ព្រឺសម្បុរ! សម្រែកអ្នកគាំទ្រហៅឈ្មោះ Eriksen ក្រោយរូបគេដួលសន្ល.ប់លើទីលាន កាលយប់មិញ
ដាណឺម៉ាក ៖ ហ្វាំងឡង់ទទួលបាន៣ពិន្ទុលើកដំបូង សម្រាប់ប្រកួតបើកឆាកក្នុងពូល B ព្រឹតិ្តការណ៍ Euro 2020 កាលពីយប់មិញ។
ដាណឺម៉ាក ៖ ហ្វាំងឡង់ទទួលបាន៣ពិន្ទុលើកដំបូង សម្រាប់ប្រកួតបើកឆាកក្នុងពូល B ព្រឹតិ្តការណ៍ Euro 2020 កាលពីយប់មិញ។
ដាណឺម៉ាក ៖ ហ្វាំងឡង់ទទួលបាន៣ពិន្ទុលើកដំបូង សម្រាប់ប្រកួតបើកឆាកក្នុងពូល B ព្រឹតិ្តការណ៍ Euro 2020 កាលពីយប់មិញ។ បន្ទាប់ពីយកឈ្នះលើម្ចាស់ផ្ទះដាណឺម៉ាក ដោយលទ្ធផល ១-០ សម្រាប់ជំនួបដែលត្រូវបានផ្អាកប្រមាណ៣ម៉ោង ដោយសារតែកីឡាករ Christian Eriksen បានដួសសន្ល.ប់លើទីលានប្រកួត។
ខ្សែបម្រើអន្តរជាតិដាណឺម៉ាក Christian Eriksen ត្រូវបានបញ្ជូនទៅមន្ទីរពេទ្យភ្លាមៗ ក្រោយទទួលបានការជួយសង្គ្រោះបឋម (CPR) លើទីលាន។ បន្ទាប់ពីរូបគេបានដួលសន្លប់នៅនាទី៤២ ចុងវគ្គទី១នៃការប្រកួត។ ដែលបង្កជាការភ្ញាក់ផ្អើលយ៉ាងខ្លាំង សម្រាប់អ្នកគាំទ្រប្រមាណ១៦០០០នាក់ និងកីឡាករក្រុមទាំងសងខាង។
ទោះយ៉ាងណា ក្រោយមកសហព័ន្ធកីឡាបាល់ទាត់ដាណឺម៉ាកបានចេញមកបញ្ជាក់ថា ខ្សែបម្រើក្រុម Inter Milan រូបនេះ បានភ្ញាក់ដឹងខ្លួន និងមានសុវត្ថិភាព ព្រមទាំងមានស្មារតីល្អប្រសើរឡើងវិញហើយ នៅឯមន្ទីរពេទ្យ។
អំឡុងពេលការប្រកួតដែលត្រូវបានផ្អាក គេសង្កេតឃើញអ្នកគាំទ្រហ្វាំងឡង់បានស្រែកពាក្យថា «Christian» ហើយអ្នកគាំទ្រដាណឺម៉ាកបានស្រែកបន្តថា «Eriksen» ដើម្បីជាគោរព និងបន់ស្រន់ដល់កីឡាកររូបនេះ។
ការប្រកួតត្រូវអនុញ្ញាតឱ្យបន្ត ដោយក្នុងនោះកីឡាករ Joel Pohjanpalo ជាអ្នករកគ្រាប់ជ័យជម្នះជូនហ្វាំងឡង់។ បើទោះជាឈ្នះការប្រកួតនេះ ក៏ពិតមែន ប៉ុន្តែកីឡាករហ្វាំងឡង់ទាំងអស់មិនបានអបអរឡើយ ដើម្បីជាការគោរពដល់ Eriksen។
នៅក្នុងពូល B នេះផងដែរ បែលហ្ស៊ិកក៏បានបំបាក់រុស្ស៊ីដោយលទ្ធផល ៣-០ ដែលធ្វើឱ្យពួកឡើងទៅកាន់កាប់កំពូលតារាងជាបណ្តោះអាសន្ន តាមពីក្រោយដោយ ហ្វាំងឡង់ ដាណឺម៉ាក និងរុស្ស៊ី។
ដោយឡែកការប្រកួត១គូទៀត នៅក្នុងពូល A ដែលលេងកាលពីយប់មិញដូចគ្នា វេលស៍ បានត្រឹមស្មើ ១-១ ជាមួយស្វីស។ ជាមួយលទ្ធផលនេះ បានធ្វើឱ្យអ៊ីតាលីឈរនៅកំពូលតារាងជាបណ្តោះអាសន្ន តាមពីក្រោយដោយ វេលស៍ ស្វីស និងតួកគី៕
ចែករំលែកព័តមាននេះ