ប្រទេសចិន ៖ រដ្ឋបាលជាតិអវកាសចិន ANEC បានចេញផ្សាយកាលពីថ្ងៃទី១១ ខែមិថុនា ឆ្នាំ២០២១ រូបភាពថ្មីៗ ដែលថតបញ្ជូនមកដោយយានរ៉ូបូភពព្រះអង្គារ៍ ចិន ZHURONG ដោយក៏មានរូបថតបង្ហាញទង់ជាតិចិននៅលើភពនោះដែរ។
រូបភាពទាំងនេះ បើតាមស៊ីនហួថា បង្ហាញក្នុងឱកាសនៃពិធីមួយនាទីក្រុងប៉េកាំង ដែលកំណត់ពីជោគជ័យទាំងស្រុង នៃបេសកកម្ម្មរុករកលើភពព្រះអង្គារ៍លើកដំបូងរបស់ចិន។ រូបភាពទាំងនោះ រួមមានរូបភាពនៃទីតាំងចុះចត រូបថតពីទេសភាពភពព្រះអង្គារ៍ ព្រមទាំងរូបភាពសែលហ្វីរបស់យាននោះនៅកន្លែងចុះ។
ទេសភាពភពព្រះអង្គារ៍ ត្រូវបានយាននោះថតតាំងពីមិនទាន់បរចុះមកដីភពព្រះអង្គារ៍។ រូបភាពមួយទៀត បង្ហាញទង់ជាតិចិន ដាក់ភ្ជាប់នឹងឧបករណ៍ចុះចត នៅលើភពព្រះអង្គារ៍ ដោយរូបថតនេះថតពេលយានចល័តក្រោយជាន់ដីភពព្រះអង្គារ៍ ៕ ដកស្រង់ចេញពីវេបសាយ ៖ xinhuanet
ចែករំលែកព័តមាននេះ