នៅប៉ុន្មានថ្ងៃមុននេះ យឿន ពិសី ម្ចាស់ពាន Cambodian got’ Talent បានកើតទុកមិនសុខចិត្ត ហើយបាន Live video ខឹងស្ថាប័នទូរទស្សន៍ហង្សមាស ដែលបិទខ្លួន អត់ដែលឱ្យឡើងឆាកច្រៀងអស់ជាច្រើនឆ្នាំ តាំងពីឆ្នាំ២០១៥មកម្ល៉េះ។ អតីតម្ចាស់ពានរូបនេះ ពេលនេះបានយំសោកស្តាយខ្លួនថា
រាជធានីភ្នំពេញ ៖ នៅប៉ុន្មានថ្ងៃមុននេះ យឿន ពិសី ម្ចាស់ពាន Cambodian got’ Talent បានកើតទុកមិនសុខចិត្ត ហើយបាន Live video ខឹងស្ថាប័នទូរទស្សន៍ហង្សមាស ដែលបិទខ្លួន អត់ដែលឱ្យឡើងឆាកច្រៀងអស់ជាច្រើនឆ្នាំ តាំងពីឆ្នាំ២០១៥មកម្ល៉េះ។ អតីតម្ចាស់ពានរូបនេះ ពេលនេះបានយំសោកស្តាយខ្លួនថា បើវិលទៅរកសភាពដើមវិញ លោកសុំមិនទទួលពាននេះទេ។ ដោយឃើញការនិយាយបែបនេះ ធ្វើអោយគេអាណិតលោកជាខ្លាំងពេលបានឃើញឃ្លីបវិដេអូទួញយំនេះ។
ហើយមិនទាន់បានប៉ុន្មានផង ពិធីករ សុខ រ៉ាស៊ី ដែលកាន់តួនាទីផ្នែកអធ្ថាធិប្បាយនាទីកម្សាន្តតន្ត្រីផ្សាញផ្ទាល់ បានបង្ហោះសារតបទៅយឿន ពិសីវិញថា «បងសូមផ្ញើវិដេអូនេះជូនប្អូនប្រុសយឿន ពិសី ម្ចាស់ពានរង្វាន់កម្មវិធី Cambodia got’s talent រដូវកាលទី១! ក្រុមហ៊ុន មិនដែលចោលប្អូនម្តងណាទេ ប្អូនគិតមើលទៅ មានវិដេអូច្រើនណាស់ដែលប្អូនសម្តែងនៅលើឆាកហង្សមាស HDTV! សូមប្អូនគិតឡើងវិញមុននឹងឡាយបកស្រាយ!»។
ពិធីករ សុខ រ៉ាស៊ី បង្ហោះសារតបទៅយឿន ពិសី បន្តថា «ប្អូនជាប់ក្នុងកម្មវិធីប្រកួតទេពកោសល្យ ផលិតកម្មមិនមានសិទ្ធិចេញបទជូនអូនទេ! ជាក់ស្តែងម្ចាស់ពាន ខេមបូឌាហ្គលថាឡេន រដូវកាលទី២ ក៏មិនមានបទដូចអូនដែរ! បើមានអ្វីឆ្ងល់អូនគួរមកទំនាក់ទំនងក្រុមហ៊ុនជាមុនសិន! បងសូមផ្តល់កម្លាំងចិត្តដល់ប្អូនស្វែងរកអ្វីដែលទាក់ទាញ និងបង្កើតបទថ្មីៗអោយច្រើន ដើម្បីបានធ្វើការជាមួយគ្នាកាន់តែច្រើនទៀត! ស៊ូៗអូន! ហង្សមាសគ្មានប្រវត្តិបោះបង់សមាជិកម្នាក់ណាឡើយ!» ។
សារបង្ហោះខាងលើនេះ អាចបន្សាបការយល់ឃើញដែលកន្លងមក តារាចម្រៀងយឿន ពិសីបកស្រាយ។ មិនដឹងថា យឿន ពិសី មានការយល់ឃើញ ឬយ៉ាងណាទេ ពេលបានដឹងរឿងនេះ។ ជាពិសេសអ្នកដឹងរឿងស្រឡាំងកាំងម្តេចទៅ ពេលឃើញ យឿន ពិសី ក៏ធ្លាប់ឡើងឆាកច្រៀងជាមួយហង្សមាសដែរនោះ។ រំពឹងថា វីដេអូដែលលោករ៉ាស៊ីបង្ហោះទៅពិតជាមហាជនបានយល់ ហើយគិតពិចារណាតាមការគួរ។
ចែករំលែកព័តមាននេះ