូវរូវគ្នាជាមួយអាជ្ញាធរឃុំ។
ជុំវិញការចោទប្រកាន់នេះ មិនអាចសុំការបំភ្លឺបានទេពីលោកស្រីយ៉ន សុខឃិន ដែលមានតួនាទីជាក្រុមប្រឹក្សាឃុំបានទេ។ តែយ៉ាងណា បើតាមការបញ្ជាក់ពីមន្ត្រីរដ្ឋបាលសាលាស្រុកឆ្លូង បានឲ្យដឹងនៅថ្ងៃទី១៤ ខែមិថុនា ថា នេះជាករណីវិវាទដីធ្លីរវាងបុគ្គលនិងបុគ្គល ហើយករណីនេះ អាជ្ញាធរស្រុកឆ្លូងកំពុងតែចុះស្រាវជ្រាវ ដើម្បីរកវិធានការដោះស្រាយជូនពួកគាត់ក្នុងករណីសមស្រប ៕
ចែករំលែកព័តមាននេះ