ក្រសួងសុខាភិបាលបានបញ្ជាក់នៅថ្ងៃទី១៣ ខែមិថុនា ឆ្នាំ២០២១នេះថា បានរកឃើញអ្នកស្លា.ប់ដោយសារជំងឺកូវីដ១៩ រហូតដល់ទៅ១៥នាក់ ដែលជាចំនួនមួយច្រើនជាងថ្ងៃកន្លងមក
រាជធានីភ្នំពេញ ៖ ក្រសួងសុខាភិបាលបានបញ្ជាក់នៅថ្ងៃទី១៣ ខែមិថុនា ឆ្នាំ២០២១នេះថា បានរកឃើញអ្នកស្លា.ប់ដោយសារជំងឺកូវីដ១៩ រហូតដល់ទៅ១៥នាក់ ដែលជាចំនួនមួយច្រើនជាងថ្ងៃកន្លងមក ដែលនាំឱ្យចំនួនអ្នកជំងឺទទួលមរណភាពដោយកូវីដ-១៩ បានកើនឡើងដល់ ៣៣៥ នាក់ ចាប់តាំងពីមានការផ្ទុះឡើងនូវព្រឹត្តិការណ៍សហគមន៍ ២០ កុម្ភៈ នៅកម្ពុជា ។
ជាមួយគ្នានោះផងដែរ ក្រសួងសុខាភិបាល បានបញ្ជាក់ទៀតថាស្ថានភាពកូវីដ-១៩ គិតត្រឹមថ្ងៃទី ១២ ខែមិថុនា គឺរកឃើញអ្នកឆ្លងថ្មីចំនួន៤៦៨នាក់ទៀត និងជាសះស្បើយចំនួន៦៣៦នាក់ និងស្លា.ប់១៥នាក់ ។ ក្នុងចំណោមអ្នកឆ្លងថ្មីនេះ គឺមានករណីឆ្លងក្នុងសហគមន៍ចំនួន៤៣៧នាក់ និងអ្នកដំណើរពីបរទេសចំនួន៣១នាក់។
ក្រសួងបន្តថា គិតត្រឹមព្រឹកថ្ងៃទី១៣ ខែមិថុនា ឆ្នាំ២០២១នេះ មានអ្នកឆ្លងកូវីដ១៩ទូទាំងប្រទេស សរុប ៣៨ ៤២៧ នាក់ និងអ្នកជាសះស្បើយ ៣១ ៨៥៨ នាក់ និងអ្នកស្លា.ប់ រហូតដល់ ៣៣៥នាក់ ។
នាយកដ្ឋានប្រយុទ្ធនឹងជំងឺឆ្លង ហៅកាត់ថា CDC បញ្ជាក់ម្តងហើយម្តងទៀតថា ជំងឺកូវីដ-១៩ នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ប្រទេសយេីងកំពុងរាត្បាតក្នុងសហគមន៍ហេីយ និងប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយដែរ ។ យេីងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ។ ល។ យេីងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល ។
សូមបញ្ជាក់ថា ប្រទេសយេីងរកឃេីញករណីជំងឺកូវីដ១៩ដំបូងបំផុតនៅថ្ងៃទី ២៧ មករា ២០២០ ។
ចែករំលែកព័តមាននេះ